VOV4.K’ho- Tềng đap bơta lơh gơkờn lơh geh khà priă jơnhoa ngan bơh tiêu dê, uă cau lơh broă sa tàm càr Kontum gam tam gơl sươn kau su, kơphê nàng ai ù tam tờm chi tam do. Mơya, tài bơh ờ geh jơnau gi\t wa\ mờ ờ hềt geh tai bơta mờng chài, den tàng uă sươn tiêu pa tam neh gơtìp chơ\t, lơh cau lơh broă sa bòl glar ngan. Cau ai tơngi\t jơnau do, geh jơnau cih đơs bè bơta geh ngan do, jà làng bol mờ gơ\p bơyô iat bal:

Bàr pe nam rềp ndo, tàm càr Kontum neh geh rlau 300 lồ kau su gơtìp làng bol koh sơrbì, bơcri priă tam tiêu. Gơ wèt mờ cau lơh broă sa, tiêu là tờm chi tam ờ quèng. Ồng Lưu Minh Đức, kis tàm [òn 4, sơnah [òn Trần Hưng Đạo, [òn dờng Kontum, càr Kontum, tam 750 tờm tiêu bơh nam 2013 lài do, pà gi\t:

“Rềp gùt dar do ờ geh cau lơi tam ờ, den tàng lùp bơsram bơta mờng chài là kal ke ngan. Pah dơ\ tiêu gơtìp pàl nha, halà lơngkòt tiêu gơtìp croăn băt dờng là ngòt ngan, tài bơh tàm Kontum ờ cau lơi tam tiêu, den tàng ờ go\ tăc sơnơm sền gàr tờm tiêu. A` pal lòt tus Gialai hơ\ sồng lùp anih ràng tăc sơnơm, yal bè bơta kòp tiêu bè lơi nàng cau in tăc sơnơm he in. Bơh sơn rờp pal blơi uă dơ\ ngan. Geh dơ\ gơtìp kòp gi\t di kòp den là gơ kơryan geh kòp, geh dơ\ den gơ ờ gi\t di kòp den là pal jòi sền ngan is”.

Ờ hềt gi\t chài ngan ngồn broă tam mờ sơngka sền gàr, cau tam tiêu tàm càr Kontum gam pal ko\ng mờ uă bơta digơlan gơ aniai hoàc hươr. Jơnau digơlan gơtìp lơh sa ờ geh cồng nha gơ tơngo\ tơn bơh broă rwah ù, hơ\ sồng rwah sơntìl, mờ tàm sùm jơh ală tu\ tơngai tam mờ sơngka sền gàr tơn. Hìu bơnhă ồng Nguyễn Cường, kis tàm [òn Nghĩa An, ntum Ya Chim, [òn dờng Kontum là dùl jơnau ai lơh pơnyơu bè hơ\. Bồ nam 2014, hìu bơnhă ồng Cường bơcri priă tam mờr 200 tờm tiêu. Pơlai bă ù lời gời tàm sươn hìu, ồng bơyai mờ pơ ùr là tam tàm bơrlu\ bal mre\ tàm gùt dar tờm tiêu nàng geh tai priă jền. Cau mờ gi\t là ală tờm tiêu gam kis niam ngan bè hơ\ nisơna gơtìp pàl jơh mờ chơ\t rơhời. Ồng Nguyễn Cường, pà gi\t:

 “Tiêu gơ niam ngan bờh. A` tam a` ờ hềt geh bơta mờng chài tam tàm bơrlu\ bal tàm sươn mre\ ndrờm gơtìp chơ\t jơh, gơ chơ\t aniai jơh bal tơn sươn tiêu. Rơyas gơtìp aniai, gơtìp jù mung jơh. Kờp jơh gơtìp chơ\t rlau dùl rhiang pram jơ\t rbô tờm”.

Ờ dùl êt hìu bơnhă kung gi\t sơl bơh sơn rờp là ko\ng bơta gơ aniai hoàc hươr tam tơrlòng sền nàng ai bơta mờng chài. Mơya tu\ sươn tiêu gơtìp kòp jơh dùl ròt den kung ờ gơtùi pleh geh bơta pơlai ngan sơl. Ồng Đỗ Văn Học, kis tàm [òn 4, ntum Hoà Bình, [òn dờng Kontum, càr Kontum, pà gi\t:

 “Tu\ mờ gơ gơtìp kòp den gơ chơ\t kung uă sơl. Jơh ală tờm tiêu geh uă plai ndrờm gơtìp chơ\t jơh. Mờ tờm tiêu lơi dờng klăp klê, dờng, geh plai là chơ\t bè hơ\. Lài mờ tu\ lơh den là a` kung neh gi\t lài, tu\ do jơnau gơtìp aniai hoàc hươr den là pal geh mờ ờ gơtùi pleh klàs ờ”.

Tu\ do, bă tiêu tàm càr Kontum kung gam geh làng bol pơn jat tai rề ơnàng ù tiah nàng tam. Gah lơh broă sa càr do kung neh geh uă jơnau bơto yal lài, mơkung pờ bàr pe ơdu\ bơto pơlam bơta chài tam, sơngka sền gàr tờm tiêu. Mơya kàr hơ\ gời là ờ hềt tơl nàng dong cau lơh broă sa gi\t ngan ngồn bơta geh cồng nha tu\ lơh nền bơcri priă tam tờm chi tam do./.

Cau cih mờ yal tơngi\t- Lơ Mu K’ Yến mờ Ndong Brawl