VOV4.K’ho- Ngai 16/3, ồng Nguyễn Đức Thuận, Kuang ătbồ Sở Y tế càr Lâm Đồng pà gi\t, ùr drơng broă gah rơndeh par sơnđan măt T.T.L.H tàm rơndeh par VN018 bơh lơgar Tây rê hờ [làng rơndeh par dunia Nội Bài ngai 10/3 gam tam cah is tàm Dà Làc geh cồng nha xét nghiệm ờ bơtờp mờ virus Sars CoV 2.

Lài hơ\, tàm ngai 14/3, Sở Y tế càr Lâm Đồng dờp geh jơnau yal bơh Anih tờm gròi sền kòp tê jê să [òn dờng Hà Nội dê, ùr drơng broă gah rơndeh par sơnđan măt T.T.L.H tàm rơndeh par VN018 bơh lơgar Tây rê hờ [làng rơndeh par dunia Nội Bài, [òn dờng Hà Nội geh mhàm kòp xét nghiệm bơtờp mờ virus Sars CoV 2 dơ\ 50 tàm Hà Nội tu\ do gam ơm tàm [òn dờng Dà Làc.

Tơnơ\ tu\ dờp geh jơnau yal, Anih tờm gròi sền kòp tê jê să càr Lâm Đồng sồr bi H tus tiah tam cah is bơh Hìu sơnơm dờng càr Lâm Đồng dê mờ ai mhàm pơyua tus Viện Pasteur [òn dờng Hồ Chí Minh xét nghiệm virus Sars CoV 2. Ngai 15/3, Viện Pasteur [òn dờng Hồ Chí Minh pơyua cồng nha xét nghiệm ờ bơtờp kòp do gơ wèt mờ bi H.

Ală cau tam cah is geh să ja` pràn kơldang bè ờs. Tu\ do, Anih tờm gròi sền kòp tê jê să càr Lâm Đồng kung gam jăt sền mờ tam cah is 14 ngai gơ wèt mờ ùr drơng broă gah rơndeh par mờ ală cau tam tìp ơm rềp mờ bi H jăt di jơnau sồr.

Cau mblàng Lơ Mu K’Yến