VOV4.K’ho - Tàm 2 nam do, trung tâm Văn hóa Thể thao mờ Du lịch [òn dờng Buôn Ma Thuột, càr Dak Lak neh pờ ală ơdu\ pơlam bơta chài bơto bơtê mờ tơnguh pràn jak dròng cing, ja` mồng ai ală nghệ nhân in. Bơh ală ơdu\ do, ală nghệ nhân neh geh tai ală bơta chài kươmàng tàm tu\ bơto bơtê, tơnguh cồng nha ală ơdu\ bơto dròng cing, ja` mồng ai ơruh pơnu, kơnòm pa tàu tàm [òn dờng ngai sơlơ niam rlau. Bơh hơ\, pơgồp bơnah bơto bơtê gơs ală mpồl dròng cing kơnòm să tàm [òn lơgar, sền gàr sap ntas cing mồng jơi bơtìan kòn cau dê. 

Tơ nơ\ dùl tu\ tơngai pal ơm ing nàng lơh jat broă ơm yah ngài mpồl bơtìan, gàr niam ờ do ờ dă tàm broă rơcang sơndră kòp Covid-19, ală ngai do, sap cing gle gơ mpong ntas nggồr nggàc ngan tàm hìu chài rơ gơi [òn K’Bu, xã Hòa Khánh, [òn dờng Buôn Ma Thuột, càr Dak Lak dê.

Bulah mìng pa rơp tàp dròng cing dùl tơngai lơyah lơm, broă pơlam tàp gơtìp ơm ing tài bơh gơ rềng bơh kòp dê, mơya sap cing bơh ală oh dềt dê kung gam ring mờ niam ngan.

Mpồl dròng cing kơ nòm să xã Hòa Xuân, [òn dờng Buôn Ma Thuột

Oh Hoàng Bảo Long Niê, ơm tàm [òn K’Bu, xã Hòa Khánh pà git, ală oh geh nghệ nhân bơto bơtê jơh nùs ngan, bal mờ bơta kờ` gơboh mùl geh tàm să den tàng broă bơsram dròng cing gơ gơs [ươn rlau: “Oh chờ hờp ngan tu\ go\ ală bơyô dròng ing, oh kung kờ` dròng cing sơl. Ndrờm bè ală bơyô dròng den oh kung dròng jat sơl. Oh neh git dròng 2 jơnau cing, nghệ nhân bơto bol oh in dròng jat sap côc côc, ờ kal ke, [uơn ngan git”.

Ơdu\ bơsram dròng cing geh pờ bơh nggùl kàl rlô bơkang nam do tàm [òn K’Bu geh 30 nă ơruh pơnu, kơnòm pa tàu tàm ală [òn tàm xã Hòa Khánh tus bal bơsram, tàm hơ\ geh mờr 10 nă cau ùr. Tài bơsram tàm kàl rlô bơkang den tàng tơngai bơsram pal git rơndap tap sèng, ală oh ờ mìng geh bơsram jơnau git wă mờ gam geh pơlam tàp ngan ngồn pah ngai tai. Bulah pa rơp lơh quèng lơm, mơya ală oh neh kờ` ngan mờ broă bơsram dròng cing.

Oh Lò Thị Thùy Dung Kbuôr, ơm tàm [òn K’Bu, xã Hòa Khánh, [òn dờng Buôn Ma Thuột yal: “Nam do hơ\ sồng oh geh bơsram dờng cing, ja` mồng den tàng tu\ geh lòt bơsram den oh chờ hờp ngan. Oh kờ` ngan bơsram dròng cing, klo sap ntas cing dê gơ lơh niam ngan. Oh neh dròng 2, 3 jơnau kung di sơl den tàng wa bơto neh rơ wah kòn tơn”.

Kơ nờm broă bơ to pơlam, [òn dờng Buôn Ma Thuột neh crơng gơs ua\ mpồl dròng cing kơ nòm să

Nghệ nhân Y Klêc K’đoh là cau bơto tơn ơdu\ dròng cing [òn K’Bu yal, nàng rơcang ai broă bơto bơtê in, lài hơ\ ồng neh geh tus bal ơdu\ pơlam bè bơta chài bơto bơtê. Bulah gam ală bơta ờ niam tu\ lơh jat ngan ngồn mơya sơlơ tơnơ\ do, broă bơto bơtê ồng dê sơlơ [ươn rlau, ală cau bơsram git mhar rlau. Bal mờ hơ\, kuang đơng lam bồ mờ gơnoar atbồ tàm [òn lơgar kung jơh nùs sền gròi, lơh gơlik bơta niam mờ dong kờl phan bơna nàng ơdu\ bơsram in geh lơh sùm, ngan là tơ nơ\ tu\ jơh tơngai lơh jat ơm yah ngài mpồl bơtìan:

“Bol hi neh bơsram ơdu\ pơlam bơta chài bè bơto dròng cing kòn cau Rơđê dê, butoah ngan tu\ do geh bơta sền gròi bơh Đảng, dà lơgar dê nàng bơto wơl ală sau in, tơ nơ\ do pơn jat tai git sap ntas cing mồng cau Rơđê dê. Den tàng bol hi neh bơsram kàr lơi den kung bơto wơl jơh ală sau in nàng geh cồng nha niam ngan rlau jơh.

Jat mò Phạm Thị Hải Bình, Phó Kuang atbồ Trung tâm Văn hóa Thể thao mờ Du lịch [òn dờng Buôn Ma Thuột pà git, tàm ua\ nam do, Trung tâm Văn hóa Thể thao mờ Du lịch [òn dờng Buôn Ma Thuột sùm pờ ơdu\ bơto dròng cing ai ơruh pơnu, kơnòm pa tàu, kơnòm dềt in. Mìng is tàm kàl rlô bơkang nam 2020 do, geh 3 ơdu\ bơto dròng cing geh pờ tàm xã Ea Kao, Hòa Khánh mờ Hòa Xuân. Kơnờm bơh hơ\, [òn dờng Buôn Ma Thuột neh hời rơ hời crơng gơs ală mpồl dròng cing kơnòm să tus bơh ală [òn, tu\ lơi kung gơtùi tus bal ală broă lơh tìp mat lơh quèng cing mồng geh bơyai lơh.

{òn dờng Buôn Ma Thuột pờ ua\ ơdu\ bơ to pơlam tơnguh pràn jak dròng cing ai ală nghệ nhân in

Nàng kờ` lơh niam mờ lơh gơlik bơta rơcang lài bè nghệ nhân mùl geh tàm [òn, tàm 2 nam do, Trung tâm Văn hóa Thể thao mờ Du lịch [òn dờng Buôn Ma Thuột neh pờ ơdu\ bơto pơlam, tơnguh bơta chài dròng cing, broă bơto dròng cing ai ală nghệ nhân bơto dròng cing in nàng drơng broă bơto dròng cing, ja` mồng tàm ală [òn:

“Tàm nhai 6 nam 2020 pa do, den bol hi neh pờ dùl ơdu\ bơto dròng cing ai 12 nghệ nhân in, tàm hơ\ geh 8 nghệ nhân bơh xã Ea Kao mờ 4 nghệ nhân bơh xã Hòa Khánh dê. Nàng gơtùi tơnguh ală jơnau git wă mờ ală nghệ nhân neh geh bơsram tàm tơngai pa do den bơh ală jơnau mờ ală nghệ nhân neh bơsram rê bơto wơl ală jơnau git wă, ală mờng chài neh geh bơsram ai oh kòn he in tàm [òn”.

Bơh ală ơdu\ bơto pơlam do, ua\ nghệ nhân neh git ală bơta chài bơto bơtê, bơta chài mblàng wơl, bơta chài pơlam wil tơl mờ niam rlau. Bơh hơ\, khi geh [ươn rlau tàm broă bơto bơtê ală cau bơsram in. Do geh kơp kơ nờm là mpồl tờm ngan tàm broă bơto bơtê tàm ală [òn, pơgồp bơnah jơh nùs tàm broă sền gàr ală jơnau dròng cing kung bè tơnguh bơta kờ` gơboh ai rơnàng kơnòm să tàm [òn in pơn jat tai sền gàr mờ tơnguh sap cing mồng bơh [òn lơgar, jơi bơtìan kòn cau he dê.

Cau cih H’Xíu – Cau mblàng K’Duẩn