VOV4.K’ho- “Lơh chờ pơn jờng jơnau kờñ nhơl chờ mờ niam chài phan sa Hà Nội nam 2021” cèng tus git nđờ rbô tuor lòt nhơl, phan bơna nhơl chờ pa, li la bal mờ uă ngan ală broă lơh pơn jờng jơnau kờñ rơcang geh lơh bơh ngai 16 tus ngai 18/4 tàm tiah rùp mòn Lý Thái Tổ, quận Hoàn Kiếm, Hà Nội.

Do là broă lơh jat broă lơh pơn jờng jơnau kờñ nhơl chờ tàm lơgar bơh Chính phủ lam lơh mờ jơnau đơs “Cau Việt Nam lòt nhơl chờ Việt Nam” mờ bơtàu tơnguh wơl broă lơh nhơl chờ tàm lơgar tơrbŏ bal mờ ală tiah tơnơ̆ gơ rềng bơh kòp Covid-19 dê. Tàm dơ̆ lơh chờ, Sở Du lịch Hà Nội kung geh đơng lam, pơgồp bal mờ Tiah tờm hòi jà bơcri priă, kă bro, nhơl chờ bơyai lơh ală broă lơh Famtrip ai ală kuang bàng, ală mpồl lơh sa kă bro nhơl chờ, cau cih ƀău tus bơh ală càr, ƀòn dờng lòt sền phan bơna nhơl chờ tàm càr lơgar.

Cau mblàng K’Duẩn