VOV4.K’ho - Neh gơs bơhiàn, lài mờ tu\ sih tam kàl lơh sa pa, làng bol kis tàm [òn O Pếch, xã Ia Pếch, kơnhoàl Ia Grai, càr Gia Lai răc dan, duh khoai tềng hìu rông.

Broă duh khoai hơ\ neh geh làng bol prăp gàr mờ lơh sùm tàm uă nam tơn, là broă pin dờn jo\ jòng, cèng geh bơta chài rơgơi nùs nhơm tàm rài kis kòn cau Jarai kis tàm do dê.

Nam do, trồ prang duh den tàng mpồl cau kra kis tàm [òn O Pếch neh pơrjum uă dơ\ kờ` rơwah ngai lơh yàng duh khoai, răc dan kờ` geh mìu. Tơnơ\ mờ uă dơ\\ cri bơyai, ală cau ring bal bơyai lơh yàng duh khoai.

Broă lơh yàng duh khoai răc dan kờ` trồ tiah ai geh mìu, geh bơyai lơh tàm [òn O Pếch, xã Ia Pếch, kơnhoàl Ia Grai, càr Gia Lai

Cau ùr tàm [òn tơrgùm bal, tam pà bal rơcang tru\ sa. Ơruh pơnu den lòt sreh gle, đơr, kơrlô, mù tàm croh dà bùt koăt, ku\p ka kờ` geh phan sa, dong kờl ală broă lơh kuơ `jơ\ glar bòl. Cau lơi kung geh tus bal lơh lơm den tàng ndrờm chờ hờp ngan.

{ùi drim geh bơyai lơh yàng, tu\ trồ tiah tàm [òn O Pếch tơlir niam. Măt tơngai sòl tềng tòm rơdàp dờng tềng gah hìu rông. Làng bol tàm [òn tam jà bal tus hờ hìu rông, cèng bal ơlăk `ô lơh yàng bơkah ngan. Hờ ngkời hìu rông, ală bơnhă ồs geh sing.

Ală mò, ală lo\ tus bal, geh cau rào biăp, kơnuh, plai chi, geh cau tru\ pòr, ơruh pơnu den lơh koăt, buh poăc, buh piang ding. Ồng Rơ Lan Li lơh gơnoar cau tòm lơh yàng duh khoai. Do là broă lơh yàng kuơ màng den tàng ồng rơcang nền nòn ngan ală bơta. Ồng pà g^t:

“Nam lơi bol a` kung lơh yàng răc dan sùm kờ` geh mìu, bè ờs tàm nhai 4, nhai 5 pah nam. Lơh yàng kờ` dan mờ yàng geh mìu niam, nhàc niam, kờ` tòm chi tòm che hòn gơs niam, ù tiah sùh iò  mrềt niam, làng bol [òn lơgar pràn kơl dang, hờm ram”.

Di 10 jơ ngai, 3 nă ồng kra cèng phan pơdơng, tàm hơ\ geh 1 nơn iar neh buh sin, bơngàn phe, bơngàn boh guh hờ đang hìu rông. Tềng kơl l^k hìu rông neh ơn lài 1 drăp tơrnờm. Ơn phan pơdơng, ồng Rơ Lan Li răc dan mờ tơngu me:

“Ơ yàng, ngai do, [òn O Pếch lơh yàng răc dan kờ` geh mìu niam, nhàc niam, do bol a` pơdơng poăc, pơdơng tơrnờm nàng yàng in `ô sa, kơ\p kờ` yàng ai làng bol [òn lơgar bol a` in 1 nam lơh broă sa geh [uơn niam, ală cau ndrờm pràn kơl dang, ờ gơbàn kòp tê jê să”.

Tu\ neh jơh răc dan mờ yàng, ồng Li ai nha pàs puh rơle\ bơh drăp tơrnờm tus hờ mpang hìu. Dơ\ lơh yàng tơn jơh mờ jơnau răc dan ưn ngài bơh ồng Li dê tềng mpồng hìu rông.

Dơ\ lơh yàng răc dan kờ` geh mìu, nhàc niam [òn O Pếch geh broă sền gròi, dong kờl lơh wơl bơh UBND kơnhoàl Ea Grai mờ Hìu đơs crih tamya tơrgùm bal Dam San dê. Ồng Đỗ Văn Đông, Phó Chủ tịch UBND kơnhoàl pà g^t:

“Tu\ g^t hìu đơs crih tamya tơrgùm bal Dam San dong kờl lơh wơl broă lơh yàng ờs mờng làng bol kòn cau dê, bol a` ndrờm ring nùs bal.

Làng bol xã Ia Pếch đơs bal, [òn O Pếch đơs is bơh lài do gam prăp gàr sùm uă bơhiàn, lơh chờ ờs mờng pơgồp bal mờ rài kis pin dờn bè lơh yàng duh khoai ỳang dà, duh khoai brê, răc dan kờ` geh mìu… Do là dơ\ kờ` lam sồr nùs nhơm pơnyờ să, broă pơgồp bal tàm mpồl bơtiàn, mờ yal ală bơta niam chài rơgơi kòn cau Jarai dê nàng ală cau ndai in g^t bal”.

Cau mblàng Ndong Brawl