VOV4.K’ho – Tàm sơnam 70, ùr pơgru – Nghệ nhân ưu tú Y Blưn (kòn cau Bahnar) tàm càr Kon Tum kung gam jơh nùs ngan mờ broă lơh bơto bơtê dà đơs kòn cau he dê, mơkung geh ua\ broă lơh pơgồp bơnah sền gàr mờ bơtàu tơnguh bơta kuơ niam chài bơh jo\ kòn cau dê.

Deh mờ dờng tàm  Kon Tum Kơ Pơng, dùl tàm ală [òn làng bol kòn cau Bahnar ơm kềng gah dà dờng Đăk Bla niam bơne\, tu\ gam dềt, Y Blưn bơtuah ngan geh lòt bơsram mờ gơ gơs là dùl tàm khà êt ngan cau pơgru kòn cau sơn rờp bơh càr Kon Tum dê tơnơ\ ngai tiah đah jum dà lơgar geh tơngklàs jơh.

Bơh sơn rờp, broă lơh bơto bơtê gơtìp ua\ ngan kal ke tài ờ hềt geh sră nggal tơl khà dà kòn cau Bahnar, tơl nă cau pơgru pal cih is sră nggal bơto bơtê he dê. Mơya ùr pơgru Y Blưn geh bơta [uơn rlau là tài bơh mò là cau Bahnar, geh jơnau git wă bè dà kòn cau Bahnar, bè niam chài, bè kah yau kòn cau Bahnar, geh jơnau git wă bè rài kis mờ mờng chài ngan ngồn. Mờ jơnau git wă, mờng chài tàm broă lơh bơto bơtê mờ bơta jơh nùs he dê, ùr pơgru Y Blưn neh cèng tus tơl nă cau in ală jơnau bơsram mờ dà kòn cau Bahnar geh kuơ ngan, ờ mìng bè jơnau git wă dà đơs, mờ gam jơh bal ală jơnau git wă geh kuơ ngan bè niam chài, kah yau, ù tiah ơm kis… bơh cau Bahnar dê. Bulah neh jơh sơnam rê rlô lơh broă mơya ùr pơgru Y Blưn kung gam ờ rlô, tài sền go\ să tờm he kung gam pràn mờ gam geh kuơ mpồl bơtìan in. Bè hơ\ den tàng, pơgru Y Blưn neh dờp jơnau jà lơh cau pơgru, jo\ jo\ den bơto dà Bahnar tàm Tiah tờm bơto bơsram sùm càr mờ Tiah tờm Bơto pơlam Chính trị [òn dờng Kon Tum.

Nghệ nhân ưu tú Y Blưn

Là cau Bahnar, ùr pơgru Y Blưn gam là cau jơh nùs ngan tus bal bơh mpồl đơs crih tamya [òn dê. Pơgru Y Blưn git tamya xoang ờs mờng, git dròng cing mồng mờ git đơs ală gùng đơs pơnđik kòn cau Bahnar dê. Pơgru Y Blưn pơlam mùl màl ală bơta chài tamya xoang, dròng cing mồng gơ gơs dà đơs [uơn ngan, [uơn wă, [uơn git bơto tus tơl nă cau gùt dar in. Pơgru Y Blưn sùm lam lơh ngan ngồn, jơh nùs bơto bơtê ua\ cau in, ngan là kơnòm bơsram tàm ală hìu bơsram tàm [òn lơgar. Pơgru Y Blưn gam là cau cèng tus bòr cing gle bơh jo\ tus mờ [òn Kon Tum Kơ Pơng, mơkung pơlam cau kơnòm să in tru\ gơm ală bơta phan sa ờs mờng cah Bahnar tàm [òn lơgar dê.

Tàm dùl dơ\ tus bal Pơr lòng cing mồng tiah Tây Nguyên tàm càr Gia Lai, gơ lơh kờ` tài bơh phan nhơl gùng đơs crih bal hia\ mờ krơi is ngan bơh mpồl nghệ nhân càr Gia Lai dê nhơl, pơgru Y Blưn neh jòi git, bơsram mờ pơlam wơl kòn cau A Long mòn gơs gơtùi phan nhơl gùng đơs crih do nàng ngui. Mờ broă bơto bơtê bềng bơta ngan ngồn mờ bơceh pa, pơgru Y Blưn neh lơh kis wơl sap ntas bơh dùl phan nhơl đơs crih bal hia\ mơya krơi is mờ niam ngan hơ\.

Ùr pơgru Y Blưn bơto tru\ gơm phan sa kòn cau Bahnar dê

Tàm sơnam 70, să jan neh ờ huan pràn tai, mơya ùr pơgru – nghệ nhân Y Blưn kung ờ hềt tu\ lơi sơbì te\ ală jơnau kờp du\ bè broă sền gàr bơta niam chài kòn cau dê. Pơgru Y Blưn pơn iờ să ngan tài tàm hìu bơnhă gam bơt bơtàu gơs 3 rơnàng tàm pơn jat sền gàr mờ bơtàu tơnguh bơta kuơ niam chài bơh jo\. Cèng jơh nùs tồr, dà kơl hề nàng sền gàr mờ bơtàu tơnguh bơta niam chài bơh jo\, hơ\ là bơta chờ hờp bal hia\ ngan bơh ơgru Y Blưn dê mơkung là jơnau mờ pơgru Y Blưn geh tơl nă cau pin dờn, kờ` gơboh, sền ngềr mờ ki ngàm.

Cau mblàng K’Duẩn