VOV4.K’ho - Kòn cau Sơdàng kis tàm [òn Kon Klốc, xã Đăk Mar, kơnhoàl Đăk Hà, càr Kon Tum gam lơh sùm uă broă lơh chờ ờs mờng. Hơ\ là lơh chờ gờm dà mbòr, lơh chờ gờm kòi pa, lơh chờ gờm hìu rông...

Tàm tơl bơta lơh chờ hơ\, pal geh dròng cing mồng mờ ală jơnau đơs pơn đik mờ tamya ờs mờng kòn cau Sơdàng dê.

Cau chài Ưu Tú Y Khar kis tàm [òn Kon Klốc, xã Đăk Mar, kơnhoàl Đăk Hà, càr Kon Tum pà g^t: Bơh rơnàng lài do, làng bol kis tàm [òn neh lòt jòi bal tô dà nàng lơh dà mbòr [òn lơgar in ngui sa.

                                            Mpồl dròng cing kơnòm să [òn Kon Klốc

Bơh dà mbòr do, làng bol kis tàm [òn lơh ală bòng dà dềt nàng lam dà tus tàm ală hìu. Tu\ do, lơh chờ kung gam geh lơh, kờ` lam sồr, bơto bơtê tơl nă cau in g^t bè dùl bơhiàn ờs mờng niam bơne\ kòn cau dê.

Lơh chờ dà mbòr geh rơcang nền nòn ngan, tài dà niam, sàng geh cèng rài kis hờm ram tus tơl hìu, ờ gơtìp kòp tê jê să.

Tàm broă lơh yàng, làng bol geh rơcang dùl nơm sur ha là iar nàng kra [òn siăt ngko, tơnơ\ mờ hơ\ rơsìh 3 ntờc mhàm tàm dà mbòr, kơ\p mhàm klài ndrờm bal tàm dà tus tàm tu\ dà sàng hơ\ sồng hùc tơrlòng dà ntờc hơ\ nàng kờ` g^t dà bơkah, bơh tu\ hơ\, hơ\ sồng tơl^k kơrnoăt dà hơ\ geh tơl kloh niam nàng ròng kis làng bol [òn lơgar lah ờ.

Tàm [òn Kon Klốc, xã Đăk Mar, kơnhoàl Đăk Hà, càr Kon Tum, lơh chờ gờm kòi pa gam geh lơh sùm pah nam. Lơh chờ geh bơyai lơh tu\ kòi geh tơwès, ìs ra` mờ geh cèng prăp tàm đam.

Tu\ cèng kòi prăp tàm đam, cau hìu nhă geh siăt iar mờ ai drăp tơrnờm nàng duh khoai. Mhàm iar geh cau tàm hìu nhă ngui nàng pih tềng [ào, tềng bong kòi, tềng ntùng đam mờ bàr đah mpồng mu\t tàm đam.

Do là broă lơh yàng geh bơyai lơh pah nam, geh kuơ tàm broă pơn jờng gar kòi bơh yàng pà hìu nhă in.

Dùl bơta lơh chờ tai bơh làng bol [òn Kon Klốc dê ờ gơtùi ờ đơs tus là lơh chờ gờm hìu rông. Bu\ lah ờ bơyai lơh sùm, mìng geh lơh pah tu\ lơh wơl, lơh niam wơl hìu rông, mơya lơh chờ do geh bơyai lơh dờng ngan.

Pah tu\ [òn rơcang lơh niam wơl hìu rông, ndrờm pal yal lài nàng làng bol [òn lơgar in g^t tàm tơngai jo\ ngan, nàng làng bol tềm pềr, prăp gàr priă blơi rơpu, sur bơyai lơh yàng. Tu\ broă lơh niam wơl hìu rông geh lam sồr, làng bol [òn lơgar ndrờm tus bal lơm.

Tơnơ\ mờ tu\ hìu rông geh lơh gơs, ală cau tàm [òn geh lơh jăt broă lơh yàng, hơ\ sồng nggui gùt dar `ô sa, đơs crih tamya... Tu\ hơ\, ală cau kra geh yal ală cau kơnòm in g^t jơnau bè broă lơh [òn, ală kal ke, ală glar bòl kòl jan kal ke, kung bè bơta pràn nàng lơh gơs dùl nơm hìu rông.

Cau chài Ưu tú Y Khar kis tàm [òn Kon Klốc, xã Đăk Mar, kơnhoàl Đăk Hà, càr Kon Tum pà g^t: {òn tu\ do gam geh 3 mpồl dròng cing. Tàm hơ\ mpồl cau dờng sơnam mờ mpồl ơruh pơnu tơl mpồl geh 25 nă, mpồl kơnòm dềt geh 30 nă.

Ală mpồl dròng cing ndrờm tus bal tàm ală dơ\ lơh chờ [òn lơgar dê mờ lòt pơrlòng uă tiah tàm càr mờ càr ndai. Ală nam pa do, kung neh geh uă ngan cau tus mờ [òn Kon Klốc nàng lùp sền mờ iăt săp dròng cing tàm [òn do.

Cau mblàng Ndong Brawl