Wa Bùi Viết Tiệm, gŭ ta nkuăl Chư Sê, n’gor Gia Lai nkoch nău dăp tay ntŭk kan hành chính gưl n’gỏ mô knŭng dơi an rgâl n’gâng kan hành chính, ma hôm lah di an ntrôl nău hun hao wăng sa, ntung trong ngih wâl.

"Gâp mpŏng ŭch jêh nglăp nsum n’gor Gia Lai mhe mbra dơi n’hao nkra ntung trong hăn gay boăt nthoi lơn đah nkual Gia Lai n’hanh nkual dâng rđŭng bah Bình Định. Mpŏng ŭch Ngih dak ndâk ƀơ tay ăp bôk nău kan n’hŭch ach o, lơn lah đah ăp nkual rnoi mpôl đêt n’hanh nuĭh ƀon lan ta nkual jru ngai".

Quốc hội ntơm mbơh nghị quyết nglăp nsum, n’huch rnoh n’gor, nkưal ƀon têh ta lam dak bâh 63 jur hôm 34 ntuĭk kan hành chính gâl n’gor n’hanh tâm ban. Tĭng nĕ, Đăk Nông mbra geh nglăp nsum đah Lâm Đồng n’hanh Bình Thuận, jêng n’gor Lâm Đồng mhe. Cán bộ n’hanh ƀon lan Đăk Nông mpơl nău tâm ban n’hanh kơl âk nău ntrŭnh aơ. Wa Phạm Cự Tâm, groi kruanh UBND xã n’har bri Dak Buk So, nkưal Tuy Đức mbơh.“Đắk Nông n’hanh  Lâm Đồng lah 2 n’gor geh nău dơi hun hao mpeh pâl nđaih tuch tăm, tâm rnôk Bình Thuận lah n’gor geh nău dơi mpeh tui ka. Lôch nglăp nsum rĭ lĕ 3 ntŭk mbra hun hao jêng n’gor mhe sâm geh bâh dak lêng tât nkual bri yôk. Lĕ rngôch mbra tâm nđur ndrel gay ma hun hao.