VOV4.K’ho- Tơnơ̆ 3 ngai geh lơh uă broă lơh tìp mat lơh kuèng niam chài, mang ngai 11/04, tàm ƀòn dờng Hội An “Ală ngai niam chài Hàn Quốc tàm Quảng Nam, Hội An nam 2021” bơh UBND càr Quảng Nam, Đại sứ quán Hàn Quốc, Anih tờm bơta niam chài Hàn Quốc tàm Việt Nam pơgồp bal bơyai lơh dơ̆ tơn jơh. Mờ uă ngan broă lơh sền gĭt li la, jòi gĭt bè bơta niam chài, nhơl chờ, phan sa Hàn Quốc dê, broă lơh neh lời wơl bơta niam ngan tàm nùs nhơm làng bol tiah ƀòn dờng Hội An mờ năc lòt nhơl in.

Tơn jơh “Ală ngai niam chài Hàn Quốc tàm Quảng Nam, Hội An nam 2021”

Ală broă lơh tìp mat lơh kuèng neh lơh niam ngan rlau tai bơta gĭt gơ̆p, sơlơ tam klăc bal gĭt gơ̆p, lơh broă bal bơtàu tơnguh kơ̆ kơl jap đah Quảng Nam mờ ală tiah dê mờ là càr lơh broă bal bơh Hàn Quốc dê. Broă lơh do là dơ̆ nàng yal tơngĭt, tàm tơrbŏ wơl gơ hòi gơ jà nhơl chờ đah 2 lơgar tơnơ̆ kòp Covid-19. Mờr tus, dilah sền gròi kòp Covid-19, càr Quảng Nam geh lơh broă bal mờ ală gah nhơl chờ nàng ală anih lơh broă dà lơgar ai gơnoar geh lơh ală dơ̆ par ơpah jun năc lòt nhơl Hàn Quốc rê wơl mờ Quảng Nam.

Cau mblàng K’ Hạnh