VOV4.K’ho- Mpồl kuang bàng jak chài bơh UNESCO dê neh pa tơn jơh dơ\ sền kờ` g^t Công viên địa chất Dak Nông. Cồng nha sền geh yal tàm dơ\ pơrjum Công viên địa chất Châu Á Thái Bình Dương bơh UNESCO bơyai lơh tàm lơgar Indonesia nhai 9 tus do. Tơnơ\ hơ\, Mpồl duh broă UNESCO geh bơyai lơh pơrjum, sền wơl hơ\ sồng lơh nền dờp sră mat sơn đan Công viên địa chất gùt plai ù tàm nhai 4 nam 2020. Den tàng bè hơ\, dờp sơn rờp bơh mpồl sền sơ wì dơ\ do là mbè lơi?

Mò Tôn Thị Ngọc Hạnh - Phó Chủ tịch UBND càr, Kuang atbồ Mpồl atbồ  Công  viên địa chất Dak Nông, yal bè ală bơta sền g^t pa, niam ngan tàm dơ\ sền sơ wì do.

-Ơ mò, tàm ală ngai pa do, Mpồl kuang bàng jak chài bơh UNESCO dê neh tơn jơh broă sền kờ` g^t Công viên địa chất Dak Nông. Dan mò pà g^t broă sền geh mut lơh mbè lơi?

Mò Tôn Thị Ngọc Hạnh: Công viên Địa chất Dak Nông neh tong sră nggal tus mpồl UNESCO dan dờp sră Mat sơn đan Công viên địa chất gùt plai ù tàm lồi nhai 11 nam 2018. Bơh broă sền sră nggal, mpồl UNESCO neh ai 2 nă kuang bàng jak chài bè Công viên địa chất gùt plai ù tus Công viên địa chất Dak Nông nàng sền ù tiah. Mpồl sền neh geh sền g^t 3 tiah nhơl chờ pơn rơ ngan mờ uă ngan bơta niam krơi is, tàm tơrbo\ bal mờ ală bơta kuơ phan lời wơl kah yau ù tiah dê, bơta niam chài rơgơi mờ bơta niam geh is bơh tiah do dê.

        Sền g^t ală rơgồng bơnơm ồs tàm lu\ bazan jòng ngan rlau jơh tiah đah Jum mat tơngai lik châu Á

Gơl gùng 1 mờ tơngume “ Jơnau đơs jòng bơh ồs mờ dà” là gùng lòt sền g^t ală bơta kuơ pơn rơ ngan.

Bơdìh ală bơnơm dờng ơning ơnàng mờ ală `rùh dà niam ngan, sền g^t ală rơgồng bơnơm ồs tàm lu\ bazan niam bơne\ jòng ngan rlau jơh tiah đah jum mat tơngai lik châu Á dê mờ bàr pe rơgồng gam prap ală phan lời wơl  kah yau ơm kis bơh cau yau dê.

        Jơnau ntas bơh plai ù- gơl gùng nhơl chờ sền g^t bơh mpồl sền sơ wì Công viên địa chất Dak Nông dê

Gơl gùng 2 mờ tơngume “Jơnau đơs bơh càl khồm pa”. Do là gùng lòt rê wơl hơ tiah tờm, tiah prap gàr ală bơta kuơ niam chài rơgơi bơh làng bol kòn cau M’nông, Rơđê dê, bè: jơnau yal yau, bơta niam dròng cing mồng, tà` ồi kòn cau, tà` sơ\, sah bơh yau… mờ ală phan lời wơl kah yau bơh yau tàm rài tam dră mờ bol sò tơm lơgar Tây mờ Mỹ dê.

 “Jơnau ntas bơh plai ù” là sơn đan mat bơh gơl gùng dơ\ 3 dê, cèng tus ai mpồl sền in ală bơta sền g^t bè brê bơnơm niam geh is bè: tơnau Tà Đùng, `rùh dà granit, tiah dơm chi gơs lu\... mờ iăt ală phan teh kòn cau bơh yau bơh jơi bơtìan kòn cau dê tàm hìu ràng tơlik ală phan teh kòn cau bơh yau, cing mồng kòn cau Mạ dê, Hìu ràng tơlik jơnau đơs crih” .

-Ơ mò, cồng nha dơ\ lòt sền do bơh Mpồl kuang bàng jak chài UNESCO dê geh bơta kuơ màng mbè lơi gơ wèt mờ Công viên địa chất Dak Nông dê tàih?

Mò Tôn Thị Ngọc Hạnh: Dơ\ lòt sền ngan ngồn ù tiah bơh ală kuang bàng jak chài UNESCO dê ờ mìng là dùl bơnah sồr pal lơh ngan, kuơ màng tàm broă sền rơ wah sră nggal dan mut tàm broă lơh công viên địa chất gùt plai ù bơh Công viên địa chất Dak Nông dê, mờ do gam là dơ\ nàng Công viên địa chất Dak Nông in geh iăt ală jơnau tơngkah, jơnau tă pơgồp kuơ màng ngan mờ geh kuơ ngan tàm broă prap gàr, ngui niam ală bơta kuơ phan lời wơl kah yau tàm tiah công viên địa chất dê.

Do kung là tu\ tơngai niam nàng Công viên địa chất Dak Nông in tàm tơrbo\ rề ơnàng bơta g^t gơ\p lơh bơyô bal mờ ală công viên địa chất oh mi dê, tàm hìu bơnhă Công viên địa chất gùt plai ù UNESCO.

           Ta` sơ\ sah- broă lơh bơh yau bơh làng bol kòn cau tàm tiah do dê tàm Công viên địa chất Dak Nông

Tơnơ\ 3 ngai sền g^t, mpồl kuang bàng jak chài neh cribơyai mờ ai điểm loh làng broă lơh bơh UNESCO dê, bol a` kung pal mblàng yal mờ lơh loh rlau tai ală bơta lơi mờ khi ờ hềt g^t. Mpồl kuang bàng đơs niam ngan broă rcang lài, bơta lơh ngan bơh tiah do dê.

Bơh sơn rờp, mpồl kuang bàng jak chài neh geh jơnau đơs bol he neh lơh di pal bơh sơn rờp ală jơnau kờ` mờ mpồl kuang bàng jak chài kung neh geh ală jơnau tă pơgồp, tơngkah bàr pe tơngume sơl.

                   Ồi kòn cau- phan bơna tờm bơh Công viên địa chất Dak Nông dê

Tơnơ\ tu\ Mpồl kuang bàng jak chài rê wơl geh ală jơnau yal ngan ngồn mờ mùl màl. Do mìng là cồng nha bơh sơn rờp lơm gời nàng khi in geh jơnau yal geh yal tàm dơ\ pơrjum công viên địa chất gùt plai ù UNESCO dê tàm nhai 9 nam 2019 tus do tàm lơgar Indonesia, yal mờ mpồl dong broă Công viên địa chất gùt plai ù dê nàng cribơyai, sền. Tus nhai 4 nam 2020 hơ\ sồng geh cồng nha.

-Nàng geh cồng nha sền niam ngan rlau jơh, dan mò pà g^t ală broă lơh ngan bơh càr dê tàm broă prap gàr, ngui niam ală bơta kuơ bơh Công viên địa chất Dak Nông dê.

Mò Tôn Thị Ngọc Hạnh: Tơngai pa do, Mpồl atbồ Công viên địa chất Dak Nông neh pơgồp bal mờ ală sở, gah sơnah lơh broă mờ ală tiah nàng lơh uă dơ\ mblàng yal, bơto pơlam, tơnguh uă bơta g^t wă bè phan lời wơl kah yau địa chất mờ Công viên địa chất dê, broă sền gàr, ngui niam bơta kuơ phan lời wơl kah yau tus mờ làng bol, kuơ màng là rơnàng ơruh pơnu mờ kơnòm pa tàu.

           Mò Tôn Thị Ngọc Hạnh - Phó Chủ tịch UBND càr, Kuang atbồ Mpồl atbồ Công  viên địa chất Dak Nông

Kuơ màng bơh nam 2018 tus tu\ do, Mpồl atbồ neh pơgồp bal mờ ală tiah, hìu bơsram nàng bơyai lơh ală dơ\ lòt sền tàm tiah Công viên địa chất ai làng bol tàm ală tiah in, bơh hơ\ dong khi in g^t uă rlau tai broă bơtàu tơnguh Công viên địa chất dùl bă tơl làm.

Bơh hơ\, geh gùng dà broă lơh, pơn jờng mpồl bơtìan ală tiah bơt bơtàu ală broă lơh bơtàu tơnguh nhơl chờ kơ\ kơl jap, crơng gơs ală phan bơna nhơl chờ pơn rơ nàng kờ` yal tơng^t rùp să Công viên địa chất Dak Nông dê tus mờ gơ\p bơyô tàm lơgar mờ tàm dunnia.

-Ơi, dan ưn ngài mò uă ngan!

Cau mblàng K’Hạnh