VOV4.K’ho- Bộ Y tế pơgồp bal mờ Viện Huyết học mờ Truyền máu dà lơgar bơyai lơh pà mhàm. Do là dùl broă lơh geh kuơ ngan tàm tơngai bơta ờ tơl mhàm ai broă sơm kòp in pơn jăt tai ờ tơl uă ngan tài bơh gơrềng bơh kòp Covid-19. Bộ Y tế là dùl tàm dùl êt ngan anih lơh broă bơyai lơh pà mhàm tàm tơngai do.

Tàm 4 ngai do, mờr 70 anih lơh broă neh ơm ing wơl tơngai bơyai lơh pà mhàm, ndrờm mờ mờr 12 rbô kơldung mhàm ờ dờp geh. Tềng đăp jơnau pơhìn digơlan gơtìp ờ tơl mhàm sơm kòp kơn jơ\, ală kuang bàng lơh sơnơm là mpồl cau lam lài tàm yal tơngi\t bal jơnau mờ să tờm tơn pà mhàm, geh bal ală kuang bàng đơng lam bồ kung jơh nùs ngan tus bal pà mhàm sơl.

Uă gùng dà broă lơh geh lơh tàm dơ\ bơyai lơh pà mhàm nàng rcăng pleh kòp Covid-19, bè: tam pà tu\ jiơ ai cau tus cih mat dan pà mhàm in jăt ală phòng, ban krơi is; bơyai lơh tàm anih ha pah geh nhơm càl mu\t, rơndăp tăp sèng jăt broă lơh dùl gơl; pơn chèu di bơta bơto pơlam; sùm ràu kloh tê mờ ală phan ngui mờ dà sơnơm…

Cau mblàng Lơ Mu K’Yến