VOV4.K’ho - Ơm tàm lồi gùng Trần Nhật Duật, sơnah [òn Tân Lợi, [òn dờng Buôn Ma Thuột, [òn Akô Dhông là dùl tàm ờ uă [òn [òn cau Rơđê tu\ do gam prăp gàr ală bơta niam chài rơgơi ờs mờng, niam kòn cau Rơđê dê.

Tàm [òn, tềng gah mờ ală gùng dă mờ cài, bêtông kloh niam là hìu jòng ờs mờng geh lơh hờ đang, mờ tàm dơlam bơh tơl hìu gam prăp gàr ală cing, mồng, broă tà` ồi yau, be\ tơrnờm, ală phan ngui ndu gơnrơh bè cing, jơge\ Kpan, drăp… bal mờ ală broă lơh yàng, lơh chờ kòn cau Rơđê dê.

Ală bơta niam chài ờs mờng hơ\ neh ai geh dùl bơta niam krơi is tơn tàm gùl [òn dờng Buôn Ma Thuột, càr Dak Lak dê

Bol a` tus [òn Akô Dhông tàm dùl ngai nhai pe, gùng geh dă mờ cài lam tus tàm [òn kloh niam bơne\ ngan, jăt gah bàr đah gùng là ală pơngàr geh tam mờ chi koh niam bơne\ ngan, tàm [làng hìu là ală bơta bơkào gam lì niam tàm bơta duh bơh măt tơngai dê.

                             Lo\ H’ Len Niê gam puh kơphe tềng gah hìu jòng lo\ dê

Bơta niam bơne\ ngan tus mờ ală cau jòi tus là g^t nđờ 10 nơm hìu jòng ờs mờng geh lơh hờ đang tìm mờ kiă neh klar bơrlu\ bal mờ ală hìu dờng geh lơh mờ bơta niam pa.

Mờ kòn cau Rơđê, hìu jòng là rùp rài bơta chài rơgơi, là plai nùs, poăc mhàm, là bơta đềt mềr mờ crih crài ngan kòn cau Rơđê. Hìu jòng ờ mìng là anih tơrgùm ală cau tàm hìu nhă mờ gam là anih lơh chài rơgơi, ală broă duh khoai yàng geh bơyai lơh tàm do…

Lo\ H’ Len Niê, cau tòm hìu tăc dà kơphe Arul, cau geh ngui bàr nơm hìu jòng tàm [òn Akô Dhông pà g^t: Tài kờ` prăp gàr bơta niam chài rơgơi kòn cau dê, lo\ neh ai hìu jòng hìu nhă tòm lơh gơs dùl anih ràng tơl^k niam bơne\ ngan. Jăt mờ hơ\, tàm hìu jòng yau, lo\ rơndăp, ràng tơl^k ală phan ngui ờs mờng pah ngai kòn cau Rơđê dê bè cing, drăp, jơge\ Kpan, sơngơr, klung, sơ\, phan soh ờs mờng, ală bơta phan teh đơs crih kòn cau. Gam tàm hìu jòng pa geh lơh, lo\ lời geh bơta niam ơnàng kờ` cau năc in hùc dà kơphe.

Lo\ H’ Len pà g^t, bu\ lah neh geh hìu jòng yau, mơya tài kờ` prăp gàr bơta kuơ niam chài rơgơi ờs mờng kòn cau dê, kờ` ai uă cau in g^t tus mờ uă bơta bơh bơta chài rơgơi kòn cau Rơđê dê, den tàng lo\ neh lơh ngan lơh dùl nơm hìu jòng tai. Tài jăt lo\ kơlôi, broă lơh geh cồng nha ngan kờ` prăp gàr bơta niam chài rơgơi mò pàng lời wơl là tơl nă cau bơh jơi bơtiàn kòn cau hơ\ dê là pal prăp gàr is mờ tơnguh niam bơta chài rơgơi hơ\.

-Broă là nùs nhơm g^t wă bơh tơl nă cau, di lah bè mùl màl he g^t jơnau tus mờ ală cau neh lơh gơs [òn lơgar do den pal lơh te\, pal gàr te\, tài bơta chài rơgơi he dê mìng geh he hơ\ sồng gơtùi prăp gàr, ờ kơ\p mờ cau lơi gàr he in tai.

Mìng kờ` tơl nă he g^t mơ, tơl nă cau gàr is să tòm he dê là geh dùl hìu nhă geh bơta niam chài rơgơi is, mờ dùl hìu nhă geh bơta niam chài rơgơi is den geh dùl mpồl bơtiàn geh bơta niam chài rơgơi is.

Neh rơlao g^t nđờ jơ\t nam bơh tu\ crơng gơs [òn tus mờ broă tơnguh bơtàu, mùl màl neh geh tu\ rài kis làng bol tàm [òn Akô Dhông pas gơs kơnờm mờ broă tam kơphe, uă cau neh kơlôi tus mờ broă pal sơbì hìu jòng kờ` lơh hìu pa niam.

                     Broă lơh yàng lơh oh mi bal geh làng bol tàm [òn Akô Dhông lơh tàm [òn do

Tềng đăp mờ mùl màl do, ồng bèp H’ Rin-do là dùl tàm ală cau sơnrờp ngan bơ\t bơtàu [òn neh cri bơyai mờ gơnoar atbồ [òn kờ` ai tơl^k kơrnoăt hơ bal, sồr hìu lơi lơh hìu pa jăt broă lơh pa kung pal lơh hờ đah ngkời hìu jòng ờs mờng; kơnờm mờ hơ\, den tàng bu\ lah geh uă hìu pa geh lơh kơl jăp, mơya rơkàng hìu yau kung gam geh sơl, là cơng tàng pà go\ bơta tềl tơngo\ mò pàng lài do dê.

Mpồl bơtiàn ngai sơlơ tơnguh bơtàu, rài kis sơlơ tam gơl, [òn Akô Dhông kung geh tam gơl sơl. Bơh dùl [òn kòn cau Rơđê kis ngềt ngơ\t tàm gùl [òn dờng, [òn Akô Dhông tu\ do neh g^t lơh nhơl chờ mờ bơh bơta niam chài rơgơi ờs mờng kòn cau dê tơn. Kòn cau Rơđê kis tàm do wă năc mờ drơng cau năc in mờ ală mang dròng cing, chu gơnru ồs, tamya, đơs crih, yal yau mờ `ô tơrnờm hờ đang hìu jòng.

Lo\ H’ Min Niê, cau kis tàm [òn pà g^t, hìu nhă lo\ tu\ do gam prăp broă tà` ồi yau, lài do, mè lo\ bal mờ lo\ tà` ồi yau mìng kờ` drơng cau tàm hìu nhă in, bơh ngai geh tơnguh bơtàu nhơl chờ, bàr nă mè mờ kòn lo\ dê neh pờ hìu tăc phan sơnđan là Êđê Shop kờ` tăc ală bơta phan neh geh tà` gơs bal mờ ờ uă bơta phan tàm [òn lơh gơs bè kơphe, tiêu…

-Tà` ồi yau là broă lơh ờs mờng kòn cau dê, tơnơ\ do go\ [òn a` cau năc nhơl chờ lòt gan, den tàng mè ơm tàm hìu tà` hơ\ sồng tăc phan tơn tàm hìu. Lài do pơgăp 10 nam, den hìu, gùng lòt ờ niam ngan, tu\ do den neh tam gơl, tàm hơ\ uă ngan là bơh tu\ [òn geh lơh nhơl chờ uă den kung geh tam gơl.

Geh hìu lơh kơphe, geh hìu lơh dròng cing mồng. Hìu a` den tà` ồi yau den kung gam tà` sơl, hìu lơi [e\ tơrnờm den gam [e\ tơrnờm, geh ală hìu jòng mìng geh drơng lơh chờ, kờ` geh năc `ô sa den kung rơwah ală phan sa bơkah kòn cau Rơđê dê.

Jăt ồng Y Pun Niê Bing, kuang atbồ [òn Akô Dhông yal, tu\ do [òn geh 278 hìu, 1 rơbô 50 nă cau, tàm hơ\ geh 63 hìu làng bol kòn cau mờ 305 nă cau. Tàm [òn ờ geh hìu rơ[ah mờ ală hìu lơh geh g^t nđờ rơhiang tơlăk đong tàm 1 nam ngai sơlơ geh uă. Broă lơh sa tơnguh bơtàu, làng bol sơlơ sền kuơ tus mờ rài kis nùs nhơm mờ tơnguh uă jơnau g^t wă tàm broă prăp gàr mờ tơnguh ală bơta niam chài rơgơi ờs mờng kòn cau dê.

Bơdìh mờ ală hìu jòng, bơta niam chài rơgơi cing mồng kung geh làng bol prăp gàr. Ală broă lơh chài rơgơi ờs mờng, lơh chờ, dròng cing mồng, yal yau, tà` ồi yau, [e\ tơrnờm; ală bơhiàn ờs mờng tàm rài kis pah ngai bè à` sơ\ lòt mìr, boh bơr mờ dà đơs mè deh, rài kis pơgồp bal niamgam geh làng bol prăp gàr mờ ai tơngo\ loh làng ngan.

-Tơl hìu gam prăp gàr ào mpha yau ờs mờng, hơ\ sồng jo\ jo\ làng bol lơh yàng mò ồng, mè bèp in. Bè bơhiàn lăp bao gam gàr bơhiàn lài do, mơya kung neh tam gơl ờ uă tài lài do den tơrkă khà bao uă ngan bè rơpu, kơnrồ den tu\ do mìng geh tơrkă gời, mìng ai di pơgăp bơh 10 tus 15 tơlăk đong bè phan kơ\t bao ai mè bèp in. Broă lơh ờs mờng bè tà` ồi yau, [e\ tơrnờm den mò pàng lài do gam bơto sùm ai ală oh kòn in.

Broă [òn Akô Dhông gam prăp gàr mờ geh sùm ală bơta niam chài rơgơi ờs mờng kòn cau dê neh ai geh ală bơta niam is tàm gùl [òn dờng Buôn Ma Thuột. Tài bơta do, neh hòi jà gal ngan cau năc tus sền mờ ơm rơlô pah tu\ geh dơ\ se\ cò ù tiah càr Dak Lak.

Lo\ Nguyễn Đỗ An, cau năc tus bơh [òn dờng Đà Nẵng yal, do là dơ\ 3 lo\ tus càr Dak Lak mờ jơh 3 dơ\ lo\ ndrờm tus [òn Akô Dhông, tài lo\ gơboh kờ` ngan mờ bơta niam chài rơgơi  [òn kòn cau kis tàm gùl [òn dờng do dê:

-Tu\ a` mờ ală cau bơyô tus tàm do den bu\ lah tàm gùl [òn dờng gal cau, mơya bơta niam chài rơgơi tàm do ală cau gam prăp gàr sùm bè ờs tơn, do là bơta mờ a` gơboh ngan.

{òn Akô Dhông gam ngai sơlơ tơnguh bơtàu, jăt gơrờm bal mờ rài kis pa tàm [òn dờng dê, mơya kung gam gàr sùm bơta niam geh is, mờ geh uă nùs nhơm kòn cau dê. Broă bơrlu\ bal bơh bơta ờs mờng mờ pa ai geh dùl bơta niam krơi is ngan, lơh geh bơta niam bơne\ ngan bơh [òn tàm gùl [òn dờng mìng geh tàm [òn dờng Buôn Ma Thuột.

Cau mblàng Ndong Brawl