VOV4.K’ho- Mờ jơnau đơs “Ai phan lơyah ngai ròng phan jo\ ngai”, pơgồp bơnah kơ\ kơl jăp lơh sa tàm broă lơh sa sươn sre, bàr pe nam rềp ndo, tàm tu\ ơm kơ\p ù geh lơh niam wơl nàng pơn jat tai tam pa wơl kơphê, den uă cau lơh broă sa tàm xã Ea Hiu, kơnhoàl Krông Pach, càr Daklak neh tam pơdar tờm rơmi\t. Broă lơh do neh mờ gam lơh geh cồng nha, pơgồp bơnah kơ\ kơl jăp lơh sa ai uă hìu làng bol lơh broă sa in.

Tàm bă ù ơnàng rlau 1 lồ, 2 nam do, hìu bơnhă mò Lê Thị Dương, tàm [òn Tân Bình, xã Ea Hiu, kơnhoàl Krông Pach bơcri priă tam rơmi\t pơrhê. Bă ù do, lài do là tam kơphê. Tàm tơngai lơh niam wơl ù nàng tam pa wơl kơphê, hìu bơnhă mò Dương tam rơmi\t, dùl tờm chi tam gam geh drà kờ` ngan.

Jat mò Lê Thị Dương yal, mờ khà priă tăc geh bơh 8 rbô tus 10 rbô đong dùl ki\ bè tu\ do, tơnơ\ pah dơ\ kàl tam rơmi\t, hìu bơnhă mò lơh geh priă cồng pơgăp 180 tơlak. Priă jền do pơgồp bơnah uă ngan tàm tu\ priă lơh geh bơh kơphê ờ geh. Mò Dương, đơs:

“Tam rơmi\t ờ bòl dùl êt lơi, ờ roh uă tu\ jiơ sơngka sền gàr mờ gơ niam ngan ờ go\ gơtìp khih aniai bơh sơnơm tu bè tam ală tờm chi tam ndai”.

Ea Hiu là xã geh bă ù tam kơphê jo\ sơnam neh jơh kra uă ngan, pơgăp 100 lồ. Kung bè hìu bơnhă mò Dương dê sơl, tu\ tam pa wơl kơphê, uă cau lơh broă sa tàm xã neh rwah tam rơmi\t bal mờ bàr pe tờm chi tam lơyah ngai ndai nàng geh priă jền sùm tàm tu\ ờ hềt geh kơphê.

Bi Nguyễn Văn Tình, kuang bàng bơto pơlam lơh broă sa sươn sre xã Ea Hiu, pà gi\t: tu\ do bă ù tàm pơdar tam rơmi\t tàm xã neh gơguh tus rlau 15 lồ. Bơh sơnrờp là lơh is, uă cau lơh broă sa neh sền dờng màng tus bơta chài tam rơmi\t nàng lơh geh cồng nha mờ lơh geh priă jền sùm. Bi Nguyễn Văn Tình, đơs:

“Lài do, làng bol tam is den tàng cồng nha lơh geh là ờ huan uă. Bol a` ngai sơlơ neh đòm jat bơta jak chài pa, bè broă chài ơn phơng halà rwah sơntìl halà bơto pơlam broă tam mờ lơh ù nàng gơ in niam…den tu\ do neh lơh geh cồng nha uă ngan”.

Jat ồng Nguyễn Hanh, Phó Kuang atbồ Ủy ban Nhân dân xã Ea Hiu yal, sền go\ cồng nha lơh geh bơh tờm rơmi\t, xã gam kơlôi sơnơng nền sồr làng bol tàm pơdar tam tờm chi tam do tàm tơngai ơm kơ\p tam pa wơl kơphê. Ồng Nguyễn Hanh, đơs :

“Tờm rơmi\t nam do tam lơh geh cồng nha, den xã geh pơrjum 12 [òn nàng sồr làng bol pal tam tàm bơrlu\ bal tờm rơmi\t tàm sươn kơphê halà ală bă kơphê neh kra jo\ sơnam tàm tu\ tơngai ơm kơ\p tam pa wơl kơphê, den ủy ban xã neh geh broă bơto pơlam bè hơ\. Tơngai tus nàng sền khà priă bè lơi, tàm tơngai tus do den dilah tam geh uă, den xã geh dong kờl sồr làng bol tam rơmi\t tàm bơrlu\ bal tàm sươn kơphê”.

Xã Ea Hiu, kơnhòal Krông Pach là xã kal ke uă ngan bơh càr Daklak dê. Tu\ uă bă kơphê neh kra, jo\ sơnam, sơntìl bơh yau, cồng nha lơh geh ờ uă, den broă tam tàm pơdar tờm rơmi\t tàm tơngai ơm kơ\p tam pa wơl kơphê là broă lơh pa pơgồp bơnah dong cau lơh broă sa geh tai priă jền nàng ngui sa tàm rài kis hìu bơnhă.

Cau cih mờ yal tơngi\t- Lơ Mu K’ Yến