Tài khà priă bơ sơt kau su gơmù lơyah, ờ uă hìu nhă tàm ntum Nhân Đạo, kơnhòal Dak Rlâp, càr Dak Nông, gam tàm jà gơp kơl săng tờm kau su nàng tam tiêu, la tờm chi tam gam tac geh yòm ngan tu\ do. Ồng Nguyễn Điểu ơm tàm bòn 1, ntum Nhân Đạo mblàng jơnau `chi bơh tài hìu nhă neh kơl săng mờr 600 tờm kau su gam tàm tơngai tơnhàu, mờ digơlan kơl săng 600 tờm tai:“Tu\ do khà priă bơ sơt kau su lơyah ir, 1 ngai còr geh 12 ki\ den tac mìng geh mờr 200 rbô, mờ ơpah cau còr den neh roh 150 rbô, den tàng ờ tơl priă, den a` kơl săng nàng tam tiêu bal mờ kơphe, nàng cồng nha tơnhàu geh uă rlau. Kung kơp khà priă gơguh halà là ờ den lời wơl, dilah ờ gơguh tai den kơl tai.”

Ồng Đỗ Tấn Hòa kuang atbồ mpồl cau lơh broă sa ntum Nhân Đạo đơs la, dilah he mìng jat khà priă tàm drà kă bro, den sùm gơlik geh bơta kơl hơ\ sồng tam, tam hơ\ sồng kơl, làng bol geh pơnjat tai gơtìp hoàc huơr uă rlau. Nàng gơtùi geh 1 lồ kau su tơnhàu, làng bol pal roh rlau 7 nam tam mờ sơngka sền gàr. Dilah kơl săng nàng tam tiêu, den làng bol pal kơp 3 nam tai hơ\ sồng gơtùi tơnhàu. Tus tu\ hơ\, ờ gơtùi git là khà priă tiêu jơnhua rlau mờ khà priă kau su halà ờ. Ồng Đỗ Tấn Hòa đơs:“Khà priă den tu\ do gơmù, mơya ngai hìng den digơlan gơguh, ai dilah sùm jat khà priă den he ờ lơh geh cồng nha, sùm hoàc huơr. Neh geh ờ uă làng bol kơl săng tờm kau su, mơya broă hơ\ den làng bol ba` lơh jat, bơta hơ\ là lơh ờ di.”

Ntum Nhân Đạo tu\ do geh rlau 1 rbô lồ kau su, 1/3 khà do neh còr bơ sơt. Jơh ală khà kau su gơtìp kơl săng là bă kau su geh tam bơrlu\ tàm suơn kơphe. Tềng đăp broă làng bol kơl săng kau su tài khà priă gơmù lơyah, gơnoar atbồ tàm bòn lơgar neh tus tơl hìu nhă nàng lam sồr, bơto làng bol ba` ur ar tam tiêu. Ồng Phạm Thanh Nhựt kuang atbồ anih làng bol ntum Nhân Đạo đơs:“ Anih duh broă ntum neh klo yal bè bơta làng bol kơl săng tờm kau su, den bol a` neh tus tơn ală hìu nhă, mờ tàm ală dơ\ pơrjum den bol a` kung pơ gồp bơta do, mblàng yal, lam sồr làng bol ba` jat ir tàm khà priă.

………………………….                                                                        

Đơs tus broa\ cau tam, kơl cao su nàng tam tiêu, ồng Triệu Văn Tiến  kuang jat jơng at bồ Anih tờm bơto pơlam broa\ lơh sa sươn sre, chi brê, phan tam dà Dak Nông, đơs, tàm Dak Rlấp, Tuy Đức, càr Dak Nông, tu\ do gam geh ờ ua\ ba\ tam cao su mờ tơnhàu êt ngan. Gơbàn geh bơta do la tàm ala\ nam lài,  làng bol geh lơh ngan tam ua\ cao su jat bal mờ ờ sền ù tiah, trồ tiah mờ geh ngui khà  sơntìl ờ niam. Ồng Triệu Văn Tiến đơs:

Sươn cao su mờ neh tam di 7 nam bloh, gơya cồng nha tơnhàu ê\t ngan, geh tu\ geh tiah cao su gam ờ geh bơsơt tai, den la ngan ngồn la pal kơl koh sang, ngan ngồn la he ờ geh sền sơnơng lài nàng rwah cao su di pal. Den he bơsong ala\ sươn cao su hơ\ mbè lơi den gơ jat bơh làng bol he gơtùi tam gơl gơs tam chi tam ndai, ai di lah tam wơl tai cao su den pal jòi cau dong pơlam nàng rwah geh sơntìl  cao su mờ tam tềng hơ\ den geh sền gàr geh ai cồng nha tơnhàu jơnhua.

-Bè ồng pa mblàng yal, sươn cao su neh rlau ngui sơntìl ờ niam den ha pal kơl sang. Bulah bè hơ\, di lah sươn cao su gam ai tơnhàu ua\, mơya bơh pria\ bơsơt cao su gơbàn gơmù lơyah, lơh pria\ geh ê\t den làng bol kơl sang lah ờ nàng geh tam tờm chi tam jo\ sơnam ndai?

Ồng Triệu Văn Tiến:Tu\ do sươn cao su gam tơnhàu ua\, niam mờ di gơlan bơh pria\ bơsơt cao su gơmù, làng bol kờ` kơl sang nàng tam chi tam ndai ai tơnhàu ua\ rlau den jat a` la ờ go\ di lơh mbè hơ\, tài la cau tam tam ua\ ngan cao su, ờ go\ di he ai bơh hơ\ mờ he kơl sang cao su. Mờ kơphê hala tiêu den jat a` gơ drờm gơ jat bơta gơguh gơmù, tu\ do mờ tam gơ den geh tac yòm ha pal kơp 1-2 nam tai hơ\ sồng geh tơnhàu den 1, 2 nam tai gơmù tai pria\ den mbè he lơh. Tiêu la chi tam kan ngan tam, gơ mờ gơ kòp den kan ngan bơsong. Cao su gam la chi tam bươn tam ngan rlau jơh, gơ ai tơnhàu sùm.

-Ơ ồng, tu\ pria\ cao su gơmù lơyah den cau tam pal bơsong sươn cao su mbè lơi nàng kơryan gơbàn hoàc hươr?

Ồng Triệu Văn Tiến:He gam pal sùm bơcri mờ tơnhàu bè ơs jat  bè gơ geh, kung ờ go\ di tài bơh pria\ lơyah mờ ờ bơcri, ờ sền gàr, den tus tu\ gơguh kas pria\ den sươn cao su he neh ờ sô tai den ờ geh tơnhàu, den làng bol pal geh bơta sơnơng kờp du\ nền nòn. Niam rlau jơh la he gam pal sền gàr gơ bè ờs, pơnjat tai geh  sơng ka sền gàr, geh bơsơt ka\ bro kơp gơguh khà pria\.

-Ưn ngài ồng ua\ ngan!