Tàm hơ\, dùl broă kuơ màng gam geh gah lơh sơnơm lơh jăt là tơmù uă ngan kòp covid-19 lơh gơtòp tus mờ ală cau gơtìp kòp jo\ jòng. Do là ală cau di gơlan gơbàn chơ\t uă ngan di lah gơtòp kòp Covid-19.

Jăt ală cau jăk chài gah lơh sơnơm yal, geh uă cau kòp gơtòp kòp Covid-19 gơtìp chơ\t tàm lơgar Lo là ală cau kra, bơta pràn kơl dang să jan ờ pràn ha là cau gơtìp gơtòp jơi pa bơh virus covid-19 tàm bơta kòp jo\ nam.

Gam tàm lơgar Việt Nam, tàm khà ală cau gơtìp kòp Covid-19 geh dờp tàm lơgar he, geh 1 nă cau kòp jroă pal sơm kòp jo\ rơlao, hơ\ là cau kòp sơnrờp ngan, cau bơh [òn dờng Vũ Hán, lơgar Lo, 66 sơnam. Do kung là cau kòp gơtìp uă kòp jo\ nam bè kòp đồm sơdàng tuýp 2, as klờm soh, kòp tàm gùng mhàm mờ neh geh ơm stent.

Den tàng, bơh mùl màl gam sơm kòp uă cau gơtìp kòp jo\ nam, hìu sơnơm E neh bơto sồr cau kòp pơn chèo, sùm rào tê mờ sơ[ong mờ bơh tàm ală ngai sơnrờp neh geh tam cah is cau kòp geh pin gơtòp kòp Covid-19 kờ` ba` gơtòp virus tàm hìu sơnơm. Giáo sư Lê Ngọc Thành, kuang atbồ hìu sơnơm E pà g^t:

-Bol a` geh 4 nă cau. Tàm mang ngai 30 satềp geh 1 nă cau bơh Đài Loan tus, bol a` neh tam cah is tơn bơh sơnrờp tơn. Tơnơ\ mờ hơ\, là 1 nă klao pơnu mờng lòt jào phan kă bro, tìp mờ uă cau lơgar Lo mờ ală cau gam tai tìp mờ cau bơh tiah gơtìp kòp rê tus.

Bol a` geh lùp gùng lòt bal mờ tơngai lơh broă bơh cau kòp bơh tàm anih kham lài ngan tơn. Do là hìu sơnơm gơl dơ\ 2, den tàng bol a` sùm rơcang dờp sơm kòp cau kòp covid-19 tu\ hìu sơnơm Nhiệt đới Dà lơgar neh jơh jơnờng piam kòp.

Kung là hìu sơnơm mìng sơm kòp cau kòp jo\ nam bè kòp đồm sơdàng, kòp tuyến giáp… Hìu sơnơm Nội tiết Dà lơgar neh rơcang lơh uă broă ờ lời kòp Covid-19 gơtìp.

Bơh loa pờ tơl^k jơnau đơs bơto sồr cau kòp rơcang sơndră mờ kòp, hìu sơnơm neh bơto cau lơh broă lơh jăt nền nòn broă lơh phan kòp, lơh kloh phan lơh broă lơh sơnơm mờ sền gàr niam să tòm tàm broă lơh, kờ` ba` lơh gơtòp tus mờ cau ndai tàm hìu sơnơm. Tiến sĩ Phan Hướng Dương, Phó kuang atbồ hìu sơnơm Nội tiết Dà lơgar yal:

-Pal gàr niam ờ do ờ dă ai ală cau kòp in, cau hìu nhă cau kòp ờ gơtìp kòp Covid-19, go\ di tu\ cau kòp geh pin kờ` ba` gơtòp kòp tus mờ cau ndai, bơh tàm anih kham, bol a` neh bơyai lơh was bơta duh să jan.

Pơn jăt mờ hơ\, di lah cau hìu nhă cau kòp ha là cau kòp gơtìp duh să geh jun tus 2 anih kham tam cah is. Mờ gàr niam ờ do ờ dă cau lơh broă in, ờ gơtìp kòp tàm broă kham sơm kòp cau kòp in.

Bu\ lah kòp Covid-19 tàm lơgar he gam geh sền gròi niam, mơya mờ nùs nhơm rơcang lài sơndră mờ ală bơta ờ niam di gơlan gơbàn, Bộ Y tế neh tam cah is broă sơm kòp mùl màl mờ rơcang ală gùng dà broă lơh bè kuang bàng, cau lơh broă, phan lơh broă, drơng sơm kòp.

Phó Giáo sư, Tiến sĩ Lương Ngọc Khuê, kunag atbồ đah kham mờ sơm kòp gơwèt Bộ Y tế đơs là:

-Gơwèt mờ cau kòp jroă gơtìp kòp do tai den tàm tơngai sơnrờp jun tus ală hìu sơnơm dờng tàm 3 tiah. Dơ\ bàr là ală hìu sơnơm càr kung pal rơcang 3 tiah sơl, tàm hơ\ geh tiah tam cah is ală cau kòp geh pin gơbàn kòp, kơ\p sền mhàm, tiah sơm kòp cau kòp ờ jroă mờ tiah sơm kòp cau kòp jroă.

Tàm kơnhoàl den lơh gơs broă sơm kòp ală cau kòp ờ jroă bè tàm càr Vĩnh Phúc, he neh gàr cau tàm tơn tàm hơ\.

Tus tu\ do, 7 nă cau kòp Covid-19 tàm lơgar he neh geh sơm bời, tàm hơ\ geh bal cau kòp jroă gơtìp uă bơta kòp lài, mơya Bộ Y tế neh rơcang bơ\t bơtàu gùng dà broă lơh hìu sơnơm ing di lah ală hìu sơnơm tàm ală tiah gơtìp gar ir.

Kuơ màng, broă sền gròi rơcang lài ai ală cau gơtìp kòp jo\ jòng geh tơmù ală cau kòp jroă, pơgồp bal tàm broă lơh tơmù khà chơ\t cau gơtìp kòp Covid-19.

Cau mblàng Ndong Brawl