VOV4.K’ho-Dak Lak là càr geh bă ù tam mờ kơphê lơh geh lam bồ gùt lơgar. Bal mờ rlau 200 rbô lồ kơphê ai sa, kơphê lơh geh pah nam gơguh tus rlau 450 rbô tấn kơphê gar.

Jơh ală sươn kơphê bơh Dak Lak dê geh tam pơgăp mờ do 25 tus 30 nam, neh rlau tơngai cham pràn mờ tu\ do neh kra ờ gam geh cồng nha uă tai. Den tàng ală sươn kơphê do ờ huan geh uă plai, gar dềt, cồng nha lơh geh dùl êt ngan.

Broă tơlik gơ wèt mờ broă lơh kơphê bơh Dak Lak dê tu\ do là kơl te\ sươn kơphê kra jo\ sơnam, tam wơl sươn kơphê pa. Nàng lơh tam pa wơl kơphê, cau lơh broă sa kung bè mpồl lơh sa kă bro kờ` uă ngan priă jền, tàm dùl tu\ tơngai jo\ jòng.

Do là jơnau sơrlèt rlau mờ bơta pràn bơh khi dê. Tơngai lài, Ngân hàng Nông nghiệp mờ Phát triển nông thôn (Agribank) Dak Lak neh geh broă lơh ai càn priă “Dong tai priă jền ai broă tam pa wơl kơphê in”.

Pơgăp mờ do 5 nam, gah lơh broă sa sươn sre càr Dak Lak dê geh gùng dà broă lơh là pah nam jơh gùt càr geh tam pa wơl 4 rbô lồ kơphê. Lơh geh jơnau do den gah lơh sa, kă bro kơphê Dak Lak den hơ\ sồng bơtàu tơnguh kơ\ kơl jăp jo\ jòng.

Nàng tam pa wơl dùl lồ kơphê, jat jơnau bơto pơlam bơh Bộ Nông nghiệp mờ Phát triển nông thôn dê, den priă bơcri kờ` tus rlau 200 tơlak. Do là priă jền dờng ir, sơrlèt rlau mờ bơta pràn bơh jơh ală cau tờm bơh ală sươn kơphê kra jo\ sơnam dê.

Bơta ndai, jat jơnau sồr tam phan, den tơnơ\ mờ tu\ koh kơl sươn kơphê, ù pal geh lơh tam gơl wơl bơh 2 tus 3 nam, den hơ\ sồng ai tờm kơphê sơntìl tam wơl. Bè hơ\, 7 tus 8 nam kờp bơh tu\ koh kơl sươn kơphê kra jo\ sơnam, sươn kơphê tam pa wơl den hơ\ sồng geh plai kàl sơnrờp.

Tam pa wơl kơphê ờ go\ di là jơnau [ươn bè tam pa ờ. Tài bơh ală sươn tam pa wơl ndrờm ờ go\ lơh tam gơl wơl ù di bơta bơto pơlam, tờm kơphê ai tam tàm ù hơ\ den kal ke ngan kis dờng mờ gơtìp chơ\t rơhời jat tu\ tơngai. Geh tu\ là geh ală tờm kơphê neh tam di 3 nam, rơcang geh plai den kung gơtìp chơ\t sơl.

Priă bơcri uă ir, tơngai jo\ jòng mờ sươn kơphê kis dờng ờ pràn jơnau do lơh gơlik bơta kơlôi rơcang ờ khin tàm broă bơcri priă tam pa wơl kơphê. Ngan den tàng bè hơ\ mờ bă ù tam pa wơl kơphê tàm càr Dak Lak tàm 5 nam do rơ\p pa lơh geh ờ hềt tus 2 rbô lồ, hơ\ là rơ\p mìng ndrờm mờ 1 bơnah 10 broă rơndăp lơh lơm.

Công ty Trách nhiệm Hữu hạn Một thành viên Kơphê 720 tàm kơnhoàl Ea Kar, càr Dak Lak là công ty geh đơs là lơh geh cồng nha ngan rlau jơh tàm broă tam pa wơl kơphê tàm ù tiah càr Dak Lak dê.

Ồng Hà Văn Lạc, Phó giám đốc Công ty TNHHMTV Kơphê 720 pà gi\t: Công ty geh 320 lồ kơphê. Jơh ală bă kơphê do ndrờm neh kra jo\ sơnam, cồng nha mờ bơta niam gar kơphê ndrờm gơmù. Công ty geh jơnau kờ` tus nam 2024 là jơh ală bă kơphê bơh công ty dê ndrờm geh tam pa wơl. Tus tu\ do, công ty neh tam pa wơl geh 78 lồ kơphê. Ală sươn kơphê tam pa wơl bơh sơnrờp do tu\ do neh ai cồng nha niam ngan.

Kơphê rơndăp broă lơh tam pa wơl den nam do bol a` geh pik plai nam sơnrờp mờ cồng nha lơh geh den neh lơh geh rlau 14 tấn kơphê ris. Kuơmàng, bol a` tam sơntìl pa, dum jơla, den tàng gơkờ` ngan mờ ù tiah trồ tiah tàm Tây Nguyên.

Bol a` pin dờn ngan tàm bơta dùl nùs bal lơh bal bơh Agribank dê. Pa do, tàm dơ\ pơrjum mpồl kuang đơng lam bồ công ty mờ ală kuang bàng đơng lam bồ Agribank neh hơ ai càn tơngai dơ\ 2 là 30 tơmàn nàng lơh gơs ai rơndăp broă lơh tam pa wơl kơphê in.

Jơnau kờ` bơh bol a` dê là tam pa wơl jơh ală bă ù 320 lồ kơphê bơh công ty dê. Bơh lòt sền bơh Tổng Công ty dê kung bè bơh Ngân hàng dê den pal đơs ngan là sươn kơphê niam ngan.

Tờm chi khà A geh rlau 90%, khà C ờ geh, ai khà B den dùl êt ngan. Bol a` đơs là, rơndăp broă lơh tam pa wơl kơphê bơh bol a` dê gơcèng wơl cồng nha pin dờn ngan. Geh Tổng Công ty đơs là dùl tàm ală công ty lơh geh cồng nha ngan tàm rơndăp broă lơh tam pa wơl kơphê.

            Ồng Hà Anh Tuấn, Trưởng phòng Broă rơndăp lơh lơh sa kă bro Ngân hàng Agribank Dak Lak kơnhoàl Ea Kar pà gi\t: Tu\ do, Agribank Ea Kar neh bơcri priă tam pa wơl kơphê ai mpồl lơh sa kă bro mờ làng bol tàm kơnhoàl in, priă tus tơngai tu\ do là 31 tơmàn 114 tơlak, bal mờ 39 nă cau blơi. Tàm hơ\ geh 2 mpồl lơh sa kă bro mờ priă càn là 28 tơmàn.

            Tàm ală tu\ tam pa wơl kơphê den ngân hàng kung dong kờl jơh nùs jơh pràn sơl, tă bơsong ală kal ke kòl yan nàng ai làng bol in priă jền ndrơng tam pa wơl dùl bă sơrbac mhar ngan rlau jơh.

Geh bơta kal ke là: gơ wèt mờ mpồl lơh sa kă bro dà lơgar dê, jơtài bơh mpồl lơh sa kă bro dê là tàm ù, là sươn kơphê mơya kung gam ờ hềt geh lơh sră ngui ù sơl den tàng tàm ală tu\ dan càn priă den kung gơtìp kal ke sơl.

Kờp tus tu\ do, priă ai càn tam pa wơl kơphê bơh Agribank Dak Lak dê ờ hềt tus 120 tơmàn, bal mờ 221 nă cau càn. Tàm hơ\ geh 25 nă cau càn là mpồl lơh sa kă bro, gam wơl là cau dùl nă să is càn. Jat jơnau đơs bơh ală cau mờng chài dê, cồng nha do là lơyaì pơndrờm mờ broă rơndăp lơh.

Bulah priă cồng ai priă càn tam pa wơl kơphê in neh geh Agribank tơrmù bơh 1 tus 2% pơndrờm mờ ală bơnah priă càn ờs mờng ndai. Mơya, khà priă cồng 7% dùl nam lời ai broă tam pa wơl kơphê in kung gam jơnhoa sơl. Nàng lơh geh cồng nha broă lơh tam pa wơl kơphê tàm ù tiah càr Dak Lak đơs is mờ Tây Nguyên đơs bal, bal mờ priă bơcri bơh ngân hàng dê den kờ` pal geh dùl bơta tă pơgồp bal ală gùng dà broă lơh, hơ\ là: Chi sơntìl, bơta chài, măy mok mờ bơta lơh ngan jơh nùs bơh hìu lơh sa mờ mpồl lơh sa kă bro dê.

Cau mblàng Lơ Mu K’Yến