VOV4.K’ho – Kờp tus 7 jơ drim ngai 24/3, khà cau gơtìp tam cah is tàm ală càr Tây Nguyên neh gơmù ua\, tơnơ\ tu\ gùt lơgar lơh jat broă tam cah is ală cau rê bơh tiah geh kòp bơh tàm mpồng nhàr dà lơgar tơn.

Ală cau pin neh geh ai mẫu nàng pơyua lơh xét nghiệm jat di mờ jơnau sồr. Gùt tiah Tây Nguyên ờ hềt git go\ cau lơi bơ tờp virus SARS-CoV2. Càr Dak Lak tu\ do mìng gam 10 nă cau geh tam cah is tàm hìu sơnơm, 16 nă cau tam cah is tơr gùm bal, 33 nă cau tam cah is tàm hìu. Ală khà do mìng ndrờm 1/ 4 pơn drờm mờ poh lài.

Neh geh 241 nă cau tàm Dak Lak lơh gơs broă tam cah is, sền gròi tàm gah lơh sơnơm jat jơnau sồr. Tàm Dak Nông, tus drim ngai 24/3, mìng gam 4 tàm khà 42 nă cau pal tam cah is tàm hìu sơnơm, 72 tàm 140 nă cau tam cah is tơr gùm bal, 138 tàm 204 nă cau tam cah is, sền gròi tàm hìu mờ tàm anih ơm kis. Tàm Lâm Đồng, tàm khà 16 nă cau geh tam cah is tàm hìu sơnơm gơ wèt cau F1, geh 14 nă cau neh jơh tơngai sền gròi tam cah is.

Cau mblàng K’Duẩn