Măng 25/11, Ban Tuyên giáo Trung ương ƀư tơm Ƀư nkhôm rnê rơh tâm rlong n’hanh pla n’hơ rup gưl neh dak “N’hao êng săk du njăr trong n’har bri” tâl III. Ta rơh nkhôm rnê, Hội đồng nkhôm rnê hŏ rnê 22 păng rup dŭt uĕh blău bah rơh tâm rlong năm aơ, sơch 128 păng rup gay ƀư pla n’hơ nkoch mbơh tât ăp nuĭh lam dak, mpôl nuĭh Việt Nam gŭ dak bah dih n’hanh băl mpôl dak bah dih gĭt.

Hội đồng Sơ khảo rơh tâm rlong uănh năl, ndrel đah nău n’hao mpeh rnoh âk, săk uĕh ăp ndơ tâm rlong năm aơ dơi n’hao mpơl kloh đŏng. Lah ta rơh nkhôm rnê, Kruanh Ban Tuyên giáo Trung ương Nguyễn Trọng Nghĩa rnê âk ăp nuĭh tơm ƀư hŏ nsrôih râng rơh tâm rlong. Gay n’hao săk blău, uĕh tam nkoch trêng nău lư dak bah dih mpeh pah kan n’har bri neh dak tâm let năp tay, Kruanh Ban Tuyên giáo Trung ương dăn đă, ăp nhih pah kan nsum mpôl, bah Trung ương tât ăp n’gor ân đăm gĭt jru gung trong nău mĭn bah Đảng n’hanh Ngih dak mpeh pah kan n’har bri, ƀư tơm neh dak tâm nô nău mhe- tĭng nuih n’hâm Nghị quyết Đại hội tâl 13 bah Đảng.