VOV4.K’ho - Drim òr (12/11), Bộ Khoa học mờ Công nghệ bơyai lơh dờp sră cih ing rài lài do lơgar Việt Nam.

Phó Thủ tướng ồng Vũ Đức Đam neh tus pơrjum. Tàm tơngu me jơnau dan bơh mpồl Khoa học Lịch sử Việt Nam dê, Ban Bí thư Đảng dà lơgar neh geh sră nggal jào Bộ Khoa học mờ Công nghệ đơng lam k^ mờ bơyai lơh jăt rơndăp broă kơlôi sơnơng, sền sơwì pang sră cih rài lài do lơgar Việt Nam.

Broă lơh jăt broă kơlôi sơnơng, sền sơwì geh lơh bơh nam 2015, lơh gơs nam 2020 jăt tơngai geh ai, gàr bơta niam mờ nùs nhơm ring bal bơh sră cih rài dà lơgar.

Tus bal rơndăp broă lơh geh mờr 300 nă cau jăk chài gơwèt ală anih lơh broă kơlôi sơnơng mờ bơto lịch sử tàm gùt lơgar. Pang sră cih rài lài do lơgar Việt Nam cih geh 25 tăp mờ lơ-u\t rơlao 100 rơbô pang.

Cau mblàng Ndong Brawl