VOV4.K’ho - Drim òr (21/10), ala măt mpồl coh plai lơgar Việt Nam, Anih jơnau đơs Việt Nam neh geh dơ\ lơh broă mờ kuang bàng đơng lam ală sở, gah lơh broă tàm càr Dak Lak bè broă bơyai lơh pơrlòng coh plai Futsal HDBank dà lơgar nam 2020.

               Ồng Trần Minh Hùng pà ào lời kir ala măt kuang đơng lam UBND càr Dak Lak in

Pơrlòng nam do geh bơyai lơh tàm hìu tàp pràn să jan càr Dak Lak, di gơlan geh sơn đờm mu\t lơh tàm ngai 15 nhai 11.

Tàm dơ\ lơh broă, ồng Trần Minh Hùng, Phó kuang atbồ Anih jơnau đơs Việt Nam, kuang atbồ mpồl đơng lam pơrlòng Futsal HDBank dà lơgar nam 2020 pà g^t, geh bơh broă kờ` sền bơh ală dơ\ pơrlòng tàp pràn să jan geh bơta niam uă làng bol kis tàm ală càr Tây Nguyên đơs bal mờ càr Dak Lak đơs is, broă ring bal bơh mpồl coh plai lơgar Việt Nam, UBND càr Dak Lak, mpồl bơyai lơh ring bal ai dơ\ pơrlòng coh plai geh bơyai lơh tàm [òn dờng Buôn Ma Thuột, càr Dak Lak.

Pơrlòng coh plai Futsal HDBank dà lơgar nam do geh 11 mpồl tus bal là: Cao Bằng, Quảng Nam, Đà Nẵng, Sanatech, Sahako, Sana Khánh Hòa, Sài Gòn FC, Thái Sơn Nam, Thái Sơn Bắc, Vietfootball mờ mpồl coh plai Hưng Gia Khang Dak Lak.

Cau mblàng Ndong Brawl