Lôch rnôk dŭt jêh tâm nchră, nar 25/11, ta Hà Nội, Kruanh dak Lương Cường n’hanh Tổng thống Bulgaria Rumen Radev hŏ mâp báo chí. Bar ding hŏ tâm ôp lam lĕ rngôch ăp trong rƀŏng têh, ntrŏng ăp trong nkra na nê̆ gay  n’hao dăng tâm boh n’hanh n’hao têh tâm boh let năp tay. Bar ding hŏ tâm ban ŭch ân mât mbro trong tâm khâl ăp gưl, ntrôl dăng tâm  boh ta ăp trong kan wăng sa, ntĭm nti, khoa học - công nghệ, nuĭh kan, văn hóa - thể thao – pâl nđaih n’hanh tâm nđŭr ƀon lan.

Kruanh dak Lương Cường an gĭt: Bar ding hŏ ntrŏng n’hao tâm boh nsĭt geh nău dơi ntuh kơl n’hanh tăch rgâl bar ding; tĭng ƀư ăp tŏng ăp nău tâm ton bar dak hŏ ký mô lah râng, lơn lah ndăn dŏng lĕ rngôch ăp trong dơh uĕh bah Hiệp định dah rŏng tăch rgâl Việt Nam – EU(EVFTA); ntik n’hao nău khlay kan bah ăp trong tâm boh, tâm nê geh Ủy ban bar Chính phủ mpeh tâm boh wăng sa n’hanh khoa học - kỹ thuật. Nkre, bar ding tâm ban ŭch pơk luh ăp trong kan tâm boh mhe ma Bulgaria săk geh âk ma Việt Nam ŭch geh kơt rgâl mbrô, công nghệ sinh học tâm tuch tăm n’hanh dak si...