VOV4.K’ho - Cau Rơđê sơ nơng là, kòp tê jê să là jơnau gơ lời wơl bơh bơta ring bal đah 3 bơta gơ rềng là trô tiah – ù tiah mờ kòn bơnus. Trồ là ală yàng, geh yàng niam mờ yàng ioh. Ù là tiah ơm kis, brê bơnơm, ù tiah, ală jơi phan kis,… Kòn bơnus là git gơp đah kòn bơnus. Tu\ gơtìp kòp tê jê să kòn bơnus sùm lơh yàng nàng hòi dan geh sơm bời. Tu\ kòp pluh gơ tus mờ [òn lơgar, kòn cau Rơđê geh lơh yàng Kăm buôn (hơ\ là lơh yàng kơryan [òn), geh tiah hòi jà lơh yàng kăm angin (lơh yàng càl). Tàm tơngai kòp Covid-19 bè tu\ do, broă kơryan ờ huan ai lòt rê, mờ sền gròi cau lik, mut tàm [òn cèng dùl pơrya kươmàng jat broă gơlik geh.

Tàm ală [òn cau Rơđê dê, geh broă lơh yàng kăm buôn (hơ\ là lơh yàng kơryan [òn), tơl hìu lơh ală bơhìan lơh yàngkrơi is. Cau tàm [òn ờ geh lik lòt hờ bơdìh, ală cau ơm bơdìh [òn ờ geh mut tàm [òn. Jơnau “kăm” hơ\ là tơngkah làng bol “kơryan ờ ai”, ờ geh lơh broă lơi hơ\, pin dờn tàm cau tờm [òn, bè là dùl nă cau geh git đơs lài ală broă ờ bơtuah gơ tus mờ [òn lơgar. Mìng tu\ cau tờm [òn lơh lài den hơ\ sồng làng bol đòm jat. Ờ ai ală broă ờ gơtùi lơh, dilah cau lơi ờ lơh jat den gơtìp [òn lơgar lơh glài.

Ồng Răk, ơm tàm [òn Ky, sơnah [òn Thành Nhất, [òn dờng Buôn Ma Thuột pà git: Broă lơh yàng do geh lơh tàm 10 ngai tus 1 nhai halà jo\ rlau, gơ jat tàm broă gơlik geh bơh kòp bơ tờp tàm [òn lơgar dê:

“Lơh yàng kơryan [òn là ờ ai ală cau ndai mut tàm [òn, cau tàm [òn lik hờ bơdìh. Nàng rơcang sơndră kòp bơ tờp [òn lơgar in. Jat jơnau kơlôi sơnơng bơh cau Rơđê dê, tàm pơgap ală nhai 1, 2, 3 ală [òn sùm lơh yàng kơryan [òn”.

Tu\ dùl [òn lơh yàng kơryan [òn den cau kra [òn tam pà broă làng bol tàm [òn in, sồr mut tàm brê koh gle, đơr halà tờm blàng nàng lơh mpồng [òn. Tu\ ală phan bơna geh cèng rê tàm [òn, ală cau geh bơngă pin dờn bal mờ klau pơnu koh `rang gle, tà` gơs phan wil, hơ\ sồng yồng đềs, ơn tềng mpồng [òn, tàm tơl hìu kung yồng bè hơ\ sơl. Bơta do là tềl tơnggo\ ai làng bol bơh tiah ndai in ờ geh mut tàm [òn nàng pleh kòp bơ tờp. Mpồng [òn geh bơka bè hơ\ gam cèng dùl jơnau pơrya ndu gơn rơh, hơ\ là sền gàr làng bol bơh cà ràk, bơh bơta kòp tê jê să mờ ală bơta ngòt rơ ngơt pơhìn lơh aniai.

Ồng Răk pà git tai:

“Tàm ală ngai lơh yàng kơryan [òn, làng bol tàm [òn ơm tàm hìu, tàm boh bơr, tàm pà ală mờng chài tàm broă lơh sa, ală ngai geh kòp pluh mìng ơm tàm hìu, ờ lòt lơh sươn mìr. Khi sơ nơng là, dilah lòt lơh mìr tàm ală ngai do den geh cèng wơl kòp tu sa aniai tus mờ tờm tơngời, tờm kòi…”

Lơh yàng kơryan [òn là dùl bơta niam chài tàm rài kis neh geh bơh yô yau bơh cau Rơđê dê nàng kơryan bơta bơ tờp bơh kòp dê, bal mờ gơp pơ gồp bơta pràn nàng sền gàr pràn kơldang să jan bơh să tờm, hìu bơnhă mờ [òn lơgar dê. Tu\ do, 2, 3 [òn kung gam gàr bè ờs broă lơh yàng do nàng kờ` sền gàr [òn lơgar bơh ală kòp bơ tờp. Lơh yàng kơryan [òn là dùl broă lơh niam cèng wơl pơrya kuơmàng, lơh gơ rề ua\ nùs nhơm tam klac bal [òn lơgar.

Cau cih Za Wut – Cau mblàng K’Duẩn