VOV4.K’ho- Geh crơng gơs bơh nam 2009 tàm [òn dờng Hồ Chí Minh, tơnơ\ rlau 8 nam crơng gơs mờ bơtàu tơnguh, phơng sih Đồng tiền vàng gơ wèt Công ty Trách nhiệm hữu hạn Sản xuất mờ Thương mại Thuận Nông Phát neh rề ơnàng drà kă bro tàm 20 càr mờ [òn dờng tàm tiah ring dà dờng Cửu Long mờ 5 càr Tây Nguyên. Cồng nha bơh mpồl lơh sa kă bro dê lơh geh tàm drà càr Daknông là dùl jơnau ai lơh pơnyơu.

Hìu bơnhă bi Trần Thị Hoa, [òn Hà Nam Ninh, xã Dak Môl, kơnhoàl Dak Song, càr Daknông geh 3 lồ kơphê mờ 2 rbô tờm tiêu gam ai tơnhàu. Bi Hoa pà gi\t, nam lài, bi geh lòt cribơyai “ngui phơng sih di pal nàng bơtàu tơnguh tờm tiêu, kơphê kơ\ kơl jăp”, tàm hơ\ geh bơta geh mat bơh phơng sih đồng tiền vàng bơh Công ty Trách nhiệm hữu hạn Sản xuất mờ Thương mại Thuận Nông Phát dê.

 Tơnơ\ rlau dùl nam pin dờn ngui phan bơna đồng tiền vàng dê, bulah khà priă tiêu nam do gơmù uă ngan, mơya sươn tiêu hìu bi Hoa dê kung gam lơh geh pơgăp 300 tơlak priă sơl tơnơ\ tu\ kờp jơh priă tă bơcri, tài bơh cồng nha lơh geh uă ngan. Bi Hoa pà gi\t:

“Bơh lài tus tu\ do, hìu bơnhă a` ngui uă ngan bơta phơng mơya bơh tu\ đah đại lý rê cribơyai phơng sih bơh Thuận Nông Phát dê den geh ală bi kỹ sư bơto pơlam bè bơta chài ơn phơng mờ ngui phơng, den tàng a` kung tơrlòng ngui sơl, tus tu\ do neh rlau 1 nam den a` sền go\ cồng nha kung niam ngan sơl mờ a` kung gam pin dờn nàng ngui bơta phơng do.

Tơnơ\ tu\ ngui phơng do a` sền go\ là ntê ro den dùl êt te\, kis dờng niam rlau, ờ gơtìp ồm plai den tàng a` pin dờn ngan tàm bơta phơng sih do”.

Tàm càr Daknông, mat kă bro phơng sih đồng tiền vàng neh geh tăc tàm rlau 60 đại lý tàm 7 kơnhoàl, thị xã bal mờ khà ngui rlau 2000 tấn phan bơna pah nam. Bal mờ broă kă bro bơta phan phơng sih ai ală đại lý in, Công ty Thuận Nông Phát gam ai ală cau lơh broă sa geh bă ù tam phan dờng, ală hìu ờ geh priă bơcri tàm broă lơh sa, geh tơm priă blơi phơng tơnơ\ kàl tơnhàu.

Bi Chu Kim Lân, cau atbồ đại lý cấp 1 bơh phơng sih đồng tiền vàng tàm [òn Đức Tân, xã Đức Mạnh, kơnhoàl Dak Mil, càr Daknông, đơs bè do:

“Tu\ công ty jào phan ai he in den sùm geh sră kă bro phan pơrhê mờ sră ai gơnoar lơh sa kă bro. Bol a` sùm ai bơngă mờ bơta niam phơng sih là dờng màng ngan rlau jơh.

Bol a` geh ai làng bol in rê ngui tơrlòng lài phan bơna, dilah tơnơ\ dùl tu\ tơngai cồng nha ờ niam halà geh bơta lơi gơlik tus mờ tờm chi tam den bol a` să tờm lòt tus tơn nàng sền mờ ko\ng jơh kơnòl mờ phơng sih tăc mờ cau lơh broă sa in, den tàng làng bol iang nùs ngan. Tus tơngai do ờ hềt geh ală jơnau đơs wơl ờ niam lơi bơh đah làng bol… ”.

Mờ broă ai bơngă lơh sa kă bro là dờng màng ngan rlau jơh, phơng sih đồng tiền vàng neh ngai sơlơ lơh geh bơta pin dờn bơh làng bol dê bơh bơta niam phan bơna bơh he dê tơn. Tu\ do, tàm xã Đức Minh, kơnhoàl Dak Mil, geh tus rlau 1300 hìu làng bol ngui phơng sih đồng tiền vàng nàng bơtàu tơnguh tờm tiêu mờ kơphê.

Ồng Trần Quang Thuận, Kuang atbồ Mpồl cau lơh broă sa xã Đức Minh, đơs bè do:

“Đồng tiền vàng tus mờ làng bol xã Đức Minh den pa ngan, mơya làng bol neh kòn phơng sih do. Kơ\p kờn là đồng tiền vàng sùm gàr bơngă lơh geh bơta niam, lơh bè lơi nàng làng bol pin dờn bơh nam do tus nam ndai, ngui uă nam mơya làng bol kung gi\t geh đồng tiền vàng là phơng sih niam”.

Ồng Mai Trung Hạnh- Cau gròi sền lơh sa kă bro tiah Tây Nguyên gơ wèt Công ty Trách nhiệm hữu hạn Sản xuất mờ Thương mại Thuận Nông Phát pà gi\t, tơnơ\ rlau 7 nam bơtàu tơnguh tàm tiah Tây Nguyên, phơng sih đồng tiền vàng neh geh uă broă lơh ngan nàng ngai sơlơ lơh gơs niam rlau bè bơta niam phan bơna kờn drơng làng bol in bơtàu tơnguh ală tờm chi tam kuơmàng.

Công ty kung geh gam pơn jat tai bơyai lơh cribơyai bè phan bơna phơng sih nàng làng bol in gơtùi đơs mờ pin dờn. Bơdìh hơ\ tai, Công ty Trách nhiệm hữu hạn Sản xuất mờ Thương mại Thuận Nông Phát geh pơgồp bal niam mờ ală kơnă mpồl cau, ală trung tâm dong kờl bơto pơlam lơh broă sa sươn sre xã, kơnhoàl nàng geh bơta lơh bal niam bơne\ đah cau lơh broă sa- mpồl lơh sa kă bro mờ cau atbồ nàng geh ală broă lơh dipal, di tu\ tàm bơtàu tơnguh tờm chi tam kơ\ kơl jăp.

Ồng Mai Trung Hạnh, đơs ngan bè do:

“Mờ gùng dà ngai sơlơ bơtàu tơnguh den uă công ty phơng sih pa crơng gơs, công ty ai nùs nhơm là dờng màng ngan rlau jơh nàng drơng niam rlau ai làng bol in. Tàm tơngai tus, công ty kung geh bơtàu tơnguh tai bàr pe bơta phan bơna krơi is nàng ngui is ai bàr pe bơta chi tam jat trồ tiah mờ jat kơnhoàl ù tiah ngan ngồn in, tu\ hơ\ den làng bol gơtùi iang nùs rlau bè bơta sơngka sền gàr chi tam mờ phơng sih.

 Mờ jơnau đơs bơh công ty dê là “tam pà bal bơta dà kơlhề bơta pràn- tơnguh jơnhoa khà priă” den công ty geh lơh ngan jơh nùs jơh pràn nàng bal mờ làng bol lơh rài lơh broă sa bơtàu tơnguh”!

Cau cih mờ yal tơngi\t- Lơ Mu K’ Yến