VOV4.K’ho- Tàm [òn dờng Gia Nghĩa, càr Dak Nông pa bơyai lơh dơ\ lơh chờ bơta niam chài ồi kòn cau Việt Nam dơ\ 2 nam 2020. Dơ\ lơh chờ neh bơyai lơh ua\ broă lơh li la, lời wơl bơta niam ua\ ngan, pơgồp bơnah prap gàr, lơh niam wơl mờ ngui niam bơta niam chài bơh yau ală jơi bơtìan Việt Nam dê, tàm hơ\ geh bơta niam chài ồi kòn cau dê

Đơs tàm dơ\ sơn đờm mut lơh “Dơ\ lơh chờ bơta niam chài ồi kòn cau Việt Nam dơ\ 2 nam 2020”, ồng Nguyễn Đình Trung Chủ tịch Ủy ban Nhân dân càr Dak Nông đơs sùm: ồi kòn cau là “jơ tài phan bơna bơta niam chài dê” mờ ală nghệ nhân, làng bol kòn cau neh tryăng tryồng, bơceh lơh geh, li la mờ niam krơi is ngan, ơn prăp ua\ bơta pin dờn, nùs nhơm kis, bồ tơngoh kơlôi sơnơng niam ngan neh lơh geh ală bơta niam chài krơi is bơhìan is tơl jơi bơtìan dê.

                     Bi H’Yam BKrông nghệ nhân tà` ồi kòn cau càr Dak Lak yal phan bơna he dê

Den tàng, bol he pal geh ală gùng dà broă lơh jal mhar nàng kờ` sền gàr mờ ngui niam ală bơta kuơ bơta niam chài ồi kòn cau dê dùl bă geh cồng nha mờ ngan ngồn nàng geh prap lời mờ lời wơl rài tơnơ\ do in mờ hời rơ hời lơh gơlik bơta tềl tơngo\ bơta niam chài bơh mpồl bơtìan dê.

Mờ tơngume “Dơ\ lơh chờ bơta niam chài mờ nhơl chờ- bơta niam crih crài tiah đah mat tơngai lik dê”, dơ\ lơh chờ bơta niam chài ồi kòn cau Việt Nam dơ\ 2 neh geh lơh ua\ broă lơh li la, gơ kờ` mờ geh gơtha jrô ơnàng, pơgồp bơnah kuơ màng tàm broă prap gàr, lơh niam wơl mờ ngui niam bơta niam chài bơh yau bơh jơi bơtìan Việt Nam dê bè:  Ù tiah bơta niam chài ồi kòn cau; Ù tiah lơh gơlik wơl dơ\ lơh yàng bơh yau bơh làng bol ală jơi bơtìan kòn cau; Ù tiah bơsram broă lơh tà` ồi kòn cau ală jơi bơtìan Việt Nam; ràng tơlik phan soh ồi kòn cau; dơ\ pơr lòng Ùr hàng niam nhơl chờ Việt Nam dơ\ 2, dơ\ pơr lòng was plung ờs mờng bơh yau jak ngan dà lơgar nam 2020; Dơ\ jàu pà Sră dờp sơn đan mat Công viên địa chất gùt plai ù UNESCO Dak Nông.

                              Bơta niam tàm dơ\ lơh chờ bơta niam chài ồi kòn cau Việt Nam dơ\ 2

Kung  tàm tơngume dơ\ lơh chờ bơta niam chài ồi kòn cau Việt Nam dơ\ 2 neh geh lơh broă lơh tìp mat lơh kuèng bơta niam chài ală jơi bơtìan kòn cau. Mờr 200 nă nghệ nhân là jơi bơtìan kòn cau tàm càr Dak Nông, Dak Lak, An Giang, Lâm Đồng, Bình Phước, Tuyên Quang, Bạc Liêu, Tiền Giang tus bal lơh gơlik wơl ală dơ\ lơh yàng, pơgồp bal ràng tơlik dròng cing ja` mồng mờ tam ya bơhìan bơh yau. Ală dơ\ lơh yàng geh lơh gơlik wơl bè “Dơ\ lơh yàng chờ hờp kàl geh tơn hào bơh làng bol kòn cau M’Nông, càr Dak Nông dê; dơ\ lơh gơ lik wơl jrong hìu mờ dơ\ lơh yàng chờ mut hìu pa bơh kòn cau Prum tàm An Giang dê; dơ\ lơh yàng `ô lir bông bơh kòn cau Mạ tàm Lâm Đồng; Dơ\ lơh yàng lơh mè mờ kòn bơh kòn Rơdê dê; dơ\ khai đèn bơh kòn cau Cao Lan, càr Tuyên Quang; dơ\ lơh chờ bơh yau bơh kòn cau Khmer càr Bạc Liêu; Đờn ca tài tử càr Tiền Giang dê.

Đơs tàm dơ\ tơn jơh dơ\ lơh chờ bơta niam chài ồi kòn cau Việt Nam dơ\ 2, mò Tôn Thị Ngọc Hạnh, Phó Chủ tịch Ủy ban Nhân dân càr Dak Nông đơs nền: ală broă lơh tàm dơ\ lơh chờ neh dong làng bol ală jơi bơtìan tàm gùt lơgar geh dơ\ tìp mat lơh kuèng, nùs nhơm sơlơ tam klăc bal, pơgồp bơnah bơt bơtàu, bơtàu tơnguh lơh sa- mpồl bơtìan mờ prap gàr ală phan lời wơl bơta niam chài bơh mpồl bơtìan ală jơi bơtìan oh mi dê. Ngan là bơh dơ\ lơh chờ, ală bơta niam chài bơh yau krơi is ngan bơh làng bol ală jơi bơtìan càr Dak Nông dê geh yal tơng^t ua\ ngan tus mờ năc tus bal rềp, ngài, pơgồp bơnah sơlơ tơnguh nhơl chờ bơtàu tơnguh.

Quốc Học jat ba\u Dak Nông- Cau mblàng K’ Hạnh