VOV4.K’ho- Bộ Y tế pa bơyai lơh Pơrjum pờ tơlik tơn tàm internet sơnđờm lơh mờ ki\ hơ jơnau ring bal lam lơh rơndăp broă lơh Bơcri priă lơh mờ bơtàu tơnguh ală anih lơh sơnơm kơnă hơđơm. Broă lơh tờm bơh Rơndăp broă lơh dê là bơcri priă lơh phan bơna, tàm hơ\ geh broă lơh pa 138 hìu sơnơm xã mờ lơh niam wơl 325 hìu sơnơm xã, lơh niam wơl 12 hìu sơnơm kơnhoàl gơ wèt 13 càr tus bal lơh rơndăp broă lơh.

Tàm pơrjum, Kuang ătbồ ing Bộ trưởng Bộ Y tế ồng Nguyễn Thanh Long đơs sùm, broă lam lơh Rơndăp broă lơh geh gơn kơnờm geh dong tam gơl pa ală anih lơh sơnơm, lơh jăt dùl ròt bal ală broă lơh mờ lơh gơs ală rơndăp bơnah lơh gơs bơtàu tơnguh broă lơh ală anih lơh sơnơm kơnă hơđơm tàm tơngai bơh nam 2020- 2024 pơgồp bơnah uă ngan tàm broă lơh sền gàr, dong kờl mờ tơnguh uă pràn kơldang să jan làng bol in. Kờp jơh priă Rơndăp broă lơh là rlau 126 tơlak dolar Mỹ. Tàm hơ\, priă càn Ngân hàng Dunia là 80 tơlak dolar Mỹ, priă dong kờl ờ tơm wơl là 25 tơlak dolar Mỹ, priă càn là rlau 21 tơlak dolar Mỹ.

Cau mblàng Lơ Mu K’Yến