VOV4.K’ho- Mang òr 21/8, Anih Jơnau đơs Việt Nam pơgồp bal mờ càr Nghệ An bal mờ [òn dờng Hồ Chí Minh bơyai lơh tàm tơrbo\ Sơ`io rùp- pờ tơlik jơnau đơs tơn bal mờ tơngume “Rbô bơta kờ` gơboh” tơngkah kir sơnrai di tòm 50 nam Ngai Bác Hồ sang rài, 50 nam jơh gùt Đảng, gùt làng bol mờ gùt ling klàng he lơh jat Jơnau nting bơr lời wơl dờng màng ngan bơh Bác Hồ dê.

Duh broă sùm Ban Bí thư Đảng dà lơgar ồng Trần Quốc Vượng, Phó Thủ tướng ồng Vương Đình Huệ tus bal broă lơh do tàm anih tàm tơrbo\ sơ`io rùp Hà Nội. Broă lơh Cribơyai tờm- Đơs crih tam ya “Rbô bơta kờ` gơboh” geh lơh tàm 3 anih tàm tơrbo\ tơn là: Hìu đơs crih Anih jơnau đơs Việt Nam, Tiah tềl kah yau dà lơgar dờng màng Kim Liên, kơnhoàl Nam Đàn, càr Nghệ An mờ Bến Nhà Rồng- tiah tềl lời wơl dờng màng [òn dờng Hồ Chí Minh dê.

Ai tơngume bơh dùl jơnau Bác Hồ cih tàm Sră cih jơnau nting bơr lời wơl: “Lời wơl rbô bơta kờ` gơboh ai jơh gùt làng bol, gùt Đảng, ai jơh tơl nă cau ling, ai ală sau là ơruh pơnu, kơnòm pa tàu mờ kơnòm dềt in”, broă lơh neh lơh tơngo\ wơl rùp să Bác Hồ bơh tu\ pa deh tus tàm ală tu\ lòt jòi gùng dong klàs dà lơgar mờ tu\ tơngai du\t ndơl bơh rài kis dê, tu\ lơi nùs nhơm, bồ tơngoh Ồng dê kung sùm kah tus làng bol, kah tus jơi bơtiàn lơm. Ală jơnau đơs crih, jơnau tam ya niam bơne\ ngan đơs crih jờng rơ Bác Hồ, Đảng, Dà lơgar kung lơh rơngoh rơngac ngan ai cau sền, cau iăt in sơl.

Cau mblàng Lơ Mu K’Yến