VOV4.K’ho - Tơngai prang, mìu ua\ la ala\ ai go\ loh ngan bơh tam gơl trồ tiah tàm Tây Nguyên mờ geh gơbàn aniai dờng ngan tus tam kơphe. Tam kơphe kơljap geh sền la dùl bơta kờ` ngan. Cau ai tơnggit jơnau geh lùp ồng Trần Văn Khởi, kuyền kuang atbồ trung tâm bơto pơlam broa\ lơh sa dà lơgar bè tơnggu me do.

            -Ơ ồng, tam gơl trồ tiah tàm ala\ nam rềp do geh gơbàn aniai bè lơi tus lơh sa, tam kơphe tàm Tây Nguyên?

            Ồng Trần Văn Khởi: Tàm ala\ nam do,  tam gơl trồ tiah geh lơh trồ tiah gơbàn  ờ niam  sùm, go\ loh ngan mờ slơ ngai slơ  go\ gơbàn kràn ngan. Tàm nhai prang geh mìu, bè lồi nam 2017 bol he go\ bloh. Hơ\ sồng tàm nhai prang den khòt khòng ngan, khà dà den soat, geh tu\, jơh tàm nhai mìu, den tàng ờ jat bơhìan bè yau la 2 kàl  mìu, tơngai bè yau tai, ngan la khà dà gơbàn soat ua\ mờ geh lơh aniai ua\ ngan tus tam kơphe tàm Tây Nguyên.

            -Bè hơ\,  den ala\ càr Tây Nguyên kờ` pal lơh ngan tàm  ala\ broa\ lơi nàng  gơ geh di pal mờ tam gơl trồ tiah, ơ ồng?

            Ồng Trần Văn Khởi:  Lài jơh, mờ bơta atbồ he dê, bơh ala\ càr den jat a`, broa\ sơnrờp gam pal lơh la lơh mbè lơi geh pơlam làng bol lơh sa tàm tiah geh rơndap. Tài bè bol he neh git, tu\ do kơphe tam rlau mờ rơndap la ua\ ngan, tu\ do geh di 650 rbô lồ. Tàm tu\ hơ\,  rơndap ai tam tus nam 2020 mìng la 600 rbô lồ lơm. Den tàng,  sơrlèt rlau ir rơndap la ua\ ngan. Sơrlèt rlau  rơndap ai tam geh pơrya la tam kơphe tàm ala\ tiah ờ hoan gơ kờ`, ờ niam. Mờ tu\ trồ tiah ờ niam  bè tam gơl trồ tiah den gơ geh lơh gơbàn aniai, geh tu\ gơbàn  sơbì gời kơphe.

            Den tàng, lài jơh pal geh pơlam cau tam tàm rơndap broa\. Dơ\ 2, pal geh rơndap lơh gơ in di pal pơlam,  broa\  lơh tam,  mờ ala\ geh  cih tam pa wơl di pal mờ bơta  geh bơh càr dê. Dơ\ 3,  lam sồr ròt broa\ lơh bơto pơlam broa\ lơh sa, hơ\ la geh  ròt tam jàu bơta jak chài pa sùm pal geh ngui di jat mờ bơta mùl màl kờ` pơlam làng bol cau lơh broa\ sa,  gơ jat  tàm tơl bơta geh,  bơta sơng ka sền gàr kơphe mbè lơi, broa\ tam pa wơl mbè lơi,  hơ\ sồng geh tam dra\ mờ prang,  soat dà, mìu gơ  ngơr dà mbè lơi.

            -Broa\ kal ke  ngan bơh Tây Nguyên tu\ do la tam wơl kơphe. Do la  broa\ ờ suk ngan bơh cau tam mờ gơnoar atbồ [òn lơgar. Jat ồng, geh broa\ lơh  lơi nàng gơtùi tam pa wơl kơphe geh cồng nha  tàm bè tu\ do?

            Ồng Trần Văn Khởi: Broa\ tam wơl kơphe bè bol he wa\ la tam wơl. Den geh ua\ bơta ngan, dùl la kơphe neh kra, ờ gam ua\ plai tai, cồng nha tơnhàu êt den cau sang,  tam wơl. Hơ\ bal  mờ ba\  kơphe  gơbàn kòp,  lơh gơmù plai mờ tờm chơt den cau tam wơl.

            Mờ kơphe  kra,  ờ kòp, tu\ sang  kơphe  yau den  gơtùi tam wơl sơbac mhar, ờ geh bơta lơi,  jat di pơlam. Mơya, mờ ala\ suơn kơphe kòp den gơ jat mờ kòp kơnjơ\, nggờc bơh kòp nàng geh tơngai tam pơdar chi tam ndai, mờ do la chi tam phan sa nàng gơ mù kòp hơ\ sồng tam pa wơl kơphe. Dilah he geh ngui  dơle\ bal, den geh ala\ sươn khà kòp kơnjơ\ bơh kòp pàl nha ồm rơyas mờ tam  mo den khà kòp gơbàn ua\ ngan. den tàng, broa\ do pal geh lơh tam  pơdar, gơ jat ù tiah. Mờ bơta do, cau kuang  gah  kỹ thuật, ngan la ròt gah bơto pơlam broa\ lơh sa hờ đơm pal geh  lơh ngan nền nòn, bal mờ broa\ lơh sa bơh làng bol  cau lơh broa\ sa nàng  làng bol lơh sa geh ai tơlik ala\ jơnau đơs lài di pal làng bol in. Pleh ala\ gơbàn hòac hươr dờng ngan. Tài kơphe la chi tam jo\ sơnam, tus nam dơ\ 3 hơ\ sồng gơbàn kòp den  lơh gơbàn hòac hươr dờng ngan.

            -Tàm ala\ nam do,  trồ prang tàm Tây Nguyên gơbàn kràn ngan, mờ geh dùl broa\ lơh geh đơs tus la tuh dà  gơ hòr  ntờc kơphe in. Jat ồng, broa\ lơh do geh di pal mờ Tây Nguyên lah ờ?

            Ồng Trần Văn Khởi:  Jat a` la gơ geh gơ di pal, ờ mìng  kơphe lơm mờ bal mờ tiêu mờ geh tu\ la chi sa plai.  Hơ\ la  broa\ lơh  geh gùng tàm lơh broa\ sa tu\ do, gơ geh  bal  bơta  kông nghệ cao, geh ai drờm bal,  di pal tus mờ chi tam. Tu\ do, kông nghệ tuh dà tềm pềr den geh tu\ chi tam ndai mờ ờ di la ờ tơl dà khi gam ngui sơl. Mờ ù tiah Tây Nguyên den tiah pal tềm pềr dà den loh làng ngan,  tuh dà gơ hòr ntờc la tuh dà tềm pềr den  gơ màng ngan.  Rlau mờ hơ\ tai, dilah bol he geh bal mờ  broa\ tuh phơng tàm tuh dà tềm pềr den cồng nha niam ngan.  Ờ mìng geh tềm pềr geh dà tuh, tềm pềr geh phơng tuh mờ gam tềm pềr geh tơngai  cau lơh broa\ mờ tơngguh cồng nha chi tam.

            -Ưn ngài ồng ua\ ngan !

                                                            Cau cih mờ yal tơnggit K’ Brọp.