Tàm ală ngai lồi nam, là tu\ ală cau tam bơkào mai rơcang ală broă lơh du\t ndơl kờ` tăc bơkào satềp. Bu\ lah broă tam mờ sền gàr bơkào mai rơm^t ờ ir nền nòn, mơya kờ` bơkào mai lì uă, niam mờ di tàm satềp den cau tam kung pal g^t ờ uă broă lơh, tàm jơnau “Lòt bal mờ cau lơh broă sa” do, bol a` geh yal bè ờ uă broă sền gàr tòm bơkào mai kờ` lì bơkào di tàm satềp.                                                                                         

            Lài mờ tu\ geh bơsong nàng mai rmit lì bơkàu,  bơta kờ` lài jơh la pal sơng ka chi in gơ cat pràn, ntê nha tơlir crư. Nàng lơh geh bơta kờ` do,  cau tam mai kờ` pal ngui dùl broa\ lơh tuh phơng, tuh dà di pal, mờ rcang sơndra\ geh cồng nha ngan ờ ua\ bơta tu sa aniai sùm gơbàn tềng tờm mai. Khà tuh phơng ai tờm mai  rmit in ờ kờ` ua\, di bơh 40 tus 50 gràm tàm dùl tơm. Tơl nhai tuh bơh 2 tus 3 dơ\.

            Mờ kung pal sùm tuh dà nàng tờm mai dờng mờ dong gơ geh sa phơng  tuh mhar rlau. Nhai prang pal tuh dà chi in pah ngai,  hala 2 ngai tuh dùl dơ\, tuh  tơn tềng tơn, mờ bồm bè dà mìu đang làm nha. Nhai mìu, dilah ờ geh ngai tơngai jà` jo\ den kung mìng tuh dà nàng gàr tơl ìo chi in. Ba` tuh ua\ ir dà tàm trồ mho mang. Tài bè hơ\ geh lơh tu sa gơbàn aniai geh mờ gơbàn ua\, ua\ sù ìo tàm trồ mang.

            Bal mờ hơ\,  broa\ sơng ka nàng lơh chi gơmòn gơs bơkau ai tờm mai rmit in kung pal kah. Jat jơnau đơs lài, tàm di nhai 5-6 jat nhai he den sơnđờm mut lơh bơsong mờ broa\ pic jơh nha nàng  chi cat nha pa, mờ ngui phơng tuh geh khà  kali ê\t nàng  tuh chi in, tàm di 10 ngai den tuh phơng dùl dơ\,  tus di nhai 9 nhai he den ờ tuh tai phơng. Tus nhai 10 nhai he geh bơyai lơh koh ntê, ròng kơt ntê mờ ngui phơng geh ua\ kali nàng tuh chi in kờ` dong chi pràn, tơlir crư. Tus lồi nhai mìu,  tàm di bồ nhai 11 nhai he tờm mai rmit neh sơnđờm gơs tus tơngai rcang lì bơkàu. Den tàng, cau tam mai kung pal di mơ tuh phơng nàng kơryan bơta gơ cat nha, tờm, mờ kung tơmù rhời khà tuh dà,  kờ` dong tờm mai gơmòn bơkàu niam rlau.

            Mai rmit kung bè ờ ua\ bơta chi tam ndai, tu\ ala\ nha đang ntê neh ràm  geh tơrgùm ala\ bơta nàng lì bơkàu. Den tàng,  kờ` đơng pơlam chi mai geh lì bơkàu di sa tềp den lơh ha pal pic jơh nha ràm. Bơta do geh lơh kơryan bơta phan lơh gơ lì bơkàu mờ dong kờl tus bơta lì bơkàu niam rlau. Jat bơta mờng mùl màl bơh ua\ cau  den pal pic jơh nha mai rmit tus tu\ ngai 23 nhai 12 yun yàng bơnha\ ồs rê hờ trồ, den bơkàu hơ\ sồng gơlì jơh bơkàu, den bơkàu mai hơ\ sồng gơ lì di tàm ala\ ngai sa tềp. Do la bơta kuơ màng ngan geh kơrnuat  tus mờ bơta gơlì bơkàu ua\ ha ê\t bơh tờm mai. Den tàng làng bol pal du\ ngai pic nha lơh bè lơi nàng gơ di ngai. Bè ờs, dilah trồ tiah ờ geh tam gơl dờng tàm nhai 12, den mai rmit geh pic jơh nha tàm ngai àng kơnhai ndar me nhai 12, hơ\ la 15/12 nhai he. Dilah trồ tiah nhai 12 duh, hala geh  càl pràn den mai geh lì bơkàu gờ` rlau. Den tàng kờ` pal  pic jơh nha lơ ỳai rlau bơh 2 tus 3 ngai. Trơ wơl nam lơi nhai mìu jơh bì den bơkàu mai geh gơ lì gờ`. Den tàng pal pic jơh nha  lơỳai rlau bơh 2 tus 3 ngai. Trơ wơl,  nam lơi mìu bì, trồ tiah nhai 12 ua\ mriềt, hala ê\t geh càl, den mai geh gơ lì lơyài rlau. Den tàng broa\ pic jơh nha mai pal mut lơh lài ndar me nhai 12 he mìng 2, 3 ngai.

            Tơnơ\ pic jơh nha, dilah mai  rmit  geh gơ mòn gơs bơkàu dềt mờ geh ai go\ gơ lì bơkàu lơyài, tu\ do làng bol kờ` bơsong mờ broa\ tuh tai dà tàm gùl ngai. Àng drim gờ` pal tuh dà duh ram nàng bơchul mờ dong tờm mai gơ geh sa phơng, ai mang geh pàl pờ đèng àng nàng tờm mai tơngguh lơh broa\ mờ lì gờ` rlau.

            Dilah trơ wơl wơl,  tờm mai geh bơkàu dờng geh ai go\ gơ  kờ` lì gờ`, den ha pal  gòm jàl hala bìài jù jơh mờ chi nàng chơ ờ gơ lơh broa\,  kơryan gớa phơng. Tuh dà mriềt tềng tờm nàng ala\ gùng gơlam chi dê gơ rồt wơl, kơryan lơh dờng. Bal mờ hơ\, gam kờ` geh tuh tai phơng ure klài làk mờ  bơta klài 1 gràm tàm 4 lik dà nàng chul chồl tờm cat rơyas mờ nha pa, kơryan gơmòn bơkàu lơh lơỳai  gơlì bơkàu bơh tờm mai.

            Mơya kung geh ờ ua\ bơta lơh kơryan bơta lì bơh bơkàu mai. Bè trồ tiah geh gơbàn nisơna lơh  bơkàu gơbàn kloat, ờ lì geh bưkàu. Bơkàu gơbàn jù mờ chơt ro. Den tàng, tơnơ\ geh pic jơh nha den làng bol  kờ` pal sền jat bơta  dờng bơh gơ mòn bơkàu. Dilah lah go\ gơ mòn bơkàu geh ai go\ gơbàn jù den pal geh lơh mờ broa\ chul bơkàu  lì gờ`. Bal mờ hơ\, tàm gùl ngai pah nga kờ`  tuh dà bè dà bơryuh sùm bơh 10 tus 15 phút nàng lơh mriềt tiah kis, dong chi sa phơng ua\ ngan. Den tàng  pal ngui pal bơta lơh chul tơngguh pràn bè GA3 +NAA, nàng chul chồl bơkàu lì, mờ  bơkàu lì dơle\.

            Đơs lơyah wơl,  nàng bơsong  mai rmit lì bơkàu di sa tềp,  bal mờ broa\ pic jơh nha, làng bol kung pal sền gròi tus ờ ua\ bơta ndai  bè bơta trồ tiah,  bơta dờng pràn bơh tờm mai, ngan  ngan pal kah tus bơta gơmòn bơkàu. Dilah gơ mòn bơkàu tơl tơngai dờng,  geh bè tap mờ 2, 3 lơ\ ràm gùt dar den làng bol he pal pic jơh nha di pơgap mờ sa tềp bơh 13-14 ngai. Ai trơ wơl,  bơkàu ờ hềt gơmòn tơl,  geh mìng pa gơ mòn mờ 3-4 lơh ràm hờ bơdĩh den ha pal pic jơh nha  bơh ndar me nhai 12 he, nàng gơmòn geh bơkàu geh tơngai mòn bơkàu.

            Bơta kuơ màng ngan la tu\ tờm mai geh hòn bè ờs den ờ ngui phơng tuh tềng tờm, hala bồm tàm gơ mòn bơkàu. Tài tu\ do tờm mai ờ gam nha, den tàng broa\ tuh phơng lơh chi in bươn ngan gơbàn khih.

            Dilah mut lơh niam ala\  jơnau pa sồr do, làng bol geh chi mai rmit gơ lì ua\ ngan bơkàu niam di tàm tu\ satềp dà lơgar. Mờ jat pơrya bơh mò ồng yal den hơ\ geh  la bơta ai go\ bơh bơtuah bơtoài, niam bơna\ tàm nam pa.

                                                            }au mblàng K’ Brọp.