VOV4.K’ho- Pơrjum Dà lơgar dơ\ 14, Ban Chấp hành Đảng dà lơgar neh lơh nền bơyai lơh Pơrjum dờng cau ala măt gùt lơgar khoá XIII bơh Đảng dê geh lơh bơh ngai 25/1/2021 tus ngai 2/2/2021 tàm càr lơgar Hà Nội. Kuang bàng, đảng viên mờ làng bol gùt lơgar gam wèt tus Pơrjum dờng cau ala măt gùt lơgar khoá XIII bơh Đảng dê bal mờ bơta pin dờn mờ gơn kơnờm bè ală bơta pơlam gùng, bơta lơh nền gùng dà broă lơh dipal, lơh gơlik bơta tam gơl ai bơta bơtàu tơnguh bơh dà lơgar dê in tàm tơngai lơh broă tus.

Phó Giáo sư- Tiến sĩ Đặng Kim Vui, lài do là Kuang ătbồ Hìu bơsram Đại học Thái Nguyên pà gi\t, neh sền mờ tus bal tă pơgồp jơnau đơs tàm bàr pe rơndăp broă cih sră nggal tờm kuơmàng bơh Pơrjum dờng mờr tus dê. Bal mờ ală broă rơcăng lài niam ngan, ală sră nggal ndrờm wil tơl ngan, sơ`io geh ală bơta ờ hềt pràn jak, bơta gam gơkòl tu\ do, mơkung sơ`io loh ală jơnau bơh tài gơbàn, jơnau bơsram mờng chài. Phó Giáo sư- Tiến sĩ Đặng Kim Vui, đơs: Sră nggal rơcăng wil tơl mờ neh geh bơta tă pơgồp tus bal bơh uă ngan cau dê. Broă săc rwah kuang bàng dơ\ do den lơh niam rlau jăt kơrnoat sồ 35 bơh Bộ Chính trị dê mờ neh lơh rơndăp broă lơh kuang bàng jăt 5 broă mờ làng bol chờ hờp ngan, pin dờn tàm bơta rơcăng lài niam ngan mờ dipal ngan bè hơ\, den hơ\ là dùl tàm ală jơnau lơh nền lơh nền ngan tus bơta lơh geh cồng nha bơh pơrjum dờng dơ\ 13 bơh Đảng dê.

Giáo sư- Tiến sĩ khoa học Đặng Ứng Vận, Kuang geh jơng tàm Mpồl duh broă hìu bơsram, Hìu bơsram Đại học Hoà Bình đơs, broă ai jơnau đơs tă pơgồp bơh làng bol dê tàm rơndăp cih ală sră nggal sền tàm Pơrjum dờng dơ\ 13 bơh Đảng dê neh pơgồp bơnah lơh kơ\ kơl jăp, lơh kơ\ tai bơta pin dờn bơh làng bol dê gơ wèt mờ Đảng. Bal mờ nùs nhơm sơrmah sơrmài, khăt gơboh tă pơgồp jơnau đơs, ồng gơn kơnờm Pơrjum dờng dơ\ 13 bơh Đảng dê geh tơlik geh ală gùng dà broă lơh bơta lơh nền dipal nàng bơtàu tơnguh dà lơgar. Giáo sư- Tiến sĩ khoa học Đặng Ứng Vận, đơs: Lài ngan là he geh dùl mpồl kuang bàng đơng lam bồ pa, đơng lam dà lơgar nàng bơtàu tơnguh tàm tơngai geh uă ngan bơta lòng. Dơ\ 2 tai là geh ală Kơrnoat gơcèng bơta tề lam jơh dùl jơi bơtiàn tàm dùl tu\ tơngai 5 nam mờr tus nàng lơh geh ală cồng nha.

Gơ wèt mờ ală cau kơnòm să, ngan là kơnòm bơsram, cau bơsram dờng den kơ\p kờ` ală gah, mpồl cau tàm sơm băt tê bal dong kờl gah broă lơh, priă bơcri, jak chài măy mok, lơh gơlik ală tiah nhơl niam ai ơruh pơnu in. Đỗ Ngọc Đăng là cau bơsram dờng Học viện Ngân hàng kơ\p kờ`, Đảng pơn jăt tai bơto bơtê bơta kơ\p kờ`, bơsram tàp tề lam mpồl ơruh pơnu, cau kơnòm să geh bồ tơngoh jak in bơh ală dơ\ hòi jà, srơh tàm pơrlòng, kuơmàng là srơh tàm pơrlòng “Bơsram mờ lơh jăt nùs nhơm, bồ tơngoh, rài kis mờ broă lơh Hồ Chí Minh dê” mờ ală anih bơto bơtê gam lam lơh jăt tu\ do. Đỗ Ngọc Đăng, đơs bè do: Jăt oh den go\, den do là dùl srơh geh kuơ ngan gơ wèt mờ cau bơsram dờng tu\ do. Tài bơh geh gơrềng dùl bă jrô ơnàng mờ jo\ jòng bal mờ bồ tơngoh mờ bơta kơlôi sơnơng bơh ală bơyô cau bơsram dờng dê. Broă bơsram mờ lơh jăt krơh bồ tơngoh, nùs nhơm bơh wa Hồ dê den gơ là gơlik geh bơh ală broă lơh bal hiă ngan pah ngai.

Cau cih Minh Hường- Cau mblàng Lơ Mu K’Yến