VOV4.K’ho -  Bơta ờ suk bơh tu sa aniai la bơta ờ suk bal bơh ua\ ngan cau tam kơphe tu\ tus nhai mìu. Tàm jơnau đơs do, tiến sĩ lơh broa\ sa suơn sre Tôn Nữ Tuấn Nam geh pơlam broa\ rcang sơndra\ ờ ua\ bơta tu sa aniai mờng gơbàn tus mờ kơphe.

Tơnơ\ dùl dơ\ tơngai duh jo\ jòng, bè ờs tàm nhai mìu, kơphe geh cat dờng pràn ngan, mơya ala\ bơta tu kòp, jat trồ tiah gơbàn duh ìo, kung geh gơlik geh ua\ ngan sơl. Sùm gơbàn tàm tơngai do tờm ngan la kòp nhui sras lơh aniai kơphe. Mìng is tàm nam do, bơta trồ tiah tơngai duh jo\ jòng rlau, lơh chi tam gơbàn ờ sô rlau den tàng tus nhai mìu geh gơbàn nhui sras lơh aniai kơnjơ\ ngan.

Kờ` rcang sơndra\ nhui sras, làng bol cau tam kơphe gơtùi bồm sơnơm gơsơt nhui sras tu\ go\  nhui sras gơbàn. Tiến sĩ Tôn Nữ Tuấn Nam geh bơto pơlam làng bol gơtùi ngui ờ ua\ bơta sơnơm, bè: Celecron, Bunstra…bồm tam tờm kơphe. Tu\ bồm sơnơm, làng bol pal bồm di pal mờ di khà ai bồm, nàng sơnơm tàm rlau jơh, kơryan bơta gơbàn aniai tus tiah kis mờ sền gàr ala\ phan kis geh kuơ ndai tàm  suơn:“Tu\ bồm sơnơm gơsơt nhui sras lơh aniai kơphe, làng bol kung gơtùi klài bal tàm hơ\ dùl khà zờu khoáng di pal. Hơ\ la, sơnơm tu den pal khài di khà sơnơm,  klài bal tai di 1% zờu khoáng kờ` dong broa\ gơ nđir tềng nhui sras hala lơh gơ dô tap nsồp bơh nhui sras den sơnơm gơ geh tàm rlau. Bol he bồm, bồm nền  tàm ala\ ntê geh plai mờ ala\ ngkur plai go\ geh nhui sras. Broa\ bồm nhui sras làng bol pal geh mut lơh 2 dơ\, dơ\ dùl ngai mờ dơ\ 2 bơh 7 tus 10 ngai, kờ` tap bơh  nhui sras gơ ờ chơt tàm dơ\ dùl den tu\ gơ pa diah mờ dờng tàm dơ\ 2 geh gơbàn bol he bồm tai dùl dơ\ den nhui sras geh gơmù go\ loh ngan, geh tu\ bol he gơtùi kơryan geh nhui sras do, mờ ờ ai gơ geh  deh oh deh kòn ua\ rlau tai”.

Ờ ua\ bơta tu kòp lơh aniai ndai kờ` pal kah mờ rcang sơndra\ kòp la  bùi bơsềt. Tiến sĩ Tôn Nữ Tuấn Nam  ai git, bơta kòp do ờ lơh aniai mo tơn, den tàng làng bol sùm ờ sền tus mờ lời kòp tàm tơngai jo\ jòng. Den tàng, tu\ git geh kòp den bơta kòp neh aniai ngan. Lài jơh, kờ` pal git go\ ala\ bơta  lơh gơbàn kòp:“Làng bol geh sền jơh tàm ala\ ntê geh plai. Tàm ala\ ntê mờ gơ ngài mờ bồ di bơh 15 tus 20 phơng, tềng hơ\ la ala\ ntê gơ lì, ờ di la ntê bơnung pa bơh ntê tai, gơ neh sơnđờm gơs chi. Den bơsềt bùi geh lơh aniai tềng do. Dilah làng bol sền nền tềng ala\ te\p rtèl pàl tơlir geh tơnò rmit pàl, mhil. Ala\ tep rtèl hơ\ di gơlan mìng is hala gơ ơm mpồl bal, jơh đah nđang tê hala tàm tiah drờm geh lơm”.

Ngui sơnơm bồm  bùi bơsềt  la broa\ lơh kờ` ngan nàng sơndra\ mờ kòp do. Làng bol pal rwah sơnơm geh di geh pơlam, la ala\ bơta  sơnơm gốc đồng, lơh jat di geh pơlam kờ` bồm kơphe in tu\ gơbàn kòp tàm suơn chi:“Mờ ala\ bơta sơnơm  sơm bùi bơsềt , den làng bol pal geh ngui ala\ bơta sơnơm gốc đồng hơ\ sồng geh tàm sơnơm. Làng bol geh ngui ala\ bơta sơnơm gốc đồng bè la Chăm DP, hala sơnơm đồng đỏ den geh Norsize, Cox 85 kung la sơnơm gốc đồng. Geh tu\ làng bol gơtùi bồm sơnơm klài Sulfat đồng mờ vôi, klài di geh pơlam den hơ\ kung la dùl bơta sơnơm  tàm ngan  tus mờ kòp bơsềt bùi bơsềt do. Bol he geh bồm 2 dơ\, dơ\ lài ngài mờ dơ\ tơnơ\ di bơh 10 tus 15 ngai den gơ geh kloh kòp”.

Bal mờ broa\ lơh sơndra\ kòp lơh aniai, làng bol kung pal bơsir tuh phơng di pal,  lơh kloh suơn, dong tờm kơphe pràn, sơndra\ pràn mờ ala\ bơta lơh kòp kung bè bơta tam gơl nisơna bơh trồ tiah mờ ai tơnhàu ua\, tơngguh ròng ntê pràn tus ala\ nam pơnjat tai.

                                      Cau mblàng K’ Brọp