VOV4.K’ho-Tơngai rềp ndo, uă bơta phan lơh gơs bơh sươn sre bè biăp, bùm, kơnuh, plai chi bơh Dà Làc, càr Lâm Đồng dê gơtì

Gơbàn jơnau do geh đơs là tài bơh phan lơh gơs bơh sươn sre ndrờm bal ờ kas priă geh blơi bơh lơgar Lo tơmu\t tăc tàm Lâm Đồng ngai sơlơ uă, tơnơ\ hơ\ lơh pơrlồm mat phan lơh gơs bơh sươn sre Dà Làc dê hơ\ sồng cèng lòt tăc tàm bàr pe drà dờng tàm lơgar.

Nđờ nhai do, broă tam phan bơh hìu bơnhă ồng Trần Văn Thịnh dê tàm sơnah [òn 8, [òn dờng dờng Dà Làc, càr Lâm Đồng sùm pal ko\ng mờ uă ngan kal ke tài bơh khà priă kă bro ală bơta phan lơh gơs bơh sươn sre bè biăp, bùm, kơnuh, plai chi mờ hìu bơnhă ồng dê lơh geh neh gơmù khà priă uă ngan, geh tu\ là pal tăc ờ kas priă ngan gơlơh bè tam pà gời mờ pal ko\ng hoàc hươr uă ngan, ờ geh cồng nha dùl êt lơi.

“Đơs bal là khà priă tăc ờ kas rlau uă ngan, lài do kơ rốt, biăp cải ală bơta, biăp bắp sú tăc bơh 2 tus 3 rbô đong dùl tờm den tu\ do tăc ờ go\ yòm, bè biăp lô lô tu\ do tăc mìng geh 300 đong lơm tàm dùl tờm, tăc ờ kas ngan bè hơ\ mơya kung ờ geh sơl cau kờ` blơi.

Ai bùm tơi lài do den là jơ\t nđờ rbô đong dùl ki\, den tu\ do tăc mìng geh bơh 6 tus 7 rbô đong lơm, geh tu\ là tăc mìng geh 5 rbô đong lơm tàm dùl ki\. Lơh mờ ờ geh cồng mờ gơtìp hoàc hươr tai mơya broă den kung gam pal lơh sơl, tài bơh ờ go\ gi\t lơh broă lơi tai do”.

       Sră blơi phan cih 25 tấn phan lơh gơs bơh sươn sre lơgar Lo dê pa geh tơmu\t rê tàm Lâm Đồng

Ồng Nguyễn Xuân Thiên ơm tàm sơnah [òn 2, [òn dờng Dà Làc, càr Lâm Đồng, ồng là dùl nă cau kă phan tàm drà kă bro phan lơh gơs bơh sươn sre Dà Làc dê pà gi\t, phan lơh gơs bơh sươn sre Dà Làc, càr Lâm Đồng dê tăc gơmù khà priă là tài bơh geh uă phan lơh gơs bơh sươn sre ndrờm bal mơya tăc ờ kas priă ngan geh blơi bơh lơgar Lo geh ală anih kă bro dờng tàm do blơi tơmu\t tàm Lâm Đồng ngai sơlơ uă.

Bulah ờ hềt đơs tus geh bơta blơ\ blac kă bro, tàm pơrlồm tàm kơ`au mat kă bro phan lơh gơs bơh sươn sre hala ờ, mơya jơnau do neh gơlam tus bơta ndrờm bal đah phan lơh gơs mờ jơnau kờ` ngui sa bơh lài tus tu\ do gơtìp lơh aniai te\. Lồi du\t, phan lơh gơs bơh sươn sre bơh tiah do dê neh gơtìp phan lơh gơs bơh sươn sre bơh lơgar Lo dê tam phà jơh tơn, phan geh prăp ơn tàm kơldung, cèng lòt tăc tàm bàr pe drà dờng tàm lơgar ngai sơlơ gơmù te\.

“Bùm gam tăc ờ yòm ngan, geh bal biăp bắp sú, biăp cải kung bè hơ\ sơl ndrờm tăc ờ yòm ngan. Nđờ ngai do, drà tàm đah hơđơm ne ờ go\ geh cau blơi, ờ go\ geh sa dùl êt lơi. Sền bè lài, ngai lơi a` kung dăp phan cèng lòt tăc mơya geh dùl bơta là phan tăc geh yòm sơl halà ờ lơm, dilah cau blơi uă den he lòt tăc uă, ai dilah cau blơi dùl êt den he lòt tăc dùl êt gời. Bơta do pơgăp bơh 3 tus 4 tấn, phan gam wơl là tài bơh lòt tăc ờ hềt geh cau blơi”.

Tu\ do, jơh ală bơta phan lơh gơs bơh sươn sre bơh lơgar Lo dê geh blơi rê tơmu\t tàm Lâm Đồng geh khà priă mìng ndrờm bơh 20 tus 30% pơndrờm mờ phan lơh gơs bơh sươn sre ndrờm bal geh lơh tàm Dà Làc mờ ală tiah gùt dar.

Jơnau do lơh phan lơh gơs bơh sươn sre Dà Làc dê bơh jo\ sùm geh tăc uă ngan tàm drà neh gơtìp ờ pràn tàm pơrlòng pơndrờm mờ phan lơh gơs bơh sươn sre ndrờm bal geh blơi bơh lơgar Lo tàm drà [òn tờm tơn.

Tài bơh ờ jai tàm pơrlòng mờ bùm tơi lơgar Lo dê ờ kas priă rlau, bùm tơi Dà Làc ờ gơtùi tăc yòm den tàng ală cau kă phan tơmu\t jơh tàm hìu prăp phan

Tơngai lài, mpồl lơh broă geh gơnoar bơh càr Lâm Đồng dê kung neh sền go\ bàr pe anih blơi phan lơh gơs bơh sươn sre bơh lơgar Lo dê tơnơ\ hơ\ tàm bơrlu\ bal, ơn tàm kơldung bal mờ phan lơh gơs bơh sươn sre bơh Dà Làc dê tơnơ\ hơ\ cèng lòt tăc tàm ală drà tàm lơgar.

Bơta lơh pơrlồm mat kă bro, ờ loh làng bè anih tờm lơh gơlik neh lơh gơrềng ờ niam ngan tus mat kă bro bơh phan lơh gơs bơh sươn sre Dà Làc dê, aniai uă ngan tus broă lơh sa mờ rài kis phan bơna bơh cau lơh broă sa Dà Làc dê.

Tàm dơ\ Pơrjum sền wơl broă lơh sa- mpồl bơtiàn 6 nhai bồ nam do bơh càr Lâm Đồng dê, ồng Đoàn Văn Việt, Chủ tịch UBND càr Lâm Đồng đơs là, broă phan lơh gơs bơh sươn sre Dà Làc dê ờ jai tàm pơrlòng tơn tàm drà tàm [òn tờm là jơnau ờ gơtùi dờp ngan, den tàng bè hơ\, ală anih lơh broă geh gơnoar bơh càr pal mhar geh gùng dà broă lơh nàng kơryan jơnau do.

“Tàm tơngai rềp ndo, phan kă bro phan lơh gơs bơh sươn sre Lâm Đồng dê gơtìp ờ jai tơn tàm drà [òn tờm. Hơ\ là tài bơh phan lơh gơs bơh sươn sre lơgar Lo dê blơi rê tơmu\t tàm ală tiah bơh càr Lâm Đồng dê tơnơ\ hơ\ tam gơl gơ gơs là phan bơh Dà Làc, phan bơh Lâm Đồng mờ tăc bal mờ khà priă ờ kas rlau.

Do là broă gơrềng aniai uă ngan tus broă lơh sa mờ rài kis bơh cau lơh broă sa dê den tàng a` neh sồr Sở Công thương, Sở Nông nghiệp mờ Phát triển nông thôn kờp sền wơl mờ dan mờ càr nàng bol he geh ală gùng dà broă lơh bơsong broă do, ờ go\ di lời gơlik jơnau geh ngan do pơn jat tai”.

Cau mblàng Lơ Mu K’Yến