VOV4.M'NÔNG - Ăp nar rlău aơ, mpôl Công an n'gor Dak Nông hŏ lơh chrai mbro ăp rơh tâm ntul sa prăk nchroh chưng play; tâm nê geh rnoh prăk tâm ntul nchroh rlău 600 rmen prăk. Geh 2 chuyên viên ăp Sở ta n'gor Dak Nông geh tât mât bôk kan tâm ntul nchroh chưng play sa prăk.

VOV4.M'NÔNG - Tâm năm 2022, Prăk nkrem ntop kơl ƀon lan kan lŏ mir Dak Lak hŏ rgum geh rlău 5 rmen prăk, n'hao lĕ rngôch tơm prăk tât rlău 52 rmen prăk kơl ƀon lan kan lŏ mir hun hao tuch tăm mât rong rgop jut jăng ji ngot n'hŭch ach o.

VOV4.M'NÔNG - Ăp năm mhe aơ, mpet jâk mât njrăng bri nar lơn ma hô rnôk ndơ kơl đêt, klach rvê way rŭ hôch dôl kâp ndŭ ƀư ăp năm ta Gia Lai hôm geh tay bar pe jât nuĭh mât njrăng bri rlu kan.

VOV4.M'nông: Gay n’hao nau gĭt pháp luật ân đoàn viên, druh ndăm, ngăn lah tâm nkuăl nroi mpôl đê̆, nkuăl jru, nkual ngai, tâm năm 2022, Đoàn n’gor Dak Lak hŏ ntrŭnh âk nau kan nkoch trêng đah ăp nau kan, tâm di ma nau dơi bah ăp nkuăl.

VOV4.VM'nông: Ntơm bah âk năm ma aơ, ƀư tĭng nau ntrŭnh bah Đảng, Ngih dak mpeh nau tăm tơm si gay nkŭm n’hâm, nau kan tăm bri tâm ăp xã nkuăl n’har bri bah n’gor Lạng Sơn hŏ geh âk mpưm kônh wa ăp rnoi uănh khlay ntuh kơl. Ntơm bah tăm bri, mât chăm bri ndrel ma sŏk ndơ geh tă bah bri, ri ma âk rnăk hŏ sâm geh.

VOV4.M'nông: Nau kơl an mpeh du đê̆ n’ha báo ndrel nau pă mbơh nau mhe tâm di đah nau geh jêng bah nkuăl rnoi mpôl đê̆ ndrel nkuăl yôk, nkuăl jêr jŏt ngăn lah nau ntrŭnh tâm di, lah rjăp nau kơl an bah Đảng, Ngih dak tŏng nau ŭch bah âk nŭih rnoi mpôl đê̆ ndrel gôl yôk, nkuăl jêr ngăn. Nau aơ khlay rnôk ma Đảng, Ngih dak kơl an ƀư tâm rơh tât.

VOV4.M'nông: Ôi lơ 1/12, Đồn Biên phòng Ea H’Leo (Tahen Biên phòng Dak Lak) ƀư nau ntơm leo dŏng ntŭk kan “Mpoh ang nkuăl n’har bri” tâm xã nkuăl n’har bri Ia Lôp, nkuăl Ea Súp, n’gor Dak Lak.

VOV4.M'nông - Ta nkuăl Krông Nô, n’gor Dak Nông, lĕ geh âk bu ur gĭt hao rlău ăp jêr jŏt bah nkuăl ach o jru ngai, joi nău dơh đah neh ntu, pah kan gay hun hao wăng sa rnăk wâl, kơl uĕh an nsum mpôl. Nău lah bah nuĭh nchih nkô̆ way nkoch.

VOV4.M'NÔNG - Đah nău nsrôih n'hŭch bah tâm tom ndeh lĕ 3 rnoh, nkra bah jêr tă khuch bah nuh srê COVID-19, Ban đăp mpăn hăn ntung trong n'gor Quảng Ninh hŏ geh âk trong nkra lĕ n'hâm suan gay ntrôl dăng nkoch trêng mpeh đăp mpăn hăn ntung trong an nuĭh ƀon lan mpeh yôk yang, nkual rnoi mpôl đê̆.

VOV4.M'nông: Gay n’hao nau blau, nau gĭt ndrel nau ƀư mpeh đăp mpăn hăn trong ân kon se, rơh rlau aơ, ăp ngih săm ƀŭt tâm n’gor Thái Nguyên hŏ tâm rgop đah ăp nkuăl ndrel rmôt kan gay ma ntrŭnh nau nkoch mbơh mpeh nau đăp mpăn hăn trong ân kon se, đah âk nau ƀư. Aơ geh uănh lah nau ƀư săk tam gay ma n’hao nau gĭt, nau blau mpeh hăn trong ân kon se.