VOV4.K’ho- Phan sa cau M’nông dê uă ngan. Phan sa cau M’nông dê geh uă ngan phan sa bơkah mơkung là sơnơm rài yau sơm bời geh bàr pe bơta kòp ờs mờng. Tàm lu\ bo\ mờ nha lộc vừng ờ mìng là dùl phan sa geh bơta bơkah krơi ngan mờ gam là bơta sơnơm nàng sơm bời geh ală bơta kòp bè gùng lơh lề phan sa.

Jat ồng Y Long là cau kra [òn ơm tàm [òn Bu Sir, xã Quảng Sơn, kơnhoàl Dăk Glong, càr Dăk Nông dê yal, lài do pah tu\ tàm hìu geh cau sa phan phan sa krơi, gơtìp kòl è, gơjroh è halà è mhàm, làng bol mìng pik dùl sơm băt biăp nhơ\t tàm brê, kềng gah dà croh, dà sơding nàng lơh gơs phan sa là gơtùi sơm bời jơh tơn. Tàm lu\ bo\ mờ nha lộc vừng là dùl tàm ală phan sa bè hơ\.

                                       Bàr bơta phan là tàm lu\ mờ nha lộc vừng

Tàm lu\ kis tàm croh dà ờ go\ gơlơh krơi gơ wèt mờ uă cau, là phan sa geh sa sùm pah ngai. Puăc tàm geh uă ngan canxi, niam ngan ai cau kòp gơtìp lơbơn ntìng in. Ai nha lộc vừng là tờm chi sùm gơ hòn tàm dòr bơnơm halà kềng gah dà croh, tu\ do geh uă ngan cau ngui nàng lơh tờm chi lơh niam mờ cèng rê tam tàm sươn hìu. Mơya, bơta kuơ bơh nha chi lộc vừng dê den ờ go\ di là cau lơi kung gi\t lơm ờ. Nha lộc vừng gơ niam ngan nàng ngui tàm broă sơm bời ală kòp jê ndul, kòp gùng lơh lề phan sa.

                                     Tàm lu\ geh ràu goh mờ buh sin rơmi\t jơh, [ô bơkah ngan

Chi lộc vừng geh 2 bơta, dùl bơta chi hòn tềng hơđang ù gờl den hòi là chi lộc vừng dòr bơnơm, dà M’nong hòi là Tơm Tứ; Lộc vừng hòn tềng gah croh dà den hòi là lộc vừng dà, dà M’nông hòi là Tơm Nong. Ờ go\ sền nền den ờ chài đal gi\t geh tờm lơi là tờm lộc vừng dòr bơnơm, tờm lơi là tờm chi lộc vừng dà. Nha lộc vừng dòr bơnơm dờng rlau mờ rùp bè plai nhồng, tu\ sa tơrging gơ geh bơta gơsràn, sơ [ăt mờ bơtang dùl êt; ai nha bơh tờm chi lộc vừng dà dê den dềt mờ jòng, sa gơlơh gơsràn mờ bơtang rlau. Tu\ gơtìp gơkòl è mìng pik dùl sơm băt nha lộc vừng bo\ mờ tàm lu\ sa bơh 2 tus 3 dơ\ là geh bời tơn. Phan sa lơh bơh tàm lu\ bo\ nha lộc vừng kung [ươn ngan lơh sơl. Phan geh ngui uă ngan là nggùl ki\ tàm lu\, bàr gràm nha lộc vừng. Tàm pal sac tàm me nàng geh uă puăc. Nha lộc vừng den mìng pik ală nha bơnung ba` pik nha kra mờ lơngkòt.

                                                  Tàm lu\ mờ nha lộc vừng geh bo\ lề

Tàm geh ràu goh lời rơ sơh dà tơnơ\ hơ\ cèng buh tềng bơnhă ồs rơnga chah lòng, lơh bè lơh nàng buh gơ in sin rơmi\t jơh. Tàm neh buh sir den he plồ ngkàr mờ sơrbì jơh jơng tàm, mìng ai bơnah puăc nàng bo\ tàm mpal gơ in lề. Pơn jat hơ\, he ai nha lộc vừng te\ bal tàm mpal mờ bo\ lề bal mờ tàm tus dì tu\ lơi gơ klài bal; tơnơ\ hơ\ te\ boh, [òk ngòk, mre\ di tơl là he neh geh dùl phan sa bơkah piang.

                            Neh lơh gơs phan sa bơh tàm lu\ bo\ mờ nha lộc vừng

Bơta [ô bơh phan sa brê bơnơm lơh gơkờ` ngan cau, geh bơta [ô bơh tàm buh dê, bơta bơtang nha lộc vừng brê dê. Phan sa do geh sa bal mờ piang duh halà sa mìng gơ lơm kung bơkah ngan sơl. Do là dùl phan sa krơi tàm phan sa bơh yau cau M’nông dê, geh uă ngan bơta sơnơm rài yau, gơ bơtơl canxi ai cau kòp in mơkung sơm bời geh kòp gùng lơh lề phan sa sơl.

Cau mblàng Lơ Mu K’Yến