VOV4.K’ho – Dơ\ bơyai lơh pơr lòng Mpồl mblàng jơnau niam chài tiah nhàr dà lơgar, bồt dà lềng dơ\ 10 tiah tàm gùl dà lơgar mờ Tây Nguyên nam 2019 pa tơn jơh tơ nơ\ 3 ngai pơr lòng. 350 nă cau chài gơwèt 13 mpồl neh tus bal dơ\ bơyai lơh, neh lơh ngan pơr lòng tàm 13 broă lơh bal mờ 84 jơnau pơr lòng niam ngan geh lơh lèu lơyah, lơh lèu đơs pơnđik, tamya mờ teh gùng đơs crih kòn cau. Ală mpồl pơr lòng neh rơwah broă mut lơh li la, ua\ ngan, bơyai lơh jơh nùs ngan, ai lơh pơn yơu mờ ală bơta ràng tơlik krơi is. Gùt broă lơh geh ua\ bơta niam ngan, mblàng loh làng bơta kuơ tơngume, jơnau bơceh, mblàng yal. Ală bơta kuơ niam chài bơh jo\ kung geh ală mpồl ngui ua\ ngan.

Bơnah lơh lèu yal jơnau tơr gùm ua\ jơnau lơh lài, lơh gơlik bơta kah kơ lôi niam ngan gơ wèt tus mờ cau sền jơh bal bè tơngume kờ` đơs tus kung bè bơta chài lam lơh ală cau pơr lòng dê. Tơn jơh dơ\ pơr lòng, Bộ Văn hóa, Thể thao mờ Du lịch neh pà 13 Bằng khen ai ală mpồl in tài neh geh ua\ cồng nha niam ngan tu\ tus bal dơ\ bơyai lơh; pà bằng khen ai 2 mpồl bal mờ 10 nă cau dùl nă să is in gơ wèt mpồl ling sền gàr tiah nhàr dà lơgar tài neh geh cồng nha jak ngan tàm broă pơ gồp bal bơyai lơh pơr lòng. Cục văn hóa [òn lơgar (gơ wèt Bộ Văn hóa, Thể thao mờ Du lịch) pà 35 gai lòng bìang, 25 gai lòng trà ai ală jơnau tus bal dơ\ bơyai lơh in.

Cau mblàng K’Duẩn