VOV4.K’ho- Ồng A Lít (kòn cau Bahnar) ơm tàm thôn 2, xã Đăk Pne, kơnhoàl Kon Rẫy, càr Kon Tum ờ mìng tiơng pơn rơ là cau kờ` ngan mờ phan teh kòn cau, mơ gam là cau sùm tơnguh uă bơta g^t wă broă sền gàr, prap gàr mờ ngui niam phan kuơ niam bơne\ bơh làng bol jơi bơtìan kòn cau Bahnar dê. Ồng chờ hờp ngan geh Dà lơgar pà sră “Nghệ nhân ưu tú”

Nghệ nhân A Lít (deh nam 1954) ơm tàm thôn 2, xã Đăk Pne, kơnhoàl Kon Rẫy, càr Kon Tum. Tàm ală phan teh kòn cau mờ ồng gam prap, geh 3 nơm đờng niam krơi is ngan. Sơn rờp ngan là đờng B’rưng, gam sơn đan mat niam ngan là “đờng bơta kờ` gơboh”. Săp ntas đờng B’rưng dê bơh jo\ neh pơgồp bal mờ rài kis làng bol, là jơnau đơs bơta kờ` gơboh bơh ală klau pơnu, ùr rơruh kòn cau Bahnar dê tu\ tam kờ`.

                                                        Nghệ nhân A Lít ràng tơlik pe\ đờng Kơ Ni 

Ồng A Lít mblàng, đờng B’rưng mùl ngui ndrờm bè đờng guitar sơl, geh ngui nàng ràng tơlik tàm dơ\ lơh chờ dờng halà pơgồp bal bơta chờ hờp tàm dơ\ chờ tàm làng bol dê. Đờng geh 10 dang che, ờ geh phím nàng tam gơl lơh niam bơta gơguh gơmù.

Jơnau ntas bơh đờng dê geh lơh geh mìng 3 nốt jat rơndap tap sèng Đồ Mi Sol jat bè hơ\ sùm mờ tơnguh hời rơ hời bơta gơguh gơmù tàm 10 dang che đờng dê. Mờ geh lơh bè hơ\, den đờng B’rưng lơh gơlik jơnau ntas chờ hờp chờ hờ`, ngui nàng pe\ ală jơnau đơs crih cèng bal bơta duh hồl nàng pơn jờng, `ô sa chờ hờp tàm ală dơ\ lơh chờ.

                                                           Nghệ nhân ưu tú A Lít yal bè đờng B’rót 

Dùl nơm đờng ndai geh rùp să ndrờm bè đờng B’rưng sơl hơ\ là đờng B’rot, kung geh bơtờp jơnau ntas bè đờng B’rưng sơl, hơ\ là ngui nggùl nơm plai nhồng ro, geh pồt kơ\ mờ che ryah tàm să đờng dê nàng dờp mờ lơh mpong dờng jơnau ntas. Tu\ pe\ đờng sùm sơtu\p plai nhồng tàm dơlam kơldung, mờ jơnau kờ` là kơryan jơnau ntas ai gơ in dờng mờ mpong rlau.

Ồng A Lít mblàng: đờng B’rot geh lơh mìng geh 3 dang che, geh tam gơl bơta gơguh gơmù mờ 5 phím đờng đah đăng gơng đờng dê. Đờng do geh ồng mòn lơh mờ pe\ uă nốt rlau, jơnau ntas bơh đờng dê ndơ\p ndơr, di pal nàng ràng tơlik bal mờ ală cing mồng tàm ală dơ\ lơh yàng duh khoai, ală bơhìan lơh yàng bơh yau halà tu\ đơs mờ ràng tơlik ală jơnau đơs lơyài, moat jrùm.

                                            Nghệ nhân A Lít prap gàr briă tà` phan kòn cau bơh yau

Ai gơ wèt mờ đờng Kơ Ni geh pe\ ndrờm mờ đờng Vi-ô-lông. Hơ\ là ngui broă du\i che nàng lơh gơlik jơnau ntas. Đờng do geh gơng đờng lơh mờ dùl gơl gle tơrwềt song, 2 nơm bồ geh trồm nàng đò kơ\t che đờng. Bơdìh hơ\, geh dùl nơm che geh kơnòl broă lơh ntas geh tàm tơr bo\ bơh gơng đờng tus dùl nơm ding lơh mờ đơr, geh kơ\t kơ\ mờ dùl pang kơl tau k^t trồ lơu\t, dong ding gơ gơs phan tơnguh jơnau ntas. Tài bơh geh lơh bè hơ\, den đờng Kơ Ni gam geh sơn đan là đờng kơl tau k^t trồ halà đờng dùl che. Đờng dềt do geh mòn lơh quãng âm krơi is rlau, jat kơrnoat 5 săp ntas tàm hơ\ geh 5 nốt den gơtùi pe\ uă ngan jơnau đơs  mờ uă ngan bơta tơngo\ krơi is.

Đơs bè broă prap gàr gùng đơs crih bơh yau bơh he dê, nghệ nhân A Lít kơlôi sơnơng: “kờp kờ` dờng ngan rlau jơh bơh a` dê là rơnàng kơnòm să tàm [òn gơtùi tàm pơn jat bơhìan bơh yau mờ ồng pàng he dê neh prap gàr bơta niam chài bơh jơi bơtiàn kòn cau he dê. Tu\ do, rơnàng ơruh pơnu, kơnòm pa tàu mờ kơnòm dềt tàm [òn ờ hềt ngan ngồn geh bơta gơ kờ` mờ ală phan teh kòn cau bơh yau bơh jơi bơtìan he dê”.

Quốc Học jat ba\u Kon Tum- Cau mblàng K’ Hạnh