VOV4.K’ho- Ngai chờ phan sa lơh geh uă ngan rlau jơh dà lơgar, broă lơh ràng tơlik mờ trŭ gơm 100 phan sa bơkah bơh biăp- bùm- plai mờ bơkào Dà Làc dê geh bơyai lơh tàm bồ nhai 4 nam 2021, geh là broă lơh geh kuơ, pờ tơlik ai dùl ròt broă lơh gờm chờ Festival bơkào Dà Làc nam 2021.

Kờp tus ngai 15/3/2021, broă lơh neh gơ hòi gơ jà ală cau tus bal pơr lòng là cau trŭ gơm phan sa, dan cih mat gơm phan sa rlau 100 phan sa; tàm hơ̆, mìng kờp is ală cau trŭ gơm phan sa tàm Lâm Đồng, geh 77 nă cau tus bal pơr lòng bơh Dà Làc, 17 nă cau pơr lòng bơh ală kơnhoàl; gam wơl là tus bơh ală càr, ƀòn dờng tàm lơgar. Ală cau trŭ gơm phan sa ờ mìng tus bơh ală Hìu drơng broă ñô sa; mơ gam tus bơh ală Hìu bơsram bơto bơtê broă lơh, mat phan kă bro, suơn dờng... Broă lơh “100 phan sa bơkah bơh biăp mờ bơkaò Dà Làc” bơh Mpồl tam klăc bal Nhơl chờ Lâm Đồng- Dà Làc (LDTA) dê bơyai lơh, là tŭ tơngai tìp mat lơh kuèng, bơsram bơta mờng chài broă trŭ gơm phan sa bơh ală cau trŭ gơm phan sa ală tiah dê; kung bè yal tơngĭt mờ tàm bơr lŭ bal biăp- bùm- plai mờ bơkào Dà Làc.

Cau mblàng K’ Hạnh