VOV4.K’ho– Tàm càr Lâm Đồng geh lơh pơrjum bơta lơhă bic mpồl ASEAN dơ\ 5 mờ pơrjum Y học bơta lơhă bic tiah châu Á dơ\ 1 nam 2019. Pơrjum bơta lơhă bic mpồl ASEAN dơ\ 5 mờ pơrjum Y học bơta lơhă bic tiah châu Á dơ\ 1 nam 2019 là tu\ niam nàng ală cau jak chài, cau kơ lôi sơ nơng bơh ală lơgar tàm dunia, tàm tiah Đông Nam Á, mpồl y bác sĩ Việt Nam cribơyai, bơsram nàng bơtàu tơnguh y học bơta lơhă bic mờ pơn jờng tơl nă cau tus bal.

Pơrjum kung là tu\ niam nàng lơh broă bal đah ală lơgar tàm gah y học nàng kờ` pơgồp bơnah tơnguh bơta chài git wă, mờng chài lơh broă. Tàm hơ\, ală kuang bàng tơr gùm cribơyai ală tơngume bè: bic ndar mờ gơguh mhàm; broă ngui sơnơm tu\ bic, ờ gam tă nhơm mờ kòl gùng tă nhơm tu\ bic mờ kòp bè gùng plai nùs; ală broă lơh pa tàm broă sơm bic ndar; ờ lơhă bic tàm cau dờng sơnam.

Cau mblàng K’Duẩn