VOV4.K’ho – Di Linh là kơnhoàl geh bă kơphe uă ngan rlau jơh bơh càr Lâm Đồng dê, mờ bă ù tam kơphe gơguh tus mờr 42 rbô lồ. Nam pa do, Di Linh pơnjat tai lam lài tàm broă mut lơh broă tam pa wơl kơphe bơh Chính phủ dê, tơnguh bă kơphe neh tam pa wơl geh mờr 40% bă kơphe tàm gùt kơn hoàl. Bulah bè hơ\, tài broă mut lơh tam pa wơl kơphe bơh làng bol tiah do dê uă ngan cèng bơta mut lơh is, tơl hìu lơh jat broă lơh is, sơntìl ờ git anih lơh gơlik tac uă ngan tàm drà kă bro neh lơh aniai uă tus cồng nha tam pa wơl kơphe đơs is mờ cồng nha lơh sa đơs bal bơh làng bol lơh broă sa dê:

Nam 2013, tơnơ\ mờ tu\ geh broă lơh tam pa wơl kơphe bơh Chính phủ dê, ồng Ninh Khắc Phương ơm tàm [òn 10, xã Hoà Ninh, kơnhoàl Di Linh, càr Lâm Đồng neh càn 180 tơlak priă bơh Anih priă jền Nông nghiệp mờ Phát triển nông thôn tàm kơnhoàl nàng bơkiar tam gơl mờ tam pa 2 lồ kơphe hìu nhă dê. Bơh hơ\ cồng nha tơnhàu bơh suơn kơphe hìu nhă ồng dê neh gơguh rlau 5 tấn tàm 1 lồ, gơguh uă rlau mờr 2 dơ\ pơn drờm mờ lài. Jat ồng Phương, kờ` broă tam pa wơl kơphe cèng wơl cồng nha niam ngan rlau jơh, bơdìh bơta git wă bơh tơl hìu nhă lơh broă sa dê kờ` ngan geh bơta kơlôi sơnơng, bơto pơlam bơh đah lơh sa suơn sre tàm [òn lơgar. Ồng đơs: “Bol a` ờ hềt geh anih lơh broă geh gơnoar lơi tus nàng pơlam bè bơta chài tam pa, uă ngan là làng bol jòi git is nàng mut lơh. Suơn kơphe bol a` dê neh jo\ nam ngan bloh, tu\ do ờ git ù tam suơn ờ tơl bơta lơi, jơngkah bơta lơi, khà pH bè lơi, pal bơ tơl bơta lơi… Pal geh kuang bàng tus pơlam, tơnơ\ hơ\ pơlam làng bol in git ơn phơng lơi gơ in dipal.”

Tài uă ngan broă tam pa wơl kơphe tàm Di Linh ndrờm mut lơh is, ờ ringbal bè bơta chài mờ sơntìl den tàng cồng nha tam pa wơl kơphe tàm kơnhoàl ờ hềt cèng wơl cồng nha niam. Bơta pal đơs là tàm khà mờr 17 rbô lồ kơphe neh tam pa wơl tàm Di Linh, tu\ do geh uă suơn kơphe neh gơlik geh ală bơta kòp tu sa aniai. Jat ồng Hoàng Minh Cương, ơm tàm [òn 5, xã Đinh Lạc, kơnhoàl Di Linh, bơdìh mờ priă càn bơh broă lơh ai càn priă dà lơgar dê, ală broă mut lơh tam pa wơl kơphe, chài sơngka sền gàr mờ broă rơwah tờm sơntìl ndrờm bơh làng bol kơlôi sơnơng is mờ mut ngui, den tàng cồng nha tam pa wơl ờ uă là bơta ờ gơtùi pleh. Ồng Hoàng Minh Cương pà git: “Broă lơh tam pa wơl kơphe den a` jòi git is. Tu\ do, kơp kờ` ngan rlau jơh bơh làng bol lơh broă sa dê là lơh bè lơi mpồl cau lơh broă sa, anih tờm lơh sa suơn sre kơnhoàl pal dong làng bol lòt sền ngan ngồn uă rlau, bơh hơ\ bơsram, đòm jat mờng chài bè mut ngui.”

Jat cồng nha sền gròi bơh đah tam phan di Bộ Nông nghiệp mờ Phát triển nông thôn, tàm ală tiah tam uă kơphe bè xã Hoà Bắc, Đinh Lạc mờ Hoà Ninh, kơnhoàl Di Linh, bă kơphe bơkiar tam gơl mờ tam pa wơl tơnơ\ bơh 2 tus 3 nam neh gơtìp kòp lơh aniai, uă ngan là kòp pàl nha, ồm rơyas, tờm chi dờng ờ pràn. Jơnau lơh gơbàn bơta geh ngan do là tài làng bol lơh broă sa ờ tơl priă bơcri sơngka sền gàr, sơntìl ờ niam mờ gơtìp kòp lơh aniai, bơta chài tam sơngka sền gàr làng bol dê ờ huan uă…

Ồng Nguyễn Thế Tiền, kuang atbồ cơldu\ Nông nghiệp mờ phát triển nông thôn kơnhoàl Di Linh pà git, jat rơndap broă, bơh tu\ do tus nam 2020, kơnhoàl Di Linh geh pơnjat tai tam pa wơl rlau 12 rbô lồ kơphe ai cồng nha tơnhàu ờ uă, tàm hơ\ geh rlau gùl khà kơphe pal kơl sang mờ tam pa wơl tơn. Kờ` broă tam pa wơl kơphe kơn hoàl dê cèng wơl cồng nha uă mờ kơ\ kơljap, kờ` ngan geh bơta lơh broă ringbal bơh ală kơnă, ală gah lơh broă geh gơnoar. Ồng Nguyễn Thế Tiền pà git: “Gơwèt mờ broă tam pa wơl kơphe den kờ` ngan jơh ròt mpồl lơh broă gùng dră bal lơh broă bal, tài dilah ờ den ngan là kal ke ngan lơh geh cồng nha. Tài gơ geh gơrềng tus uă broă, bè priă bơcri, chài sơngka sền gàr, hơ\ sồng gam pal geh bơta ringbal bơh làng bol dê tai.”

Bơdìh mờ kơnhoàl Di Linh, ală tiah tam uă kơphe ndai bơh càr Lâm Đồng dê bè Bảo Lâm, Lâm Hà, Đức Trọng kung jơh nùs ngan mut lơh broă tam pa wơl kơphe bơh Chính phủ dê, tơnguh bă kơphe neh tam pa wơl càr Lâm Đồng dê rlau 35 rbô lồ. Jat gah lơh sa suơn sre càr Lâm Đồng, ală bă kơphe mut lơh di bơta chài sơngka sền gàr, kơphe tơnơ\ mờ tu\ tam pa wơl mờ tam gơl ndrờm hòn gơs mờ dờng pràn niam, kòp tu sa aniai gơmù, cồng nha tơnhàu kờp bal gơguh tus 2 tấn tàm 1 lồ. Lâm Đồng gam tơlik jơnau kờ` tus nam 2020, gùt càr geh pơnjat tai tam pa wơl, tam gơl mờr 60 rbô lồ kơphe gam wơl.

Kờ` lơh geh jơnau kờ` do, kung bè gàr niam tơnguh cồng nha tơnhàu mờ bơta niam kơphe càr dê jat rơndap broă kơ\ kơljap, bơdìh mờ broă dong kờl ai càn priă, ngan là gah lơh sa suơn sre càr Lâm Đồng pal sơlơ tơnguh rlau tai broă bơto pơlam, cribơyai bè bơta chài tam pa wơl, tam gơl lơh niam kơphe kung bè sền gròi niam rlau mpồl tac sơntìl ờ geh kòp mờ geh bơta niam uă.

         Cau cih mờ yal tơnggit K’Duẩn