VOV4.K’ho – Lơh yàng `ô lir bong là dùl bơhìan geh bơh jo\ bơh làng bol ală kòn cau tàm ù tiah Tây Nguyên dê, geh pơrya kờ` jờng rơ gar kòi. Làng bol lơh yàng duh khoai ală yàng trồ, yàng tiah, ală yàng dà dờng dà croh, yàng bơnơm, yàng mìu, yàng kơnàs… mờ bơta kơp kờ` kàl lơh sa gơs niam, tơnhàu geh uă, cèng wơl rài kis hờm ram [òn lơgar in. Do là dơ\ lơh yàng cèng bơta pin dờn tơl bơta li la chi che phan kis ndrờm geh huềng soàn, là bơta niam chài rơgơi krơi is ngan mơkung là dùl tàm ală dơ\ lơh yàng dờng pah nam bơh ală jơi bơtìan kòn cau dê.

Mờ bơta kơp kờ` sền gàr mờ bơtàu tơnguh bơta niam chài is hơ\, gah Văn hoá Gia lai pơgồp bal mờ ală mpồl lơh broă tàm kơn hoàl Ia Pa pa dong kờl làng bol kòn cau Jarai tàm xã Chư Mố lơh wơl dơ\ lơh yàng `ô lir bong.

Rơndap sap sèng dơ\ lơh yàng geh: Sền gàr huềng kòi tàm mìr; jun huềng kòi rê hờ hìu kù; tơmut huềng kòi tàm đam, tàm drong mờ lơh yàng sa lir bong. Bè ờs den làng bol tàm [òn lơgar lơh yàng tu\ neh tơnhàu jơh phan tam. Broă lơh yàng dờng halà dềt gơ jat tàm bơta tơnhàu phan geh uă halà dùl êt bơh tơl hìu bơnhă dê, mờ gơ jat tàm bơta geh ngan bè priă jền bơh cau tờm hìu bơnhă dê geh phan pơ dơng lơh yàng mờ tu\ tơngai lơh yàng digơlan jo\ jòng dùl ngai halà uă ngai.

                                Cau bơ jơu gam lơh yàng jun huềng kòi rê hờ hìu kù

Dơ\ lơh yàng `ô lir bong là tu\ nàng cau tờm hìu bơnhă jà làng bol, jơi nòi, gơp bơyô ală [òn rềp bal tus nàng nhơl `o\, `ô sa chờ hờp bal. Hìu lơi gal nac den geh sền bè bơta pơn iờ să. Den tàng, bơdìh mờ broă lơh yàng, duh khoai huềng kòi mờ mò pàng bal mờ broă hòi dan geh pràn kơldang să jan hìu bơnhă in, làng bol dròng cing mồng, nhơl `o\, đơs crih tamya sùm uă ngai mang nàng chờ hờp, dờp bal cồng nha lơh geh bơh dùl tu\ tơngai lơh broă bòl glar.

                   Tơl nă cau tamya xoang, dròng cing mồng tàm dơ\ lơh yàng `ô lir bong

Do là dùl tàm ală bơhìan kờ` sền gàr, bơtàu tơnguh ală bơta kuơ niam chài geh bơh yô yau mờ bèp ồng neh lời wơl. Kơp kờ` là broă lơh do geh pơn jat tai lơh uă mờ sền gàr ală rài tơ nơ\ do in, nàng ờ mìng dơ\ lơh yàng `ô lir bong mờ gam geh uă dơ\ lơh yàng bơh jo\ ndai bơh [òn làng bol ơm kis bơh jo\ tàm càr dê geh prap gàr, gơ gơs dùl phan bơna nhơl chờ niam chài is tàm tu\ lòt sền ală [òn bơh jo\ neh cèng uă bơta niam krơi is ai cau nac nhơl chờ bơh tiah ngài in.

Cau mblàng K’Duẩn