VOV4.K’ho- “Poh bơyai lơh chờ tam klăc dờng ală jơi bơtìan- Phan lời wơl niam chài Việt Nam” geh lơh bơh ngai 16 tus ngai 23/11/2020 tàm {òn Niam chài- Nhơl chờ w ală jơi bơtìan Việt Nam ( Đông Mô, Sơn Tây, Hà Nội). Tàm do, uă ngan broă lơh lòt mpồl bơtìan, jơnau đơs pơn đick, tam ya, phan sa, phan soh, bơhìan bơh yau mpồl bơtìan ală jơi bơtìan kòn cau tiah đah Tô mat tơngai lik, tiah đah Tô mat tơngai mut, tiah đah Tô tàm gùl lơgar mờ Tây Nguyên geh lơh tơngo\ wơl tàm ù tiah ală [òn jơi bơtìan kòn cau dê.

Ala mat Mpồl bơyai lơh pà g^t, bơh ală broă lơh bơh poh bơyai lơh chờ “ Tam klăc dờng ală jơi bơtìan- Phan lời wơh niam chài Việt Nam” neh pơ gồp bơnah tơr gùm wơl, tàm klăc bal tơl rơ nàng làng bol, lơh kah rơ ngăl wơl nùs nhơm kờ` gơ boh dà lơgar, nùs nhơm pơn iờ să, sền dờng màng jơi bơtìan kòn cau dê ngan ngồn chờ gờm 90 nam Ngai bơhìan Mặt trận Dà lơgar Việt Nam; chờ gờm cồng nha Pơrjum dờng Đảng ală kấp wèt tus Pơrjum dờng dơ\ 13 bơh Đảng dê; tơngkah kir sơn rai 75 nam Ngai Phan lời wơl Niam chài Việt Nam dê.

                                                           Ù tiah Tây nguyên tàm {òn niam chài

Jat hơ\, tàm poh bơyai lơh chờ Tam klăc dờng ală jơi bơtìan- Phan lơi wơl Niam chài Việt Nam geh lơh uă broă lơh niam chài, đơs crih tam ya niam ngan bè Ràng tơlik rùp mờ ală tơngume “ 90 nam gùng lòt kuơ màng bơh Mặt trận Dà lơgar Việt Nam dê” mờ “ Bơta niam phan lời wơl niam chài tàm Hìu ơm bal” mờ ală rùp hin nàng ràng tơlik wơl dùl  bă niam ngan, geh ngan broă lơh bơt bơtàu, bơtàu tơnguh bơh Mặt trận Dà lơgar Việt Nam dê; ală bơta tă pơgồp bơh Mặt trận Dà lơgar Việt Nam dê tàm broă lơh sền gàr, bơt bơtàu mờ bơtàu tơnguh dà lơgar; jờng rơ bơta pràn tam klăc dờng gùt jơi bơtìan, bơhìan tam klăc bal, tam pà bal, dong kờl bal mờ gơ\p tàm mpồl bơtìan; yal tơng^t bơta niam chài bơh mpồl bơtìan 54 jơi bơtìan dê; prap gàr, sền gàr, ngui niam ală bơta kuơ niam chài bơh yau tàm rài mut gơ rờm bal dunia.

                                                                              Dơ\ lơh duh khoai

Tàm Poh bơyai lơh chờ tam klăc dờng ală jơi bơtìan- Phan lời wơl niam chài Việt Nam nam 2020, dơ\ sơn rờp, Mpồl bơyai lơh lơh broă tam 90 tờm chi sa plai tàm {òn Niam chài- Nhơl chờ ală jơi bơtìan kòn cau Việt Nam, crơng gơs Sươn chi Tam klăc dờng ală jơi bơtìan kòn cau. Digơlan broă lơh geh gàr niam sùm mờ lơh jat sùm tàm ală nam pơn jat tai.

Broă lơh ràng tơlik ù tiah Đờn ca tài tử- Phan lời wơl Niam chài ờ di phan bơna bơh Việt Nam dê mờ yal phan sa bơh tiah đah Jum dà lơgar dê nàng kờ` yal tơng^t phan sa bơkah krơi is, ală bơta [a` bơh yau bơh tiah đah Jum mat tơngai mut dà lơgar dê; ràng tơlik 2,3 bơta đơs crih niam krơi is bơh tiah đah Jum mat tơngai mut dà lơgar dê, ngan là ù tiah Đờn ca tài tử- Phan lời wơl Niam chài ờ di phan bơna Việt Nam dê; yal phan bơna nhơl chờ bơh ală tiah dê bè Cần Thơ, Long An, Bến Tre…

Tàm tơngume broă lơh, 2,3 broă lơh geh bơyai lơh: pơrjum cribơyai “ Ngui niam gơnoar broă bơh cau pơn rơ jak tàm broă bơt bơtàu mpồl tam klăc dờng mờ sền gàr bơta kuơ niam chài jơi bơtìan dê”, tìp mat lơh kuèng niam chài yal tơng^t ală phan bơna niam chài, nhơl chờ broă lơh bơh yau bơh 2,3 càr, [òn dờng, ràng tơlik, jơnau đơs pơn đick, tam ya, yal tơng^t bơta niam chài, ù tiah niam bơne\, nhơl chờ, ală phan bơna nhơl chờ krơi is bơh càr Ninh Thuận dê, ngan là broă lơh Bơta niam chài jơi bơtìan làng bol kòn cau Prum mờ ràng tơlik wơl dơ\ lơh chờ Katê- Phan lời wơl niam chài ờ di phan bơna bơh làng bol jơi bơtìan kòn cau Prum, càr Ninh Thuận dê.

Kung tàm dơ\ do sơl, uă broă lơh lòt mpồl bơtìan, đơs pơn đick, tam ya, phan sa, phan soh, bơhìan bơh yau bơh mpồl bơtìan kòn cau tiah đah Tô mat tơngai mut, tiah đah Tô mat tơngai lik, tiah đah Tô tàm gùl lơgar mờ Tây Nguyên geh lơh tơngo\ wơl tàm ù tiah ală [òn jơi bơtìan kòn cau dê nàng năc mờ cau ala mat tus bal in sền g^t.

Quốc Học jat TTXVN- Cau mblàng K’ Hạnh