VOV4.K’ho- Nam 2019 là dơ\ 2, Chủ tịch lơgar geh kơrnoat pồ pà sră jờng rơ chờ hờp Dà lơgar Nghệ nhân ưu tú ai 561 nă cau in tàm gùt lơgar geh ală tă pơgồp jak ngan tàm broă sền gàr mờ ngui niam phan lời wơl niam chài ờ di mờ phan bơna. Tàm Dăk Lăk, neh geh 24 nă nghệ nhân ưu tú geh jờng rơ. Sră jờng rơ nghệ nhân ưu tú mùl màl là cơng tàng jờng rơ bơh mpồl bơtiàn dê gơ wèt mờ bơta kờ` gơboh mờ nùs nhơm bồ tơngoh, bơta pràn, dà kơlhề bơh ală nghệ nhân dê gơ wèt mờ phan lời wơl niam chài bơh yau. Bơta do, geh lơh gơkờ` rlau tai nùs nhơm kơ\p kờ` sơlơ tă pơgồp bơh ală nghệ nhân dê ai [òn lơgar mờ dà lơgar in, gơ hòi gơ jà rơnàng kơnòm să tus bal tàm broă sền gàr mờ ngui niam bơta kuơ phan lời wơl niam chài bơh yau.

Tàm hìu geh lơh kơ\ kơl jăp ngan, nghệ nhân Y Wang Hwing- cau klau 70 sơnam gam uh đing Tak Tar iang ngan. Ală săp ntas tu\ nggồr, tu\ gơ hoăc jơnhoa, tu\ rơle\ rơlùn muăt jrùm kơn jơ\ kơn ju\t ngan lơh cau iăt in gơlơh bè lơ hă ngan tàm dùl ù tiah ndu gơnrơh bè tàm mpau mang.

Nghệ nhân Y Wang Hwing yal: Rài yau, pah dơ\ [òn lơgar mu\t tàm kàl lơh chờ, pơrjum `ô sa dờng halà geh dơ\ lơh chờ, lơh yàng dờng màng, cau kra ndrờm uh rơkèl, ja` sơnggơr, dròng cing ja` mồng, ală jơnau đơs pơnđick gùng eirei ndu gơnrơh ngan kung geh tàm bơrlu\ bal tàm săp ntas hơ\ sơl. Ai bol kơnòm tàm [òn den tàm jà gơ\p lòt jăt bal nàng nhơl chờ hờp mờ iăt dròng cing ja` mồng. Bè hơ\ sùm, săp ntas dròng cing neh gơmu\t rơhời tàm nùs nhơm, tàm bồ tơngoh klau pơnu sơnđan măt Y Wang Hwing dê.

Tu\ 14 sơnam, Y Wang Hwing ndrờm bè chài ngan ală jơnau dròng cing cau Rơđê dê. Bal mờ cing, ding năm, ồng gam đơs pơnđick jăt gùng Kứt tai, gi\t yal khan mờ gi\t jrô jơh ngan ală broă lơh tàm tơl dơ\ lơh chờ, lơh yàng. Tu\ do, pah tu\ mu\t tàm kàl lơh chờ, lơh yàng, `ô sa dờng, lơh yàng duh khuai ală yàng, halà lơh yàng pơthi [ồc tàm Cư Mgar, tu\ mpồl tơrgùm jơh bal săp ntas bơh yau bơh cau Rơđê dê mpong ntas, ndrờm ờ gơtùi ờ geh măt cau chài ngan Y Wang Hwing. Tàm sơnam 70, mờ sră jờng rơ nghệ nhân ưu tú, ồng Y Wang Hwing chờ hờp ngan tài bơh geh rlau 50 nam lơh broă tàm broă sền gàr bơhiàn niam chài bơh yau kòn cau he dê.

Ồng đơs bè do: Nam do, geh dà lơgar pà sră jờng rơ Nghệ nhân ưu tú den là a` chờ hờp ngan. A` chờ hờp là tài bơh să tờm a` kung geh lòt lơh sơl tàm làm bă tiah tàm gùt lơgar. A` chờ hờp là tài bơh kơnòm bơsram a` dê kung gi\t đơs pơnđick jăt gùng Kứt sơl, gi\t yal khan bè a` sơl. A` neh kra gơmờ`, mờ lơh geh bơta hơ\ den là a` gơlơh chờ hờp ngan. Tơnơ\ do, a` chơ\t rê mờ mò pàng tàm làng [ồc den ală bơta lơi mờ a` neh gi\t den kung neh bơto yal wơl ai rơnàng kơnòm să in.

Nghệ nhân ưu tú bèp H’Loan lơh đờng goòng kòn cau

Ồng Y Bhiông Niê ơm tàm [òn Akô Dhông, sơnah [òn Tân Lợi, [òn dờng Buôn Ma Thuột kung là dùl tàm 24 nă nghệ nhân tàm bă ù tiah pơrhê bazan Dăk Lăk sơl geh Chủ tịch lơgar pà sră Nghệ nhân ưu tú tàm nam 2019. Kung ndrờm bè ồng Y Wang Hwing sơl, bơh jo\ ồng neh là cau chài ngan ngồn tàm nùs nhơm làng bol [òn lơgar dê. Ồng sùm geh jơh tơl nă cau hòi mờ măt tơmoh kờ` gơboh ngan hơ\ là “ồng kra bèp Loan”.

Ồng kờ` ngan ală đờng goòng kòn cau, bơh gi\t nđờ nam sùm ồng neh lòt làm bă tiah tàm ală [òn lơgar nàng lùp mờ bơsram, lơh mòn lơh kis wơl uă đờng goòng kòn cau he dê. Bè hơ\ sùm, jăt tu\ tơngai, ờ gi\t nđờ nơm ding năm, ding buốt, ding tak tar, bơnung, kơl wào, đờng tơrung, đờng bơr, cing gle… neh geh lơh gơlik bơh mpàng tê kèr chài ngan bơh ồng dê.

Tus tu\ do, ồng ờ jai kah tai là he neh lơh gơtùi wơl, lơh mòn wơl gơtùi gi\t nđờ nơm đờng goòng ai [òn lơgar in. Tu\ do, bulah neh rlau 80 sơnam, mơya ồng kung gam jơh nùs ngan lòt làm bă tiah bơto pơlam broă lơh niam wơl cing, lơh đờng goòng. Tài bơh jăt ồng đơs, den mìng kờ` làng bol he gam gi\t ìa pềs, gi\t iăt đờng goòng, den ồng gam geh bơta pin dờn là geh dong khi jòi bàn wơl mờ nggu rơyas niam chài bơh yau krơi is ngan bơh kòn cau he dê.

Ồng đơs: A` chờ hờp ngan mờ gơlơh ngoh rơngăc ngan tu\ geh dờp phan jờng dờng màng do. Nđờ nam sùm lòt làm bă tiah nàng prăp gàr niam chài bơh yau bơh jơi bơtiàn dê tus tu\ do a` geh sră jờng rơ nghệ nhân ưu tú. Do là bơta chờ hờp, là bơta cih dờp bơh dà lơgar dê bè ală bơta a` neh lơh. Mờ sră jờng rơ do, rài kis gam wơl bơh a` dê geh pơn jăt tai nàng lơh niam wơl cing, bơto cing, lơh mòn đờng goòng mờ hòi jà jơh tơl nă cau sền gàr bal bơta niam chài bơh yau jơi bơtiàn dê. Nàng lơh bè lơi Dăk Lăk ngai sơlơ geh uă rlau tai nghệ nhân ưu tú bè a`. 

Nghệ nhân ưu tú ồng Y Wang Hwing uh ding năm

Broă dờp sră jờng rơ Nghệ nhân ưu tú ờ go\ di mìng là bơta chờ hờp ai să tờm ală cau nghệ nhân in lơm mờ gam là bơta chờ hờp bal bơh làng bol [òn lơgar dê tai. Gơ geh pơgồp bơnah jờng rơ, sền gròi geh kuơ ngan jơh bal bè phan bơna mờ nùs nhơm gơ wèt mờ ală nghệ nhân, mơkung pơn jờng, pơndờm pơnđiang ală nghệ nhân geh ală tă pơgồp dà kơlhề uă rlau tai tàm broă lơh prăp gàr, bơto yal wơl ală phan lời wơl niam chài ờ di mờ phan bơna tàm [òn lơgar.

Nghệ nhân Y Nguh Niê, ơm tàm [òn Huk B, xã Cư Mgar, kơnhoàl Cư Mgar, càr Dăk Lăk pà gi\t, bulah ờ hềt geh dờp sră jờng rơ nghệ nhân ưu tú tàm dơ\ do, mơya, sră jờng rơ hơ\ là dùl bơta pơn jờng nùs nhơm nàng ală nghệ nhân sơlơ lơh ngan jơh nùs prăp gàr mờ bơto yal wơl bơta niam chài bơh jơi bơtiàn dê ai rơnàng oh kòn kòn sau in. Ồng Y Nguh Niê, đơs bè do: A` chờ hờp ngan tài bơh tàm Dăk Lăk neh dờp 24 nă nghệ nhân geh dà lơgar dờp là nghệ nhân ưu tú. A` gơlơh sền go\ he geh pơn jờng, lơh ngan pơđơl pràn tàm broă dròng cing, lơh niam wơl cing. Kơ\p kờ` anih lơh broă geh gơnoar tàm càr Dăk Lăk dê geh tơrgùm ală nghệ nhân ndai mờ ală rơnàng oh kòn kòn sau kờ` gơboh cing mồng nàng lùp bơsram uă rlau. Mìng is să tờm a`, den bulah geh dờp halà ờ den a` kung sùm lơh ngan jơh pràn he dê nàng sền gàr mờ ngui niam phan lời wơl niam chài bơh jơi bơtiàn he dê.

Dùl nùs bal mờ jơnau đơs do, ồng Y Kô Niê, Phó Kuang ătbồ Phòng Văn hoá, gơ wèt Sở Văn hoá, Thể thao mờ Du lịch càr Dăk Lăk dê pà gi\t, sră jờng rơ nghệ nhân ưu tú ờ go\ di mìng tơngo\ bơta cih dờp bơh dà lơgar dê gơ wèt mờ ală tă pơgồp bơh ală nghệ nhân dê, mờ gơ gam lơh ai ală nghệ nhân in gi\t wa\ di gơnoar broă, kơnòl broă kơn jơ\ ngan bơh he dê nàng dipal mờ sră jờng rơ.

Ồng Y Kô Niê, đơs: Lài do, ală cau gi\t dròng cing, gi\t uh ală rơkèl, kơ wào, gi\t yal yau, khi ờ hềt geh bơta kờ` ngan hòi jà, bơto sồr ală rơnàng oh kòn, kòn sau lùp bơsram sền gàr ală bơhiàn niam chài bơh jơi bơtiàn he dê. Moya bơh dì tu\ dà lơgar dờp nghệ nhân ưu tú, khi jơh nùs lơh ngan bơto yal wơl ai ală rơnàng oh kòn kòn sau in đòm jăt. Ai bol a` là ală kuang bàng lơh broă niam chài kung pin dờn sơl ală nghệ nhân ưu tú geh lơh niam gơnoar broă bơh he dê nàng bơto yal wơl ai oh kòn kòn sau in nàng bơtàu tơnguh ală bơhiàn niam chài bơh yau jơi bơtiàn dê.

Nghệ nhân ưu tú ồng Y Wang Hwing dròng cing bal mờ mpồl dròng cing

Gơtùi đơs, tàm broă lơh sền gàr mờ ngui niam ală bơta kuơ niam chài bơh yau bơh jơi bơtiàn dê, gơnoar broă mpồl nghệ nhân là dờng màng ngan. Tài bơh khi ngan là ală cau “gàr ồs” mờ “lơh gơkờ`” ai ală broă lơh niam chài, đơs crih tam ya bơh [òn lơgar dê, mờ gi\t wa\ geh bơta kơlôi sơnơng, jơnau kơ\p kờ`, bơhiàn, bơta niam chài krơi is bơh jơi bơtiàn he dê. Broă pồ pà sră jờng rơ “Nghệ nhân ưu tú” geh bơta kuơ dờng màng, ờ go\ di mìng là bơta cih dờp, đơs niam ngan gơ wèt mờ ală tă pơgồp dờng ngan bơh ală nghệ nhân dê mờ gam pà go\ bơta sền gròi bơh Đảng, Dà lơgar dê tai gơ wèt mờ ală cau jak mờ geh bơta jơh nùs jơh tồr gơ wèt mờ bơta niam chài jơi bơtiàn dê.

Cau cih Nam Trang- Cau mblàng Lơ Mu K’Yến