VOV4.K’ho- Tơnơ\ 20 nam lơh jat srơh “Gùt làng bol tam klăc bal bơt bơtàu rài kis niam chài” [òn dờng Pleiku, càr Gia Lai neh lơh geh ală cồng nha cih dờp ngan, rài kis niam chài sùm geh tam gơl.

Sơnah [òn Yên Đổ là pơn rơ ngan tàm srơh “Gùt làng bol bơt bơtàu rài kis niam chài”. Nàng srơh mut lơh ngan ngồn tàm rài kis, sơnah [òn Yên Đổ neh lơh pràn broă lơh mblàng yal jơnau bè srơh do dê pơgồp bal mờ dơ\ hòi jà “Gùt làng bol tam klăc bal bơt bơtàu [òn lơgar pa, tiah drà ngac ngar”. Tàm hơ\,  sơnah [òn sền broă tờm kuơmàng ngan là bơt bơtàu ală tổ dân phố tơlir- kloh- niam wèt tus bơta ngăc ngar tàm tơngai pa. Ồng  Đặng Ngọc Thắng-Chủ tịch UBND sơnah [òn Yên Đổ đơs: Tơnơ\ 20 nam lơh jat srơh, uă bơhìan niam bơne\ geh sền gàr, ngui niam, rài kis pa hời rơ hời geh lơh gơs. Tus tu\ do, 98% gùng sơne\ dềt geh lơh bê tông, lă cài, ală [òn, tổ dân phố ndrờm geh hìu pơrjum; 97% gùng sơne\ dềt geh đèng sòl àng; muh mat, ù tiah ngai sơlơ tam gơl niam; pah nam geh rlau 95% ală hìu bơnhă lơh geh hìu bơnhă niam chài… Ală cồng nha bơh srơh dê neh pơgồp niam ngan tàm broă bơt bơtàu tiah ơm kis niam chài, gàr niam bơta lơngap lơngai chính trị, ờ do ờ dă gùt mpồl bơtìan, tơnguh uă rài kis làng bol dê, tơnguh broă bơtàu tơnguh lơh sa- mpồl bơtìan tiah do dê.

                                                        Hìu rông [òn Ia Nueng, xã Biển Hồ, [òn dờng Pleiku

Tàm sơnah [òn Hội Thương, srơh “Gùt làng bol tam klăc bal bơt bơtàu rài kis niam chài” kung geh ală rơnàng làng bol lơh ngan lơh jat bal. Mò Võ Thị Hằng-Chủ tịch UBND sơnah [òn  Hội Thương dê pà g^t: Ală nam do, ală broă lơh bơt bơtàu hìu bơnhă niam chài bơtàu tơnguh pràn, pơgồp bal mờ bơt bơtàu tổ dân phố kơ\ kơl jap tơl làm, bơt bơtàu tiah drà ngac ngar. Tus tu\ do, gùt sơnah [òn geh 2 rơbô 160 tàm 2 rơbô 226 hìu bơnhă lơh geh sră jờng rơ “ Hìu bơnhă niam chài” geh tus 97%; khà hìu bơnhă r[ah gam 0,46%; rlau 90% gơl gùng tàm tiah làng bol ơm kis geh tơr gùm sồ siă; bơta g^t wă làng bol dê bè tiah ơm kis geh tơnguh uă.

Đơs bè cồng nha srơh do dê cèng wơl, ồng Nguyễn Xuân Hà-Trưởng phòng Văn hóa-Thông tin [òn dờng Pleiku đơs là: Bơh ală srơh, ală tiah neh mblàng yal jơnau, hòi jà lam sồr làng bol lơh jat niam jơnau hơ pơr gon tàm ală tiah ơm kis. Tu\ do, 100% thôn, [òn, tổ dân phố tàm ù tiah [òn dờng dê neh geh anih pơrjum mpồl bơtìan mờ cơl du\ pơrjum làng bol; srơh tàp pràn să jan, niam chài- đơs crih tam ya geh lơh jat sùm mờ bơtàu tơnguh. Gùt [òn dờng geh 51 rơbô 178 hìu bơnhă geh sră jờng rơ “Hìu bơnhă niam chài”, gơguh 63% pơn ndrờm mờ nam 2001; 95% thôn, [òn, tổ dân phố niam chài; 96% anih lơh broă, mpồl lơh broă tơl khà niam chài, jơh 8 xã neh lơh gơs broă lơh bơt bơtàu [òn lơgar pa mờ 3 [òn làng bol jơi bơtìan kòn cau tơl khà [òn lơgar pa jat Chỉ thị sồ12- bơh Ban Thường vụ Tỉnh ủy dê.

Ngan là tàm dơ\ pơrjum tơn jơh 20 nam lơh jat srơh, ală xã, sơnah [òn neh sac  rơ wah mờ jờng rơ pà khà jờng 1 rơbô 365 hìu nhă niam chài pơn rơ jak. Uă mpồl hòi jà lam sồr mờ hìu bơnhă neh geh ală tă pơgồp uă ngan, là bơta tờm bơh srơh tàm tiah làng bol ơm kis, pơgồp bơnah uă ngan nàng [òn dờng in geh dờp là tiah drà khà 1 gơ wèt càr dê.

Quốc Học ai bơh ba\o Gia Lai- Cau mblàng K’ Hạnh