VOV4.K’ho - Lài jơh, jà làng bol mờ gơp bơyô tus mờ broă lơh mpồl tam klac tam sơnơm kơnuh Ngọc Linh đah Kong ti Cổ phần sơnơm kơnuh Ngọc Linh Kontum mờ 220 hìu nhă làng bol tàm xã Măng Ri, kơnhoàl Tu Mrong, càr Kontum, geh mut lơh bơh nam 2013:

Hìu nhă bi A Chen tàm bòn Chung Tam, xã Măng Ri, kơnhoàl Tu Mrong sơn đờm tus bal tam klac tam sơnơm kơnuh Ngọc Linh mờ Kong ti Cổ phần sơnơm kơnuh Ngọc Linh Kontum tàm nam 2013. Bơh ngai mut tàm mpồl tam klac, bulah ờ hềt geh phan bơna tơnhàu mơya broă lơh sa hìu nhă bi A Chen dê neh geh bơta tam gơl uă ngan. Bi A Chen pà git, broă tus bal tàm mpồl tam klac tam sơnơm kơnuh geh uă bơta geh, să tờm den kung geh broă lơh kơ\ kơljap, mờ gam geh sơmbat tê bal, tă pơgồp bơta pràn sền gàr brê, sền gàr sơnơm kơnuh Ngọc Linh kuơ màng. Bi đơs: “Hìu nhă a` tam bơh 200 tus 300 tờm sơnơm kơnuh. Kong ti Cổ phần sơnơm kơnuh Ngọc Linh Kontum ai oh mi sền gàr ngai mang nàng gàr niam broă lơh sền gàr. Dong làng bol tơnguh priă lơh geh dùl nhai bơh 2 tơlak 500 rbô tus 3 tơlak 500 rbô. Dùl nam kong ti ai oh mi công nhân in dùl nă cau 100 tờm, den tàng tơnguh priă lơh geh làng bol in uă ngan.”

Jat gơ noar atbồ xã Măng Ri, kơnhoàl Tu Mrong, tu\ do tàm xã geh 220 hìu nhă làng bol kòn cau Sơdàng tus bal tam klac tam sơnơm kơnuh Ngọc Linh mờ Kong ti Cổ phần sơnơm kơnuh Ngọc Linh Kontum. Pah nhai, ală hìu nhă làng bol geh kong ti pà 21 ki\ phe, geh tong priă nhai sơngka sền gàr suơn sơnơm kơnuh bơh 3 tus 3 tơlak 500 rbô priă. Làng bol cau lơi kung chờ hờp tu\ geh broă lơh, priă jền lơh geh pah nhai geh sùm. Bi A Chung, hìu tàm [òn Đak Dơn pà git: “Nam do là nam dơ\ 3 a` tus bal mpồl, să tờm hìu nhă mờ ală hìu nhă tàm [òn tus bal jơh nùs ngan, tài kong ti dong kờl tơl hìu nhă 100 tờm sơntìl. Ờ mìng là tus bal 1 nam gơs 4 dơ\, tàm hơ\ 1 nhai 3 ngai jat kong ti lòt lơh broă, tơnguh tai priă lơh geh den làng bol chờ hờp ngan. 1 ngai lơh broă kong tong priă, piang sàu, boh, bòk ngòk tơl jơh, làng bol ờ hoàc bơta lơi den tàng làng bol chờ hờp ngan. Bal mờ hơ\ den he kung sền gàr brê, tềng đơm den tam sơnơm kơnuh tai den tàng geh kuơ jơh 2 gah.”

Mùl màl ai go\, mờr 5 nam lơh broă, broă lơh mpồl tam klac tam sơnơm kơnuh Ngọc Linh đah Kong ti Cổ phần sơnơm kơnuh Ngọc Linh Kontum mờ 220 hìu nhă làng bol tàm xã Măng Ri, kơnhoàl Tu Mrong, càr Kontum geh làng bol kờ` ngan. Bơta niam bơh broă lơh do dê là ai geh broă lơh làng bol tàm xã in, pơgồp bơnah uă ngan tàm broă bơtàu tơnguh rài kis làng bol kòn cau kung bè prap gàr, bơtàu tơnguh sơnơm kơnuh kuơ màng Ngọc Linh.

              Cau cih mờ yal tơnggit K’Duẩn