VOV4.K’ho – Nàng kờ` lơh wơl mờ tơnguh bơta kuơ niam chài cing mồng bơh cau K’Ho dê, pa do, Sở Văn hóa, Thể thao mờ Du lịch càr Lâm Đồng pơgồp bal mờ Ủy ban Nhân dân kơnhòal Di Linh bơyai lơh pờ ơdu\ bơto bơtê mờ ngui cing mồng tàm xã Tân Nghĩa, kơnhòal Di Linh.

Neh jo\ ngan cau K’Ho tàm [òn Đồng Đò, xã Tân Nghĩa, kơnhòal Di Linh, càr Lâm Đồng ờ gam klo sap cing mồng mpong ntas. Tài ua\ nam do, làng bol tàm [òn ờ gam bơyai lơh ală broă lơh chờ, lơh yàng ờs mờng bơh jo\, ờ pơrjum mờ ờ huan tìp mat dròng cing ja` mồng. Nàng kờ` lơh wơl niam chài bơh jo\ bơh cau K’Ho dê, pa do, gah lơh broă geh gơ noar càr Lâm Đồng pơgồp mờ Ủy ban Nhân dân kơnhòal Di Linh bơyai lơh pờ ơdu\ bơto bơtê ngui cing mồng tàm xã Tân Nghĩa, gơ hòi gơ jà 24 nă cau bơsram là ală klau pơnu, ùr ơruh cau K’Ho tàm xã Tân Nghĩa tus bal.

                                                 Mpồl dròng cing thôn Đồng Đò, xã Tân Nghĩa

Mờ tơngai 20 ngai, ală cau bơsram geh bơto bơtê bơta chài ìa cing, dròng cing, bơta chài git sap mờ jơnau gơtha bơh tơl jơnau dròng cing dê, git dròng ală jơnau cing ờs mờng ngan rlau jơh tàm ală broă lơh chờ, lơh yàng bơh jo\... Bi Ka Hem là dùl nă cau tus bal bơsram jơh nùs ngan. Bulah kal ke mơya bi kờ` ngan:

“Bơtuah ngan geh ơdu\ bơto dròng cing ja` mồng do pờ, bơh sơn rờp tài ờ hềt dròng cing den tàng broă bơsram kal ke ngan, dròng lơh tê sồt, hòr mhàm tơn, tơ nơ\ do bơsram hời rơ hời bal mờ bơta pơlam jơh nùs bơh ală nghệ nhân dê, lơh să tờm a` sơlơ bơsram den sơ lơ kờ`. Tus tu\ dròng chài ua\ jơnau cing den a` chờ hờp ngan, geh tu\ dròng cing tài kờ` ir dròng sùm ờ ai cau ndai in geh dròng ala he. Tơ nơ\ do sơlơ bơsram sơ kờ`, bơsram chài ua\ jơnau dròng cing, geh tu\ kờ` ir dròng cing bơh mang ngai lài tus àng drim ngai tơ nơ\ kung ờ git bòl sơl”.

Ơdu\ bơsram bơh 2, 3 nă nghệ nhân mờ cau geh mờng chài tàm [òn bơto bơtê tơn bè bơta chài ngui cing mồng, ală jơnau dròng cing ờs mờng tàm rài kis, ală broă lơh chờ, lơh yàng bơh jo\ pơgồp bal mờ gùng tamya xoang… Geh cau ờ di là nghệ nhân mờ kung gam kơ nòm să tai mơya geh bơta kờ` gơboh mờ neh ua\ nam đềt mềr mờ cing mồng, neh geh tu\ tus bal dròng cing ja` mpồng tàm ală dơ\ pơrlòng, tìp mat lơh quèng niam chài cing mồng tàm càr mờ bơdìh càr, cribơyai ua\ mờng chài kuơmàng. Tàm khà hơ\ là bi Dacha Vũ Bảo. Mờ 26 nam đềt mềr mờ niam chài cing mồng, lòt dròng cing ja` mồng ua\ tiah, geh bơta chài, den tàng bi geh jà tus bal bơto bơtê làng bol tàm [òn in:

“Bơh dơ\ tàp sơn rờp tu\ bơsram dròng cing, geh ală oh git jơnau cing niam ngan, ờ duh pal geh ală nghệ nhân bơto jơh. Ală oh neh git ală bơta lơi mờ nghệ nhân kờ` bơtê. Să tờm a` là dùl nă nghệ nhân lòt lài, tàm bơta chài git wă he dê, a` git kàr lơi jơnau dròng cing den bơto wơl ală oh in kàr hơ\. Bơto dròng cing ờ di bè cau bơsram sră, bơto dròng cing là mờ broă lơh bơto mờ bơr, bơto tơn, mờ jơnau đơs ngan ngồn den ală oh hơ\ sồng wă, hơ\ sồng git dròng cing bè lơi gơ in di. Bol hi, ală nghệ nhân cing mồng lòt lài ưn ngài ua\ ngan tus gơ noar atbồ tàm [òn lơgar neh dong kờl, pờ ơdu\ bơsram dròng cing do, dong [òn Ndong, kung bè xã Tân Nghĩa  geh dùl mpồl tàm pơ dờn dong sền gàr, prap gàr, tơnguh niam chài bơh jo\ cing mồng kòn cau he dê”.

Pah poh, tàm ală mang ngai dơ\ 3, dơ\ 5, dơ\ 7, ală cau bơsram tơrgùm tàm hìu pơrjum thôn nàng geh bơto dròng cing mờ bơsram tamya xoang tai. Mìng tàm dùl tơngai lơyah lơm, ală cau bơsram neh git bơta niam bơh niam chài cing mồng dê. Bulah bè hơ\, jat bi Ka Hem, bơta kơ lôi rơcang ngan rlau jơh tu\ do là tàm [òn ờ hềt geh dùl bòr cing mồng:

“Tơ nơ\ tu\ a` bơsram jơh ơdu\ bơto dròng cing mồng do, a` go\ kal ke bal là [òn a` dê tu\ do ờ geh bòr cing mồng is. Ai ală [òn geh cing den he kung ờ gơtùi jồm khi dê, tài cing mồng là phan kuơmàng ngan gơ wèt mờ cau K’Ho. Hìu bơnhă lơi blơi geh bòr cing mồng là pal roh ua\ ngan pria\ jền hơ\ sồng gơtùi blơi”.

Ồng K’Đẹt, atbồ thôn Đồng Đò, xã Tân Nghĩa, kơnhòal Di Linh, càr Lâm Đồng den pà git, tu\ do ờ huan geh hìu bơnhă lơi geh tơl bòr cing mồng. Jồm halà ơpah bòr cing mồng khi dê kung gơtìp ua\ kal ke, den tàng broă dròng cing ờ geh gàr bè lài do. Bulah bè hơ\ tu\ geh gah lơh broă geh gơ noar bal mờ gơnoar atbồ tàm [òn lơgar pờ ơdu\ bơto dròng cing, ja` mồng, go\ ală sau kờ` bơsram, làng bol chờ hờp ngan. Tài bơh hơ\ geh dong lơh wơl niam chài bơh jo\ cau K’Ho dê bal mờ ua\ broă lơh chờ ờ gơtùi ờ geh sap ntas cing mồng.

Cau mblàng K’Duẩn