VOV4.K’ho- Tàp võ, bơh sơnrờp mìng nàng kờ` tơnguh pràn kơldang să jan lơm, mơya tàm ală tu\ tàp bòl glar bal mờ jơnau kờ` ngan mờ bơta lơh ngan jơh nùs uă neh dong Y Hlih lơh geh uă cồng nha jak ngan. Ùr ơruh cau Bahnar 19 sơnam do, là cau tàp pràn să jan kơnòm să pơnrơ bơh càr dê geh sac rwah ai lòt Pơrjum dờng Ơruh pơnu gơguh jak lơh jăt jơnau Bác Hồ dê bơto gùt lơgar dơ\ 6 geh lơh tàm càr lơgar Hà Nội tàm lồi nhai 5 nam 2020.

Tus wơl tàp tơrgùm bal tơnơ\ tơngai lơh jăt jơnau sồr ơm yah ngài mpồl bơtiàn, oh Y Hlih chờ hờp mờ chờ rlau tàm tơl broă tàp. Tiah tàp balhiă ngan bơh klau pơgru Lê Đức Cường dê tàm lồi gùng Đào Duy Từ bơh jo\ neh gơ gơs là anih pơrgon mờng quèng bơh oh dê mờ ală cau pơrlòng tàp pràn să jan kơnòm să môn võ bơh yau, kick boxing tus bơh Anih tờm Pơlam tàp mờ tàm pơrlòng tàp pràn să jan càr dê.

Geh deh bơh tàm dùl hìu bơnhă lơh broă sa tàm [òn Kon Rờ Bàng 1, xã Vinh Quang, [òn dờng Kon Tum, rài kis bòl glar neh lơh oh ùr dềt Y Hlih sùm kờ` ngan lùp bơsram, mơya tài bơh ờ geh tơl bơta tàp đơs crih tam ya, tàp pràn să jan  lơh ndai bơdìh mờ tàp tàm hìu bơsram. Bơtuah ngan bè lơi hơ\, rềp hìu oh dê geh võ sư Năm Định, rơnàng cau dơ\ 2 tàm hìu bơnhă geh bơhiàn ờs mờng võ Năm Tao tiơng pơnrơ ngan tàm [òn dờng Kon Tum dê sùm jơh nùs bơto võ bơh yau, den tàng tu\ gam bơsram ơdu\ 6, Y Hlih neh kong bòl glar bơsram, kơ\p kờ` geh tai bơta pràn kơldang să jan. Ờ go\ gi\t là, oh ùr dềt cau kòn cau Bahnar do neh gơtìp gơhoài gơ jà ngan tài bơh môn võ bơh yau. Tơryăng tơryồng ngan tàp, Y Hlih geh cau sền gròi tài bơh mhar ngan tơngo\ bơta jak is, kung bè jơnau kơ\p kờ` ngan pal sền ngềr ngan.

                              Y Hlih tàp môn lòt cak càng èk tàm [làng coh plai

Nam oh 13 sơnam, pa tàp võ bơh yau, 16 sơnam geh rwah tơmu\t tàm mpồl tàp pràn să jan chài is bơh càr dê, nam do 19 sơnam, Y Hlih đơs nền bơta pràn, ai geh uă cồng nha jơnhoa. Bi Lê Đức Cường là cau pơlam tàp võ bơh yau, pà gi\t: kơnờm bơh kơ\ nùs, oh jak mhar ngan, jak rơhời, geh bơta gơn kơnờm niam. Nam 2018, dơ\ sơnrờp tus bal dơ\ pơrlòng cau kơnòm să kick boxing gùt lơgar tàm càr Gia Lai, oh pơrlòng geh Gai lòng Lơngo.

Sơrlèt gan tu\ tơngai tàp, kơ\ nùs lơh ngan pơđơl pràn bal mờ bơta kơ\p kờ` ngan, lơh ngan jơh nùs mờ pơđơl pràn sùm ờ go\ git bòl glar, Y Hlih ngai sơlơ tơngo\ loh là dùl tàm khà “gar sơntìl” kuơmàng ngan bơh gah tàp pràn să jan càr Kon Tum dê. Nùs nhơm kơ\ dơn, broă lơh ờs mờng ngai sơlơ geh jak chài, nùs nhơm tàm pơrlòng kơ\ dơn, tơngai do, cau tàp pràn să jan kơnòm să do sùm lơh geh cồng nha pơrlòng jak ngan. Nam 2019, là nam lơh geh cồng nha pơnrơ ngan bal mờ Gai lòng biàng tàm dơ\ pơrlòng kick boxing gùt lơgar, Gai lòng trà môn võ bơh yau gùt lơgar mờ Gai lòng trà môn tàp pràn să jan jơi bơtiàn ntoăt cak càng èk tàm Dơ\ pơrlòng tàp pràn să jan jơi bơtiàn gùt lơgar tiah 2.

Cồng nha lơh geh bơh Y Hlih dê neh pơgồp bơnah uă ngan tàm cồng nha tàm pơrlòng bal bơh ală cau tàp pràn să jan càr Kon Tum dê tàm ală dơ\ pơrlòng tàp pràn să jan tàm lơgar mờ tàm tiah do. Mìng is tàm nam 2019, mpồl cau tàp pràn să jan càr Kon Tum dê geh ơm dơ\ 2 gùt mpồl tàm kờp jơh khà 17 càr lòt Pơrlòng tàp pràn să jan jơi bơtiàn gùt lơgar tiah 2.

Kis pơndềt să, kờ` ngan tàp pràn să jan, Y Hlih neh mờ gam ai jơh pràn tă pơgồp bơta pràn kơnòm să he dê ai broă lơh tàp pràn să jan lơh geh cồng nha uă bơh càr dê. Gơ wèt mờ oh, jơnau nting tơngkah bơh Bác Hồ dê “Tơl dùl nă làng bol ờ pràn, hơ\ là jơh gùt lơgar ờ pràn. Tơl dùl nă làng bol pràn hơ\ là jơh gùt lơgar pràn kơldang”, dềt rơhền ngan mơya geh bơta kuơ jrô ơnàng ngan.

Jăt Báo Kon Tum- Cau mblàng Lơ Mu K’Yến