Ndơn nau jă bah Kruanh dak Lương Cường, Tổng thống dak Cộng hoà Bulgari Rumen Radev ndrel i ur hŏ tât Thủ đô Hà Nội, ntơm hăn khâl Việt Nam ntơm lơ 24-28/11. Ôi 25/11, ta ntŭk kan Kruanh dak, Kruanh dak Lương Cường ndrel i ur hŏ ƀư tơm nar vơt Tổng thống Rumen Radev ndrel i ur khâl ngăn Việt Nam. Jêh nar vơt, Kruanh dak Lương Cường ndrel Tổng thống Rumen Radev leo bôk rmôt kan gưl prêh 2 dak ntơm tam nchră ăp nau geh bah nau tâm boh đah 2 dak tâm rơh rlau aơ ndrel đă nau kan tâm boh tâm rơh tât. Bar ding rđau hŏ tâm nchră jru nâp mpeh nau rƀŏng têh, ăp nau kan ngăn gay n’hao tâm boh lơn tay tâm rơh tât.

Ngăn lah n’hao nau tâm boh tâm mâp gưl prêh, ƀư nâp n’gâng tơm tâm boh tăch rgâl, ntuh kơl, bonh đă ăp N’gâng kan, ntŭk kan, n’gor ndrel ntŭk kan tăch rgâl bah 2 ding ƀư ân săk tam nau dah rŏng tăch gâl Việt Nam-EU; ntrŭt dăng tâm boh tâm nau kan tuch tăm, văn hoá, thể thao, công nghệ thông tin, nkra khoáng sản, ntŭk ntu. Bar ding lah rjăp mra tâm rgop rjăp, pă nau blau ndrel tâm kơl tâm ăp nau tâm nchră âk ding, rgop nau rklaih nau ntul rlong bah lam ntur neh./.