VOV4.K’ho-Broă lơh ai cau lơh broă sa in càn priă bơh mpồl hìu bơnhă neh geh Ngân hàng Nông nghiệp mờ Phát triển Nông thôn kơnhoàl M’Drak, càr Dak Lak lơh bơh sơnrờp gơcèng wơl cồng nha geh kuơ ngan.

Bơh priă ngân hàng ai càn do, làng bol kis tàm tiah sar lơgar ngài geh priă nàng di tu\ blơi phơng sih sơnơm tu, sơntìl chi tam phan ròng lơh sa di nhai kàl. Bơta ndai, cau tàm ală mpồl kung gi\t geh ngui priă càn di broă, gơcèng wơl cồng nha tàm broă tơrmù r[ah.

            Mò H’Nham Ksơr, Bí thư Chi bộ [òn Pa, xã Cư\ Prao, kơnhoàl M’Drak pà gi\t: Jơh ală làng bol cau Rơđê tàm [òn Pa ndrờm geh hìu đam, geh ù sươn, ù mìr. Mơya, ờ huan geh uă hìu bơnhă sền gròi tus broă lơh sră ngui ù.

Tài bơh cau lơi kung đơs là, hìu he dê, ù sươn ù mìr he dê den ờ go\ duh kờ` pal lơh sră pơ àr tai ờ. Mìng tus dì tu\ kờ` tus priă jền, kờ` càn priă ngân hàng den ờ gi\t ai bơta lơi nàng dan càn. Càn đah bơdìh den geh cau ai tơn, mơya priă cồng den uă ngan.

Bơh tu\ Ngân hàng Nông nghiệp mờ Phát triển Nông thôn (Agribank) kơnhoàl M’Drak geh broă lơh ai càn priă mờ priă cồng lơyah rlau uă ngan pơndrờm mờ càn đah bơdìh. Mò H’Nham Ksơr đơs ngan, jơh ală hìu bơnhă tàm [òn ndrờm ngui priă càn di broă.

Bơh sơnrờp cau tơrgùm ròng phan, tu\ geh cồng nha den tam gơl tus tam tàu. Kơnờm bè hơ\ mờ lơh sa bơtàu tơnguh. Càn bơh ngân hàng dê den priă cồng kung ờ uă sơl. Đơs bal là kung blơi geh phan do phan dă. Tus dơ\ pơn jat tai là càn tai mờ tam gơl tus tam chi tam ndai.

Bi H’Lan Ksơr, kuang bàng lơh sơnơm xã Cư\ Prao dê là cau geh Ngân hàng Agribank kơnhoàl M’Drak jàu lơh cau atbồ mpồl cau priă ngân hàng bơh cau ùr [òn Pa, xã Cư\ Prao dê. Bi H’Lan Ksơr gơ gơs là cau lơh kòn gùng tàm tơrbo\ bal bơh ngân hàng dê tus mờ làng bol tàm [òn.

Tu\ geh hìu bơnhă lơi tàm [òn kờ` priă bơcri lơh sa, bi H’Lan Ksơr geh bơto pơlam lơh sră nggal pal geh nàng mhar geh dờp priă, blơi sơnơm tu, phơng sih di tu\ ai kàl lơh sa in.

Pe nhai dùl dơ\, bi H’Lan Ksơr lòt ai jơh ală priă cồng bơh jơh ală cau tàm mpồl dê, cèng lòt tus kơnhoàl nàng tơm ngân hàng in. Bi H’Lan Ksơr, pà gi\t: Tàm mpồl bi dê, ờ hềt geh cau lơi ờ tơm halà tơm lơyaì priă pal tơm ai ngân hàng in.

Làng bol tàm mpồl den tơm priă cồng jat pe nhai dùl dơ\. Pah tu\ tus pe nhai dùl dơ\ tơm ai cau atbồ mpồl in. Hơ\ sồng cau atbồ mpồl geh kơnòl cèng lòt tus ngân hàng nàng tơm. Tài bơh gùng lòt ngài ir, bal mờ geh bàr pe nă làng bol khi ờ chài măy rơndeh măy, den tàng cau atbồ mpồl lơh tơn bal jơh ală broă, den hơ\ sồng geh kơnòl jun tus ngân hàng nàng tơm.

Bi Nguyễn Thị Định, atbồ mpồl càn priă bơh cau ùr thôn 4, xã Ea Pil đơs là: Bơh càn priă ngân hàng bơh mpồl hìu bơnhă mpồl cau ùr dê, oh mi cau ùr geh càn priă ngân hàng rê bơcri ròng phan, tam phan den tàng hìu bơnhă geh tai priă jền nàng bơtàu tơnguh lơh sa, tơl ngui tơl sa tàm rài kis.

Ngan kơnờm bè hơ\ mờ bơngă kung bè gơnoar broă bơh cau ùr dê tàm hìu bơnhă sơlơ tơnguh tai. Khi sơlơ geh bơklau, hìu bơnhă dong kờl nàng tus bal lơh broă mpồl.

Đơs ngan den oh mi cau ùr càn priă do nàng kờ` ngui tàm ală broă hìu bơnhă dê, tam phan, ròng phan di jơnau kờ`. Đơs bal là cau ùr tàm hìu bơnhă sền gàr jơh ală broă kung niam sơl. Oh mi cau ùr kung tơrgùm tàm broă lơh broă sa, den tàng hìu bơnhă kung lơngăp lơngai gơboh gơbàn sơl.

Ồng Nguyễn Đình Diệu, Giám đốc Ngân hàng Nông nghiệp mờ Phát triển Nông thôn kơnhoàl M’Drak pà gi\t: Bơh mpồl cau ùr, tơl nă cau dùl nă să is geh càn 40 tơlak priă. Tu\ do, tàm kơnhoàl M’Drak neh geh 122 mpồl lơh bal càn priă ngân hàng tàm Ngân hàng Agribank kơnhoàl M’Drak.

Tàm hơ\ geh 41 mpồl cau ùr, bal mờ mờr 800 nă cau tàm mpồl càn. Nàng atbồ niam broă ngui priă càn di broă, geh cồng nha, tơl nă cau atbồ mpồl càn priă mìng ai atbồ mpồl càn priă hơđơm 50 nă cau lơm.

Ngân hàng lời 6% kờp jơh priă cồng ai geh tàm mpồl nàng tă tơm priă dong kờl ai ală cau atbồ mpồl in. Bè hơ\, broă tă tơm priă dong kờl ai ală cau atbồ mpồl in ờ go\ gơrềng tus priă càn kung bè priă cồng gơ wèt mờ ală cau tàm mpồl dê. Ồng Nguyễn Đình Diệu pà gi\t.

Bè priă càn den ngân hàng kung ai di tu\ ai hìu bơnhă càn priă in. Tàm hơ\, kuơmàng là hìu bơnhă cau kòn cau ơm kis bơh yau dùl bă tiah, den geh jơnau kờ` càn priă den ngân hàng ai càn di tu\ sơl. Mờ cau càn priă neh ngui priă càn bơh ngân hàng dê geh cồng nha ngan.

Tàm ală nam rềp ndo, den sền go\ bàr pe hìu bè rài kis lơh sa neh sơlơ geh tơnguh tai, hơ\ sồng khi geh priă jền blơi ală phan bơna ngui tàm rài kis hìu bơnhă mơkung geh sơl priă jền lơh hìu đam niam hàng. Bơh ală priă càn bơh ngân hàng nông nghiệp mờ phát triển nông thôn dê neh lơh geh cồng nha.

Cau mblàng Lơ Mu K’Yến