VOV4.K’ho- Bulah sơnam neh dờng mờ sap đơs ờ gam tơl pràn, mpong ntas bè sơnam gam kơnòm să, mò Y Brai, kòn cau Banhàr ơm tàm [òn Kon Túc, xã Đăk Pne, kơnhoàl Kon Rẫy, càr Kon Tum mờ bơta kờ`, bơta gơboh jơnau đơs pơn đick kung gam sùm lời jơh nùs nhơm, lơh niam tai tơl jơnau đơs pơn đick pah dơ\ ràng tơlik ai tơl nă cau in iăt sền.

Neh mờr 80 sơnam mơya sền mò Y Brai, kòn cau Bahnàr, ơm tàm [òn Kon Túc, xã Đăk Pne, kơnhoàl Kon Rẫy, càr Kon Tum gam kơnòm să, pràn kơl dang mờ ngăc ngar ngan. Digơlan kơnờm nùs nhơm ờ kơlôi sơnơng tài bơh bơta kờ` gơ boh, bơta kờ` mờ jơnau đơs crih neh dong mò Y Brai in sền kơnòm rlau mờ sơnam ngan mò dê.

                           Mò Y Brai jơh nùs ngan bơto wơl gùng đơs pơn đick ai ală kơnòm dềt in

Mò Y Brai pà g^t: bơh tu\ gam dềt mò neh geh iăt mè đơs jơnau đơs pơn đick kòn cau Bahnàr, ală bơta hơ\ lơh geh bơta kờ` jòi sền, gơ kờ` ngan, mò jơh nùs ngan bơsram đơs jơnau đơs pơn đick; mờ hời rơ hời geh mè mờ ală cau kra tàm [òn bơto ală gùng đơs pơn đick kòn cau Bahnàr dê. Ntàu dờng, tu\ mè bèp lòt lơh mìr, ơm tàm hìu ròng oh, mò sùm pơn iang oh b^c mờ ală jơnau đơs pơn đick.

Tơnơ\ do, tu\ neh dờng ơruh, mò bơtê bơceh jat ală gùng đơs pơn đick yau nàng đơs ală jơnau đơs ràng tơlik nùs nhơm he dê mờ jơh bal mờ broă yal tơng^t ală bơta he sền go\ geh bè rài kis gùt dar.Ai bơh tàm kơl dung geh tà` mờ phan kòn cau bơh he dê, mò Y Brai yal ală jơnau đơs mò pa bơceh mờ jơnau đơs kòn cau Bahnàr dê, hơ\ là ală jơnau đơs pơn đick: Mè pơn iang kòn, Bi lòt tiah lơi oh jat tềng hơ\, Jơnau đơs kờ` gơboh, Bơta kờ` gơboh ùr klau dê…

Mò Y Brai pà g^t, mò neh cih jơnau mờ phổ nhạc is ai uă jơnau đơs in jat tàm ală gùng đơs pơn đick kòn cau Bahnàr bơh yau dê mờ mò geh bơsram mờ prap gàr wơl bơh ồng pàng he dê. Ală jơnau đơs pơn đick hơ\ sùm cèng bal tơngume li la mờ uă ngan, jờng rơ uă gah tàm rài kis bè bơta niam tàm broă lơh broă sa, bơta kờ` gơboh [òn lơgar, dà lơgar, bơta kờ` gơboh ùr klau, bơta niam bơne\ trồ tiah dờng ơning ơ nàng dê…

                     Mò Y Brai kung gam prap gàr ală broă lơh bơh yau bal mờ ală bơta kờ` đơs jơnau đơs pơn đick

Nam 1968, tus bal tàm mpồl ơruh pơnu lam lài tàm rài tam lơh tam dră mờ bol sò tơm Mỹ, drơng broă tam lơh tàm tiah An Khe. Mờ bơta chài is bal mờ bơta kờ` ngan đơs jơnau pơn đick, mò Y Brai tu\ hơ\ neh bal mờ cau ling bal he dê cèng jơnau cih, jơnau đơs nàng pơn jờng, pơn dờm pơn điang cau ling.

Tơnơ\ ngai dà lơgar tơr gùm dùl, nam 1975, rê bơh tiah tam lơh, mò Y Brai pơn jat tai broă lơh mờ tă pơgồp tàm ù tiah he dê tàm uă ngan broă lơh đơs crih tam ya, tàm ală dơ\ lơh chờ. Tu\ sơnam neh dờng, mò geh pin dờn pồ lơh Cau atbồ Chi hội Cau dờng sơnam tus tu\ do, mơ kung chờ hờp ngan geh Đảng mờ Dà lơgar jàu pà 18 akhar biàng bơngă pin dờn “Sơnam dờng nùs nhơm sơlơ uă, lơh krơh àng tài broă lơh bơt bơtàu mờ sền gàr Dà lơgar”

Bơdìh mờ broă đơs jơnau pơn đick mờ đơs pơn iang tàm ngai lơh chờ bơh [òn dê, mò Y Brai ơm tàm [òn Kon Túc, xã Đăk Pne, kơnhoàl Kon Rẫy, càr Kon Tum gam tus bal bơto bơtê wơl ală jơnau đơs pơn đick, ală gùng đơs pơn đick pơn iang kòn ai ală rơnàng kơnòm să [òn Kon Túc dê in, tàm hơ\ geh 5 nă cau bơsram bơh mò dê neh g^t bơceh is jơnau đơs pơn đick jat tàm ală gùng đơs pơn đick kòn cau Bahnàr dê

Mò Y Brai neh bal mờ mpồl đơs crih tam ya bơh [òn dê tus bal uă dơ\ pơr lòng jơnau đơs pơn đick bơh càr, kơnhoàl dê bơyai lơh, drơng broă năc lòt nhơl in… Broă lơh niam chài- đơs crih tam ya drơng ală ngai chờ dờng màng tàm [òn Kon Túc dê, ờ gơtùi ờ geh gơnoar broă cau tờm bơto bơtê bơh mò Y Brai dê.

Quốc Học jat ba\o Kon Tum- Cau mblàng K’ Hạnh