VOV4.K’ho – Tàm tiah đah tô Tây Nguyên, lài do, đờng T’rưng dà mờng geh cau Bơnhàr, Sơdàng mòn gơs mờ ngui. Gơwèt mờ cau Mơ Nâm (gơ wèt kòn cau Sơdàng), tiah đah mattơngai lik Trường Sơn gơwèt ù tiah kơnhoàl Kon Plông, càr Kon Tum, tài bơta krơi is bè ù tiah mờ bơhìan lơh broă sa, đờng T’rưng dà lơh gơs bơta niam gùng đơs crih bơhìan yau krơi is ngan. Tơnơ\ tu\ tơngai jo\ jòng ờ geh ngui, đờng T’rưng dà neh geh lơh wơl tàm Bảo tàng Kon Tum, lơh gơs bơta niam gơ hòi gơ jà nac tus sền mờ jòi git.

Bi Thu Khương, Kuang bàng Bảo Tàng Kon Tum yal là “Rài yau, tu\ kòi mìr sơn đờm bun, nàng pleh phan kis tus sa aniai, bal mờ ală rùp lơh mờ rơ he, rùp mòn lơh pơnyơu bè cau nàng ơm sền mìr, den làng bol mòn đờng T’rưng dà…”

Ai jat ồng A Lễ, ơm tàm [òn Kon Chênh, xã Măng Cành, kơnhoàl Kon Plông, đờngT’rưng dà ờ mìng là tài “he sền gàr mìr he in” mờ gam nàng “cau sền gàr [à mìr he in”…

Ồng đơs: He lơh đờng T’rưng nàng ting bơ trơh phan brê sa aniai mìr he dê là dùl bơta ờs mờng ngan. Mơya đờng T’rưng dà niam ir, cau lơh mìr sùm lòt rê tàm mìr he dê den tàng cau lơi kung kờ` ơm wơl nàng sền, nàng iat… Di tu\ he ờ geh tàm mìr, den hơ\ ờ di là khi neh gàr [à mìr he in ơ. Neh klo sap ntas, sền go\ càl lơh rơnggô rơngda chi, geh cau lòt rê tai, den dồ halà jơrke lơi khin tus, sền lơi khin mù nàng sa aniai kòi mìr he dê…

Đờng T’rưng dà geh lơh bơh ding đơr, gai chi dềt mờ che kơt. Lài do, che kơt geh lơh bơh tờm che rơyah mờ che tước, tà` bơh tờm chi; tơnơ\ do, geh ala mờ ală che đù, che ớn bè ờs.

Rơngda đờng T’rưng geh 2 cờn mờ git nđờ jơt nơm ding đơr geh tàm tơrbo\ bal bơh ală che tàm dùl nơm dơm. Dơm do gơtùi lơh mờ dơm chi dềt halà mờ tờm gle, tờm đơr dờng; sùm jòng bơh 8 tus 10 thơk, geh tu\ gơguh tus rlau 15 thơk. Ală ding đơr mpong ntas gơs ală sap is tài geh dà hòr sùm bơh đah hơđang pơ dơng, bơh gùng lam dà tàm ding đơr hơ\ sồng gơ tơm tàm ală ding tàm tơrbo\, geh kuơ bè ală sap đơs crih gơguh gơmù kung geh lơh mờ đơr sơl.

                                   Yal tơngi\t đờng T'rưng dà tàm Bảo tàng Kon Tum

Bi A Kiên ơm tàm [òn Măng Bút, xã Măng Bút – là cau bơceh mòn đờng T’rưng dà tàm Bảo tàng Kon Tum pà git, bèp bi dê là 1 tàm ală nghệ nhân geh pơn rơ mòn đờng T’rưng dà tàm tiah geh uă mìr, uă sre gơ wèt kơn hoàl Kon Plông. Bèp bi dê ờ gam kis tai, mơya kơ nờm bơsram mòn đờng bơh bèp bi dê mờ jòi git is den tàng A Kiên neh lơh wơl đờng T’rưng bơhìan yau. Gơwèt mờ bi, bơta lòng kal ke ngan rlau jơh là broă kồs, lơh niam tơl ding đơr jat sap ntas gơguh gơmù nàng tu\ pơ gồp bal ală ding đơr do, lơh gơs sap ntas ring niam.

Bơceh pa ngui hiòng dà hòr, pràn càl khồm geh is nàng mòn gơs phan teh gùng đơs niam niam ngan, rềp mềr mờ broă lơh sa kung bè rài kis kòn bơnus dê, là bơta kuơ màng mờ bèp ồng dê bơh yô yau lời wơl he pal sền dờng màng.

“Lài do, [òn a` dê kung geh cau mòn đờng T’rưng dà nàng ting bơ trơh phan kis, sềm, mơya neh jo\ ir den tàng ờ gam tai. Ală bi, ală bèp lài do ndrờm neh kra lơm, ờ gam pràn nàng jai lòt lơh mìr, lơh sre tai. Tu\ do, geh êt ngan cau gơtùi mòn đờng T’rưng dà. Kơp kờ` geh cau bơ to mòn đờng T’rưng dà, a` kung kờ` bơsram nàng lơh jat”. Ồng A Lễ đơs bè hơ\.

Bơta kơp kờ` bơh ồng A Lễ dê digơlan sơn đờm bơh bơta geh ngan, ờ mìng geh mìr, geh sre, [òn Kon Chênh ồng dê mờ 2, 3 [òn kòn cau tàm Kon Plông tu\ do gam geh pơlam gùng bơtàu tơnguh nhơl chờ [òn lơgar.

Tu\ do, phan nàng mòn đờng T’rưng dà ờ [uơn nàng jòi tai, bơta lòng nàng mòn đờng kung ờ [uơn mờ ngan là bơhìan lơh broă sa lài do neh tam gơl. Den tàng, sền gàr wơl rơngda đờng T’rưng dà niam chài is ai ală rơnàng tơ nơ\ do in kung gam gơ ơm tàm broă lơh ngan prap gàr ală bơta kuơ niam chài bơh jo\, bơta niam gùng đơs crih bơhìan yau ală cau tu\ do dê.

Cau mblàng K’Duẩn