VOV4.K’ho- Ngai 15/11, tàm Anih tờm lơh broă Ơruh pơnu kơnòm pa tàu mờ kơnòm dềt càr, Tỉnh đoàn Dak Nông neh bơyai lơh tơn jơh Poh Niam chài- Tàp pràn să jan ơruh pơnu kơnòm pa tàu mờ kơnòm dềt  ală jơi bơtìan kòn cau càr Dak Nông dơ\ 15. Geh lơh bơh ngai 11 tus ngai 15/11, broă lơh neh gơ hòi gơ jà  rlau 600 nă cau pơr lòng tus bơh hìu bơsram tàm ù tiah càr dê mờ mpồl gơ wèt càr tus bal pơr lòng tàm ală tơngume: nhơl phan nhơl bơh yau, wăc sềr rùp, cầu lông, Coh plai tơr nò iar, Aerobic, mblàng yal jơnau đơs crih kăc màng…

Poh Niam chài- Tàp pràn să jan ơruh pơnu kơnòm pa tàu mờ kơnòm dềt càr Dak Nông dơ\ 11

Poh niam chài- Tàp pràn să jan ơruh pơnu kơnòm pa tàu mờ kơnòm dềt ală jơi bơtìan kòn cau càr Dak Nông là broă lơh niam chài, đơs crih tam ya, tàp pràn să jan geh kuơ, nàng kờ` tơnguh ua\ rài kis niam chài nùs nhơm, lơh geh anih nhơl niam ai đoàn viên, ơruh pơnu kơnòm pa tàu mờ kơnòm dềt in. Do kung là broă lơh geh ngan gờm chờ 38 nam Ngai cau Pơgru Việt Nam 20/11 dê in.

Cau mblàng K’ Hạnh